Pangkita 12:9 - Tuntu i mPue ri Basa Taa

⁹ Ule naga to bae etu ia rapanasoka yau yako ndate saruga. Ule naga etu semo ule to yako tempo owi, ule to rato’oka i maja’a pasi Kepala Measa. Ia semo to pantipu to mangantipu to lino samparia. Wali ia rapanasoka yau yako ndate saruga tudu ri wawo lino. Pasi pomakaunya seja rapanasoka yau sindara-ndara pei ia.

Sura Magali Nuntu Ngkatuwu

⁹ Naga bangke setu ndatajika ri sambalikunya! Inceʼemo duata tuʼa anu mampotoʼo i Majaʼa bara Inosa Majaʼa, anu mambambasi sambawo lino. Siʼa ndatajika ri lino sangkani pai waʼa malaʼekanya.

Pangkita 12:9 Referans Kwoze

Lukas 10:18

Wali i Yesu manganto’oka sira, “Monso pu’u. Naka pei sira mampalaika komi apa nangi kepalanya, apa Aku re’e mangalo’a tempo Kepala Measa rasounaka yako ndate saruga. Kasounya etu ewa bilak kagasinya. Wali ia nangimo kuasanya.

Yohanes 12:31

Wali ratamo temponya i Pue Allah damangahuku dosa nto lino. Pasi ratamo temponya Ia damanganangi i Kepala nto pantipu to mangkuasang lino si’i.

Pangkita 20:10

Panewa i maja’a to mangantipu sira etu, ia rapanasoka yau lo’u raya ndano nu apu pasi sedawa to nakala’u nu binatang to maja’a pasi to pantuntu tuntu to taa monso. Wali la’u ria sira darasesai wuri eo rataka singkasaenya.

1 Yohanes 5:19

Pasi kita tansani seja kita i Pue Allah Puenya. Pei samparia to lino to taa mangaya, sira paka nakuasang i ngKepala nto pantipu.

2 Korintus 4:4

Tau etu tau to taa mangaya. Wali i Kepala nto pantipu, pue to mangkuasang ri tempo to maja’a si’i, ia semo to mangabombong pampobuuka ntau to taa mangaya etu. Sabanya naka pei ia mangabombong pampobuuka nsira see sira taa maya mangansani kareba matao mangkonong kayawa i ngKerisitu. Kita mangansani i Kerisitu sewaju kojo pei i Pue Allah. Pasi kareba mangkonong Ia etu raporapaka ewa reme to mangansindo tau etu. Pei pampobuuka nsira roomo mawali ewa tau buta to taa mangkita reme etu.

Pomulanya 3:1

Wali tempo i Pue Yawe mampapowali samparia binatang, tempo etu re’e samba’a to pande kojo. Ia semo to pande-pande wo’u pei kasamparianya ngaya nu binatang to yusa. Wali to pande etu, etu semo ule. Wali yako etu re’e seo ule etu yau mangampago tau we’a ri raya nu bonde pei mangampogomboka ia. Ule etu rani mangantipu ia, see naka ia mampotanaka, “Wimba, bara monso pu’u i Pue Allah manganto’oka komi dua, ‘Samparia kaju ri bonde si’i ne’e kojo nukoni ngkomi wuanya?’”

Pangkita 12:7

Wali tempo etu aku mangkita re’e to masimusu ndate saruga. Re’e kepala mpomakau i mPue Allah, sanganya i Mikael. Wali i Mikael etu pasi pomakau to ia mangkuasang, sira mangamusu ule naga. Pasi ule naga etu pasi pomakau to si ia, sira mangamusu seja i Mikael.

Yohanes 8:44

Naka pei komi ewa wetu apa i Kepala nto pantipu semo pa’a ngkomi. Pasi komi rani mangalulu pamporani to si ia. Yako ri pamulanya ia mampopate tau. Pasi ia taa mampasimbalika anu to monso apa tare anu to monso resi ia. Pasi ia biasa kojo mawuti apa ewa wetu semo lengkonya. Ia to pawutis pasi samparia wuti ia semo pu’unya.

Pangkita 20:8

Ojo palapa, ia dayau mangantipu to lino ri sambawo lino, etu semo tau to rato’oka to Gog pasi to Magog. Ia damampasiromunaka sira yau damamusu. Wali kaborosinya tau to napasiromunaka etu, kaborosinya ewa bone ri wii ntasi.

Pangkita 12:3

Panewa re’e wo’u ndate yangi anu to ipu raya ntau mangkita, to mawali seja tondong. Etu semo ule naga to bae kojo pasi mawaa. Ule etu pitu wo’onya pasi sampuyu tondunya. Pasi ndate wo’onya pitu etu re’e songko makole. Ponto-ponto wo’onya etu paka ndate songko makole.

Pangkita 9:1

Wali yako etu pomakau to kalima ia mantawuis tarompet to si ia. Panewa aku mangkita batu’e to maranta lo’u lino. Wali batu’e etu rawaika kunsi to mangua wombo mbayau to taa ransani ungka ngkayombunya.

Pangkita 2:24

Pei re’e seja komi nja’u Tiatira to taa mangaluluka anu to napotunde i Isebel etu, pasi taa seja maguru anu to rato’oka anu to taa rakita, to napotunde i ngKepala Measa. Wali ane komi, Aku taa damanganto’oka komi paposia to mampakabeu wo’u.

Pangkita 2:13

Ia manganto’o, Aku Kunsani palaong ngkomi pasi lipu to nukaroos ngkomi. Lipu etu semo to nakuasang kojo i ngKepala Measa. Pei nempo komi maroo nja’u lipu etu, pei komi mangalulu kojo Aku pasi komi taa manganto’oka sa’e, ‘Aku taa mangalulu i Yesu.’ Seore re’e tau to rapopate yau apa saba ia mampakarebaka mangkonong Aku. Etu semo i Antipas to mangalulu kojo Aku. Ia rapopate yau nja’u kota ngkomi, kota to nakaroos i ngKepala Measa. Pei nempo re’e to rapopate yau etu, pei komi taa manganto’oka sa’e, ‘Aku taa mangalulu i Yesu.’

1 Petrus 5:8

Wali matao komi masilonga pampobuuka ngkomi pasi ne’e bayore. Apa bali ngkomi, etu semo i Kepala nto pantipu, ia raporapaka ewa singa to manggori pasi malinja njo’u-ma’i njo’u-ma’i mangaliwu tau to danakoni.

2 Korintus 11:14

Pei palaong etu taa mampakaipu rayanta apa ewa wetu seja naika i ngKepala nto pantipu. Ia seja maya mangawuni lengko to si ia pei mampotumbu pomakau i mPue Allah to mareme ta’anya.

2 Korintus 2:11

Apa ane kita tiroo mangkitanaka sala nu yununta, ane ewa see i Kepala nto pantipu re’e jaya manganangi kita. Apa kita tansani ewa wimba songka-songka i ngKepala nto pantipu. Wali see naka aku manganto’oka komi to tao-tao ne’emo mangkitanaka sala ntau etu.

Roma 16:18

Apa tau to ewa wetu taa kojo mangika palaong i ngKerisitu, Pue ngkita. Sira ojo mangika palaong to mangabanang pamporani ndaya nsira semo. Pasi sira mangampake gombo to magaya pasi to mangamomis raya ntau see mangantipu tau to taa pande mampasisala anu to monso pasi to taa monso.

Palaong mPomakau i mPue Yesu 26:18

Naka pei Aku damampokau korom dayau resi sira see korom damampotundeka sira mangkonong Aku. Apa ane sira mangandonge mangkonong Aku, panewa sira damangansani damangandolika tangonya resi Aku. Pasi ane ewa see sira damawali ewa tau to tempo ruyu tuwu ri raya mburi pei tempo si’i ralepa matanya see maya mangkita reme. Pasi sira daralapa yako ri ara ngkuasa i ngKepala Measa pei damangandolika tangonya resi i Pue Allah. Apa ane ewa see sira tamo danakitanaka i mPue Allah dosanya pasi sira damawali seja tau to Aku puenya apa saba sira mangaya Aku.’ Wali etu semo to nato’oka i mPue aku seore.

Lukas 22:31

Wali yako etu i Pue Yesu manganto’oka i Petrus, Ia manganto’o, “O Simon, Simon, padongeka gombongKu si’i. Apa i Kepala Measa roomo marapi damangansoba komi samparia. Pasi ia nawaika i mPue Allah mangika palaong to etu. Wali tempo ia mangansoba komi etu, pansoba etu maya raporapaka ewa mangantapis pae, apa yako pansoba etu damiyala pangaya ngkomi bara ewa wea bara ojo ewa otanya.

2 Korintus 11:3

Pei aku moru-moru rayangku mampobuuka komi apa saba tau to mampotundeka komi anu to taa monso. Aku moru mampobuuka komi bara danatipu ntau etu sewaju ewa i Hawa natipu nu ule tempo ule mangakal ia tempo owi. Apa ane komi ra’akal ewa wetu, pampobuuka ngkomi damambali see komi dua-dua rayamu mamporayang i Kerisitu.

Lukas 22:3

Wali tempo etu i Kepala Measa mamposuak samba’a anaguru i Yesu to sampuyu pei dua etu. Sanga ngkai to raposuak etu i Yudas to rato’oka seja Iskariot.

Lukas 8:12

Pasi ane liano to rasawu kono ri jaya, jaya etu batuanginya tau to mangandonge tuntu i mPue Allah. Pei roo see ma’i i Kepala nto pantipu pei mangoko yau kareba etu yako ri pampobuuka nsira naka ne’e sira mangaya pei rapalaes.

Matius 25:41

“Wali yako etu Aku damanganto’oka wo’u tau to re’e ri sambalingKu tondo ngkii, Aku damanganto’o, ‘Piyaimo yako resi Aku, komi to roomo natanaa yau i mPue Allah. Inta njo’u apu to singkasaenya mawea, to rapasigenaka i Kepala nto pantipu pasi pomakaunya.

Matius 4:10

Wali i Yesu manganto’oka ia, “Gete, bo’ongku! Apa re’e porenta to ratulis ri raya ntuntu i mPue Allah to manganto’o, ‘Ne’e mampakabae anu to yusa wo’u kasimbalinya yako resi i Pue apa Ia semo Allah ngkomi. Pasi tare yusa to danupalaika kasimbalinya yako Ia.’ (Ulang 6:13) Ewa wetu ratulis ri raya ntuntu i mPue Allah, wali piyaimo Kepala Measa!”

Matius 4:8

Wali yako etu i Kepala nto pantipu mangkeni wo’u i Yesu nto’u rapa ntongku to malangan kojo. Ojo karata nsira ndate ria, ia mangansuduka i Yesu samparia lipu ntau to nakuasang makole pasi kasugi to meyawa kojo to nja’u lipu-lipu etu.

Matius 4:5

Wali yako etu, i Kepala nto pantipu mangkeni i Yesu nto’u Yerusalem, kota to i Pue Allah puenya. Rata ndate ria, ia mangkeni i Yesu nto’u wumbu to malangan kojo ri banua i mPue Allah panewa manganto’oka Ia makore ndate ria.

Matius 4:1

Wali ojo karoonya i Yesu mangandonge loo etu, Ia nasale i Nosa Mapasing yako ri koro Yordan nto’u pada bone danagoda i ngKepala nto pantipu.

Pomulanya 3:13

Wali i Pue Yawe mampotanaka wo’u resi tau we’a etu, to’oNya, “Kesaa sabanya naka pei korom mangika palaong to etu?” Wali tau we’a manganto’o, “Ule to nangakal aku see naka aku mangkoni.”

Pangkita 19:20

Pei taa mawali apa binatang to maja’a etu rasoko sindara-ndara pei to pantuntu tuntu to taa monso. To pantuntu tuntu etu mangampake kuasa yako binatang etu tempo seore mangika palaong to taa rapobiasa. Ia mangantipu tau to re’e tondong binatang to maja’a pasi to mampue tau-tau binatang etu. Wali see naka binatang to maja’a pasi to pantuntu tuntu to taa monso etu sira dua rasoko panewa rataji yau lo’u raya ndano nu apu to la’u sedawa to mawea la’u ria.

Pangkita 16:14

Nosa togo etu semo nosa measa to mangika palaong to taa rapobiasa to mawali tondong resi tau. Wali nosa etu yau damampasiromunaka makole-makole yako ri sambawo lino yau damamusu ane ratamo temponya eo bae, etu semo eo to rato’oka Eo i mPue Allah anu Makuasa.

Pangkita 13:14

Wali binatang to kadua etu ia rawaika kuasa mangika palaong to taa rapobiasa etu mangawakil binatang to uyunya. Panewa yako palaong etu ia mangantipu to lino. Ia manganto’oka sira mangika tau-tau to ta’anya ewa binatang to uyunya to roomo nawelangi mpanai etu pei tuwu muni.

Pangkita 9:20

Wali tau to toronya to taa namate ri tempo soba etu, sira taa mangandolika tangonya yako mampue measa pasi mampue tau-tau to sira mangika yako weyawa, pera, tambaga, watu pasi kaju. Sira mampue resi tau-tau etu to taa maya mangkita rao, pasi taa mangandonge bara kesaa pasi taa seja malinja.

Pangkita 3:9

Ewa si’i daKuika resi tau Yahudi to mawutis mampoanika mangalulu agama nto Yahudi, pei to mampue resi Kepala Measa. Tau to etu Aku daKupakasaaka dayau madungku yau ri tana ri tango mbiti ngkomi. Wali sira damangansani Aku mamporayang komi.

Pangkita 2:9

Ia manganto’o, Aku Kunsani kasesa to nurata ngkomi. Pasi Kunsani komi masiasi, pei kamonsonya komi tau to masugi! Aku Kunsani seja re’e tau Yahudi to mampoanika mangalulu agama nto Yahudi pei taa mangalulu, sira mampue resi i Kepala Measa. Tau etu manto’o maja’a komi.

I Yudas 1:9

Sakowa kepala mpomakau i mPue Allah, i Mikhael, ia mangepe taa masipato ia manto’o maja’a sa’e. Tempo ia masibanta pei Kepala Measa mangkonong lemba i Musa, ia mampobuuka, “Taa masipato ane aku manto’o maja’a i Kepala Measa pasi mangahuku ia.” Wali ia ojo manganto’o, “Biakamo i Pue semo damanganseko korom.”

Ibrani 2:14

Wali tau to nato’oka i Yesu “ngana” etu, tau etu ojo to lino semo, koro nsira ojo raa pasi wombo. Wali see naka i Yesu mawali seja to lino, see yako kapateNya Ia mampakaja’aka yau kuasa i Maja’a anu to mangkuasang kapate.

2 Timotius 3:13

Pei tau to maja’a pasi to panipu, tau etu kanjo’u-njo’u tiduga-dugang wo’u kaja’anya. Sira mangantipu sa’e pasi sira seja ratipu.

1 Timotius 2:14

Pasi si’a i Adam to ratipu, etu semo to we’a to ratipu pei mawali tau madosa.

2 Tesalonika 2:3

Wali nempo bara kesaa to nato’o ntau, ne’e natipu ntau etu. Kita mangansani taa monso gombo ntau etu apa kamonsonya tempo etu tawa darata ane tawa rata temponya boros tau tiokotaka yako ri lino si’i. Pasi temponya i Pue mula maporenta ri lino etu tawa darata ane tawa rapapokitaka resi to lino samba’a tau to mangewa kojo i Pue Allah, etu semo tau to taa maya taa darapakaja’aka yau.

Epesus 4:14

Apa pamporani i mPue kita tamo ewa ngana mayunu to maya ratipu. Ane tau to ewa wetu, sira maya raporapaka ewa duangan to kanggoli-nggoli naika nu bombang pasi to nakeni nu ngoyu marimbo njo’u-ma’i njo’u-ma’i. Apa sira ojo mangaluluka yau gombo ntau to mampoguru ojo mpangkewanya. Pasi sira naakal ntau to pande mangika songka to manipu. Wali ne’emo kita ewa wetu.

2 Korintus 12:7

Wali apa saba boros kojo anu to magaya to napaponsanika i mPue Allah aku etu, see naka i Pue Allah mangajagai naka ne’e aku damawali mangei. Wali see naka aku rawaika panyaki to raporapaka ewa rui to nja’u raya nu wombongku to taa maya rayali yau. Pasi panyaki to etu napake i ngKepala nto pantipu mangansesai aku. Wali ewa wetu naika i mPue Allah mangajagai naka ne’e aku damawali mangei.

Roma 16:20

Apa ane kita mangika ewa see, tamo masae i Pue Allah, anu mangawaika kita karodo ndaya, damampakapura kuasa ngKepala Measa see kita maya manganangi ia. Wali aku mamporapika resi i Yesu Kerisitu, Pue ngkita, see Ia mampaponsanika komi kanotoNya.

Palaong mPomakau i mPue Yesu 5:3

Pei i Petrus manganto’oka i Ananias, “Gete, Ananias, maka pei korom ojo mangaluluka yau pampobuuka ndaya to nawaika i ngKepala Measa korom see korom mangawutis i Nosa Mapasing? Apa korom rani mangantipu kami see kami mampobuuka si’i sampariamo oli ntana etu, pei kamonsonya re’ewa singga’a to nusayaka yau ngkorom.

Yohanes 16:11

Pasi to Pansawang etu, Ia damampakanasaka seja to lino mangkonong huku, apa i Kepala nto pantipu to mangkuasang to lino roomo rahuku wali matantu tau to mangalulu ia darahuku seja.

Yohanes 14:30

Wali si’i-si’i tamo masae Aku mampogomboka komi, apa daratamo i Kepala Measa to mangkuasang to lino to balingKu. Ia taa maya mangkuasang Aku,

Lukas 13:16

Wali taa manto’o tau we’a si’i! Ia wiyaa i Abraham, pasi sampuyu pei wayu nto’umo ia ewa nataka i ngKepala Measa apa ia naposuak measa. Wali gete, bara taa masipato ia ralapa muni yako ri takanya etu ri Eo Rapandoo?”

Matius 24:24

Apa ri tempo etu boros tau to damangawutis tau, sira manganto’o, ‘Aku semo i Kerisitu, Makole parajanji i mPue Allah.’ Pasi re’e seja to manganto’o, ‘Aku semo to pantuntu tuntu i mPue Allah.’ Tau etu sira damangika palaong to taa rapobiasa to mawali tondong resi tau, pasi palaong to mampakaipu raya ntau. Sira mangika palaong to etu apa sira mampobuuka bara maya mangantipu yau tau, nempo tau to natipu etu tau to roomo napilis i mPue Allah.

Pangkita 18:2

Ia maroso loonya kaboo, manganto’o, “Napukamo, napukamo kota Babel to bae etu! Babel etu room nawali yau lipu measa, pasi mawali yau seja banua nsamparia nosa to maja’a, pasi gimpu nsamparia tonsi to makarika pasi to maja’a nakita ntau.

Pangkita 18:23

Tamo damiyala reme mpansona ri raya ngkorom. Pasi tamo seja daradonge loo mpangantin to langkai bara to we’a ri raya ngkorom. Samparia to etu damawali resi korom apa saba to payoli pasi to pobalu to si korom, sira semo tau to bae kojo angganya ri lino tempo ruyu. Pasi apa saba samparia to lino paka natipu nu mpake pasi do’a ngkorom.”

Pangkita 12:8

Wali tempo sira masimusu etu, ule naga ia nangi pasi joanya. Wali sira tamo rabiaka maroo-roo ndate saruga.

Pangkita 12:12

O Saruga pakasanang! Pasi samparia to maroo ri raya nsaruga, pakasanang raya ngkomi. Pei komi to maroo ri lino pasi ri tasi, komi masesa kojo apa i maja’a naratamo resi komi yako ndate yangi. Pasi ia maja’a kojo rayanya apa ia nansani tamo masae ia darata’amakamo.” Wali etu semo gombo to aku mangandonge.