Pangkita 13:12 - Tuntu i mPue ri Basa Taa

¹² Binatang to kadua etu mawali wakil nu binatang to uyunya, wali samparia kuasa nu binatang to uyunya napake seja nu binatang to kadua etu. Wali binatang to kadua etu mampakasaaka lino pasi samparia to maroo ri lino see mampue resi binatang to uyunya, to room rapakatao muni welanya to mapari kojo etu.

Sura Magali Nuntu Ngkatuwu

¹² Pai pura-pura kuasa mpinatuwu anu kaʼisa nawianaka ri suaranya. Painaka sambawo lino nariso da manyomba ri pinatuwu anu kaʼisa, anu osamo welanya anu maʼai setu.

Pangkita 13:12 Referans Kwoze

Pangkita 19:20

Pei taa mawali apa binatang to maja’a etu rasoko sindara-ndara pei to pantuntu tuntu to taa monso. To pantuntu tuntu etu mangampake kuasa yako binatang etu tempo seore mangika palaong to taa rapobiasa. Ia mangantipu tau to re’e tondong binatang to maja’a pasi to mampue tau-tau binatang etu. Wali see naka binatang to maja’a pasi to pantuntu tuntu to taa monso etu sira dua rasoko panewa rataji yau lo’u raya ndano nu apu to la’u sedawa to mawea la’u ria.

Pangkita 14:11

Wali kumbu nu apu to yako ri apu to mangansesai tau etu kangkumbu-kumbu singkasaenya. Wuri eo tare pandoonya kasesa ntau to mampue resi binatang to maja’a pasi mampue resi tau-taunya pasi to mangantima tondong sanga binatang etu.

Pangkita 14:9

Wali ojo karoonya pomakau to kadua etu magombo, panewa re’e wo’u samba’a to mangalulu ia. To katogo etu maroso loonya kaboo manganto’o, “I sema tau to mampue resi binatang to maja’a pasi resi tau-taunya pasi to mangantima tondong ri kirenya bara ri palenya,

2 Tesalonika 2:4

Wali tau to baraewa etu ia damangewa samparia to napue ntau pasi to nato’oka ntau Allah. Pasi ia damangokotaka koronya pei manganto’o, “Aku semo to bae-bae anggangku pei samparia to napue ntau.” Pasi ia damasua pei matunda ri raya banua i mPue Allah pasi damanganto’o, “Aku semo i Pue Allah.”

Pangkita 13:2

Wali binatang to maja’a etu ta’anya ewa binatang to rato’oka macan tutul. Pei witinya ewa witi beruang pasi ngujunya ewa nguju nsinga. Wali ule naga mangawaika binatang etu karoso ewa karoso to si ia. Pasi ule naga etu mangawaika ia mamporentang tau to re’e ri paporentanya pasi mangawaika ia seja kuasanya to bae kojo.

Pangkita 13:8

Wali samparia to lino damampue resi binatang to maja’a etu, kasimbalinya yako tau to sanganya room ratulis ri raya buku ngkatuwu. Buku ngkatuwu etu buku nu Ana Domba to rasimbale yau yako ri tempo i Pue Allah mampapowali lino. Wali tau to sanganya ratulis nja’u raya buku etu, sira taa mampue resi binatang.

Pangkita 16:2

Wali pomakau to uyunya ia yau mangawubu yau banang nu yama to si ia ri wawo lino. Wali yako etu mawalimo bisul to mapari kojo pasi matida kojo ri koro ntau to re’e tondong binatang to maja’a pasi to mampue resi tau-tau binatang etu.

Pangkita 17:8

Wali binatang to nukita etu, ia tuwu tempo ruyu pei si’i-si’i ia tamo tuwu. Pei ia damasuwumo yako la’u wayau to taa ransani ungka ngkayombunya panewa yako etu ia darapakaja’aka. Wali to lino to tare sanganya ratulis nja’u raya buku ngkatuwu to yako ri tempo lino rapapowali, sira daipu rayanya mangkita binatang etu. Naka pei ipu raya nsira mangkita, apa ia tuwu tempo ruyu, pasi roo see ia tamo tuwu, panewa roo see ia damasuwu muni. See naka tau ipu rayanya.

Pangkita 20:4

Wali ojo karoonya aku mangkita palaong etu, aku mangkita wo’u gadera-gadera makole. Pasi to matunda ri gadera makole etu, sira rawaika kuasa mawali to pobotus. Pasi aku mangkita seja tonii ntau to rapu’ak yau wo’onya. Naka pei rapu’ak wo’o nsira apa saba sira mampakarebaka mangkonong i Yesu pasi mangkonong tuntu i mPue Allah. Sira taa mampue resi binatang to maja’a bara resi tau-tau binatang etu, pasi sira taa seja mangantima tondong binatang etu ri kirenya bara ri palenya. Wali sira rapu’ak wo’onya pei i Pue Allah mampotuwu muni sira panewa sira maporenta sindara-ndara pei i Kerisitu sansowu nto’u kasaenya.