Pangkita 13:15 - Tuntu i mPue ri Basa Taa

¹⁵ Pasi binatang maja’a to kadua etu rawaika seja kuasa mangampaponosa tau-tau to ewa binatang to uyunya see tau-tau etu nansani magombo. Wali tau-tau etu manganto’o, “Pate yau samparia tau to taa mampue resi aku.”

Sura Magali Nuntu Ngkatuwu

¹⁵ Pai ri siʼa ndawaika kuasa da mampapoʼinosa turuki setu da naka mompau pai da molengko, painaka pura-pura tau anu bareʼe manyomba ri turuki setu da napepate.

Pangkita 13:15 Referans Kwoze

Pangkita 20:4

Wali ojo karoonya aku mangkita palaong etu, aku mangkita wo’u gadera-gadera makole. Pasi to matunda ri gadera makole etu, sira rawaika kuasa mawali to pobotus. Pasi aku mangkita seja tonii ntau to rapu’ak yau wo’onya. Naka pei rapu’ak wo’o nsira apa saba sira mampakarebaka mangkonong i Yesu pasi mangkonong tuntu i mPue Allah. Sira taa mampue resi binatang to maja’a bara resi tau-tau binatang etu, pasi sira taa seja mangantima tondong binatang etu ri kirenya bara ri palenya. Wali sira rapu’ak wo’onya pei i Pue Allah mampotuwu muni sira panewa sira maporenta sindara-ndara pei i Kerisitu sansowu nto’u kasaenya.

Pangkita 19:20

Pei taa mawali apa binatang to maja’a etu rasoko sindara-ndara pei to pantuntu tuntu to taa monso. To pantuntu tuntu etu mangampake kuasa yako binatang etu tempo seore mangika palaong to taa rapobiasa. Ia mangantipu tau to re’e tondong binatang to maja’a pasi to mampue tau-tau binatang etu. Wali see naka binatang to maja’a pasi to pantuntu tuntu to taa monso etu sira dua rasoko panewa rataji yau lo’u raya ndano nu apu to la’u sedawa to mawea la’u ria.

Pangkita 16:2

Wali pomakau to uyunya ia yau mangawubu yau banang nu yama to si ia ri wawo lino. Wali yako etu mawalimo bisul to mapari kojo pasi matida kojo ri koro ntau to re’e tondong binatang to maja’a pasi to mampue resi tau-tau binatang etu.

Pangkita 18:20

O Saruga, pakasanang rayamu apa kota etu room rapakaja’aka yau. O tau to i Pue Allah Puenya, pasi pomakau i mPue Yesu, pasi to pantuntu tuntu i mPue, pakasanang raya ngkomi apa i Pue Allah room mangahuku kota etu apa saba kota etu room mangansesai komi.

Pangkita 17:6

Wali aku mangkita tau we’a etu ia room mampopate yau malagi tau to i Pue Allah Puenya pasi to mangalulu i Yesu. Raa ntau to napopate yau etu raporapaka ewa tule to mampakayangu ia. Wali aku ipu kojo rayangku mangkita tau we’a etu.

Pangkita 14:11

Wali kumbu nu apu to yako ri apu to mangansesai tau etu kangkumbu-kumbu singkasaenya. Wuri eo tare pandoonya kasesa ntau to mampue resi binatang to maja’a pasi mampue resi tau-taunya pasi to mangantima tondong sanga binatang etu.

Pangkita 14:9

Wali ojo karoonya pomakau to kadua etu magombo, panewa re’e wo’u samba’a to mangalulu ia. To katogo etu maroso loonya kaboo manganto’o, “I sema tau to mampue resi binatang to maja’a pasi resi tau-taunya pasi to mangantima tondong ri kirenya bara ri palenya,

Pangkita 13:14

Wali binatang to kadua etu ia rawaika kuasa mangika palaong to taa rapobiasa etu mangawakil binatang to uyunya. Panewa yako palaong etu ia mangantipu to lino. Ia manganto’oka sira mangika tau-tau to ta’anya ewa binatang to uyunya to roomo nawelangi mpanai etu pei tuwu muni.

Pangkita 18:24

Wali kota Babel darahuku apa saba mampopate yau to pantuntu tuntu i mPue Allah pasi tau to i Pue Allah Puenya, see naka raa ntau etu paka nja’u nja’u raya ngkota etu. Pasi samparia tau to yusa to rapopate yau ri lino si’i, paka kota Babel semo to pu’u mpalaong to etu.

Pangkita 17:17

Naka pei sira mangika ewa see apa i Pue Allah mangawaika makole sampuyu etu pampobuuka see sira mangaluluka songka to si Ia. Wali songka i mPue Allah etu, etu semo sira samba’a pampobuukanya mangawaika yau kuasa nsira resi binatang to maja’a see ia semo to maporenta ri lino sampe rata temponya tibanang gombo i mPue Allah.

Pomulanya 2:7

Wali yako etu i Pue Yawe Ia mangoko awu ntana pei yako ri awu ntana etu Ia mangika samba’a tau langkai. Panewa ojo pangikaNya tau etu, Ia mangansinoataka nosaNya ri engo ntau etu see ia datuwu. Ewa wetu naika i mPue Yawe mampaponosa tau etu.

Pangkita 17:14

Wali sira damangamusu Ana nu domba, pei Ana nu Domba pasi joaNya damanganangi sira. Ia manganangi sira apa Ia semo Pue to mangkuasang samparia pue pasi Ia semo Makole to mangkuasang samparia makole. Pasi joa to sindara-ndara pei Ana nu Domba tempo manganangi baliNya etu, etu semo tau to Ia semo mampokio pasi to ipilisiNya, pasi to tare pandoonya mangalulu Ia.”

Pangkita 16:5

Panewa aku mangandonge pomakau i mPue Allah to mangkuasang ue, ia manganto’oka i Pue Allah, to’onya, “O Komi to tare dosa, to re’e tempo si’i pasi to re’e tempo owi, Komi mangahuku to lino singkonong kojo ewa sala nsira.

Yakobus 2:26

Wali aku mamporapaka ewa si’i, koro ntau ane tamo la’u nosanya, batuanginya koro etu matemo, tamore lengkonya. Pasi ewa see seja pangaya ngkita. Ane tare palaong to taika mampolengkoka pangayanta, ane ewa see, pangayanta etu ewa lemba ntau mate apa tare mangika bara kesaa. Wali anu kita mampolengkoka pangaya ngkita samba’a pei samba’a.

Pangkita 13:1

Panewa aku mangkita samba’a binatang to maja’a masuwu yako ri raya ntasi. Binatang to maja’a etu sampuyu seja tondunya pasi pitu seja wo’onya. Wali ndate tondunya sampuyu etu, ndate songko makole. Ponto-ponto tondunya etu paka ndate songko makole. Pasi ponto ri wo’onya re’e sanga ratulis, sanga etu manganto’o maja’a i Pue Allah.

Pangkita 13:12

Binatang to kadua etu mawali wakil nu binatang to uyunya, wali samparia kuasa nu binatang to uyunya napake seja nu binatang to kadua etu. Wali binatang to kadua etu mampakasaaka lino pasi samparia to maroo ri lino see mampue resi binatang to uyunya, to room rapakatao muni welanya to mapari kojo etu.