Pangkita 14:10 - Tuntu i mPue ri Basa Taa

¹⁰ tau etu damanginu tule to tondong huku yako resi i Pue Allah. Tule etu tule to taa ragaloka ue, to napoyali i mPue Allah ri raya nsangkir to rato’oka sangkir nu huku to yako resi i Pue Allah. Wali tau to manginu tule etu, ia darasesaika apu pasi sedawa ri tango mpomakau to i Pue Allah Puenya pasi ri tango nu Ana Domba.

Sura Magali Nuntu Ngkatuwu

¹⁰ tau setu da mainu anggoro ngkarau ndaya i mPue Ala, anu tepatokamo ri raya ntabo mpanginu karau ndaya, anu mau sakodi bereʼe kakuranya! Pura-pura tau setu da ndajeani ri raya apu pai awu anu marameda ri suara waʼa malaʼeka anu magali pai ri suara i Ana Bimba setu.

Pangkita 14:10 Referans Kwoze

Pangkita 16:19

Wali kota to bae, etu semo kota Babel, kota etu mawali magoa togo. Pasi kota-kota ntau to taa mangalulu i Pue Allah, to ri sambawo lino napukanaka yau seja. Wali i Pue Allah taa mangkalingan mangahuku kota Babel to bae etu. Ia mampapoinuka kota etu samparia tule to la’u raya nsangkiriNya. Tule etu batuanginya huku mapari kojo yako resi i Pue Allah apa maja’a rayaNya.

Pangkita 20:10

Panewa i maja’a to mangantipu sira etu, ia rapanasoka yau lo’u raya ndano nu apu pasi sedawa to nakala’u nu binatang to maja’a pasi to pantuntu tuntu to taa monso. Wali la’u ria sira darasesai wuri eo rataka singkasaenya.

Pangkita 19:20

Pei taa mawali apa binatang to maja’a etu rasoko sindara-ndara pei to pantuntu tuntu to taa monso. To pantuntu tuntu etu mangampake kuasa yako binatang etu tempo seore mangika palaong to taa rapobiasa. Ia mangantipu tau to re’e tondong binatang to maja’a pasi to mampue tau-tau binatang etu. Wali see naka binatang to maja’a pasi to pantuntu tuntu to taa monso etu sira dua rasoko panewa rataji yau lo’u raya ndano nu apu to la’u sedawa to mawea la’u ria.

Pangkita 18:6

Wali see naka Aku manganto’o, ewa wimba naika ngkota etu mangansesai sa’e, ika seja resi ia. Pasi balasika ia dua ngkani to ewa inikanya resi sa’e etu. Pasi ri raya nsangkir to si ia pasilongaka ia tule to dua ngkani kapa’inya yako ri tule to waikanya sa’e.

Pangkita 21:8

Pei tau to maleo, pasi tau to taa mangaya Aku, tau to kajimi, tau to mampopate sa’e, tau to magoyal, tau to mampake do’a, tau to mampue pue to yusa pasi samparia tau to masanang sangkani mawuti, tau to ewa wetu tare ri Yerusalem to bou, sira re’e la’u rano nu apu pasi sedawa to mawea. Etu semo kapate to kadua.”

Matius 25:41

“Wali yako etu Aku damanganto’oka wo’u tau to re’e ri sambalingKu tondo ngkii, Aku damanganto’o, ‘Piyaimo yako resi Aku, komi to roomo natanaa yau i mPue Allah. Inta njo’u apu to singkasaenya mawea, to rapasigenaka i Kepala nto pantipu pasi pomakaunya.

Pomulanya 19:24

Ojo karatanya nja’u ria, tempo etu semo i Pue Yawe mantudumaka sedawa anu mawea yako ndate yangi. Sedawa etu tudu ri wawo ngkota Sodom pei Gomora see naka mosi yau kota dua etu.

I Yudas 1:7

Pasi ewa see seja to nawali resi tau to maroo ri kota Sodom pasi Gomora pasi ri kota-kota to ri awenya tempo owi. Tau etu re’e seja mangika palaong to maja’a, apa sira sangkani magoyal pasi mampolengkoka pamporani ndaya nsira to taa masipato rapolengkoka. Wali huku to narata ntau etu mawali tondong resi kita see kita taa seja mangika palaong to naika nsira. Apa sira rasesai ri raya nu apu to mawea rataka ri singkasaenya.

Pangkita 18:3

Kota Babel si’i naka pei mawali ewa see apa saba samparia bansa ri lino mangalulu lengkonya pasi pamporaninya to magoyal. Sira raporapaka ewa tau kayangu manginu tule. Pasi makole-makole nto lino room magoyal resi ia. To payoli pasi to pobalu ri sambawo lino, sira sugi apa sira mampobalu ngaya-ngayanya to masuli resi to Babel, apa to Babel etu ojo ngaya-ngaya to masuli to bae batuanginya resi sira.”

Matius 26:39

Wali i Yesu Ia mampiyaika sira togo, Ia yau longko wo’u njo’u sangkodi. Roo see Ia mamo’o yau ri wawo ntana pei makai-kai, Ia manganto’o, “O Pa’angKu, ane bara re’e jaya, limba kasesa to daKurata si’i. Pei ne’e raluluka pamporaningKu. Biakamo pamporani ngKomi semo damawali.”

Matius 20:22

Wali i Yesu manganto’o, “Korom taa mangansani ewa wimba kasulinya palaong to nuporapi ngkorom etu. Apa ri katawanya Aku maporenta, Aku damangarata ruyu kasesa, pasi kasesa to dakurata etu mapari pu’u, raporapaka ewa anu to rainu to mapa’i kojo. (Pasi tau to rani maporenta sindara-ndara pei Aku, tau etu taa maya taa mangarata seja kasesa to ratangKu etu.) Wali wimba, komi dua bara buya rayamu mangarata kasesa etu sindara-ndara pei Aku?” Wali sira dua mangansono, sira manganto’o, “Buya raya mami.”

Markus 8:38

Wali tempo si’i re’e tau to tuwu to room mampiyaika yau i Pue Allah pei mangaluluka wo’u pue to yusa. Tau etu madosa kojo. Wali komi ne’e mea mangaluluka Aku ri tango ntau madosa etu. Apa tempo to darata, Aku, Wiyaa nto Lino, dama’i muni ri lino si’i sindara-ndara pei pomakau to i Pue Allah puenya. Tempo etu kuasa pasi kayawangKu sewaju pei kuasa pasi kayawa mPa’angKu. Wali i sema tau to mea mangaluluka Aku pasi gombongKu ri tango ntau to madosa tempo si’i, Aku damea seja mangampongakung tau etu Aku puenya tempo Aku dama’i etu.”

Palaong mPomakau i mPue Yesu 10:22

Wali tau etu mangansono, “Kepala ntentara mampokau kami, etu semo i Kornelius. Ia tau to matao lengkonya, pasi ia mampalaika i Pue Allah saba manga’angga Ia, pasi samparia to Yahudi nja’u kota Kaisarea paka manga’angga i Kornelius etu. Wali re’e samba’a pomakau i mPue Allah yako ndate saruga rata resi i Kornelius pei manganto’oka ia mampokio korom dayau ri banuanya see ia maya mangandonge gombomu. Wali see naka ia mampokau kami ma’i resi korom.”

2 Tesalonika 1:7

Pasi Ia damampapandoo kasesa to nurata ngkomi pasi kasesa to irata mami seja. Wali palaong etu damawali ane ratamo temponya i Pue Yesu dama’i yako ndate saruga pei mampapokitaka kita koroNya. Tempo Ia ma’i etu, Ia dama’i sindara-ndara pei pomakauNya to bae kuasanya.

Pangkita 15:7

Wali ojo pasuwu mpomakau to pitu etu panewa samba’a ri oyo anu to tuwu to opo, ia mangawaika sira yama weyawa samba’a pei samba’a. Yama pitu etu bananginya huku yako resi i Pue Allah anu to tuwu singkasaenya.

Pangkita 19:15

Wali Ia to sangaNya i Tuntu mPue Allah, Ia re’e panai mataja to masuwu yako ri ngangaNya. Panai etu danapake damanganangi to lino. Panewa Ia damangkuasang sira Ia mangampake toko wubu. Ia seja damangalombu wua nu anggur la’u raya mbayau mbatu, batuanginya i Pue Allah anu to Makuasa maja’a kojo rayanya tempo Ia mangahuku to lino.

Markus 9:44

Pasi la’u ria re’e ule kombo to mangkoni wombo ntau, ule etu taa mate, pasi apu etu singkasaenya mawea.