Pangkita 12:7 - Tuntu i mPue ri Basa Taa

⁷ Wali tempo etu aku mangkita re’e to masimusu ndate saruga. Re’e kepala mpomakau i mPue Allah, sanganya i Mikael. Wali i Mikael etu pasi pomakau to ia mangkuasang, sira mangamusu ule naga. Pasi ule naga etu pasi pomakau to si ia, sira mangamusu seja i Mikael.

Sura Magali Nuntu Ngkatuwu

⁷ Ungka lairia mewalimo poʼiwali ri suruga. I Mikaeli sangkani pai waʼa malaʼekanya moʼiwali maewa naga setu. I naga setu woʼu napelae waʼa malaʼekanya maewa i Mikaeli.

Pangkita 12:7 Referans Kwoze

I Yudas 1:9

Sakowa kepala mpomakau i mPue Allah, i Mikhael, ia mangepe taa masipato ia manto’o maja’a sa’e. Tempo ia masibanta pei Kepala Measa mangkonong lemba i Musa, ia mampobuuka, “Taa masipato ane aku manto’o maja’a i Kepala Measa pasi mangahuku ia.” Wali ia ojo manganto’o, “Biakamo i Pue semo damanganseko korom.”

2 Petrus 2:4

Wali kita manasa resi kita, sira matantu darahuku apa sakowa pomakau-pomakau i mPue Allah ndate saruga, sira to nangika dosa tempo owi, sira taa raporayang. Sira napanasoka yau i mPue Allah lo’u lipu ntau mate. Wali sira rapunguka rante pasi maroo-roo ri tampa to mawuri la’u ria mangampeas temponya darapangabotus.

Epesus 6:12

Wali pake samparia anu to etu apa kita seja mamusu. Pei kita si’a mangamusung to lino, kita mangamusung anu to taa rakita. Etu semo measa to boros kojo to maroo ndate rao. Measa etu rato’oka makole-makole, pasi rato’oka anu to re’e kuasanya, pasi anu to mangkuasang to lino ri tempo to mawuri si’i

Pangkita 20:2

Wali pomakau etu ia mangansoko ule naga, ule to yako tempo owi. Ule naga etu semo to rato’oka i maja’a pasi i Kepala Measa. Wali ia mangansoko ule naga etu panewa ia mangampunguka rante panewa mangantajika yau lo’u raya mbayau to taa ransani ungka ngkayombunya. Ojo karoonya ia mangantajika yau ule naga etu ri raya mbayau, ia mangaba’a yau wayau etu panewa ia mangantondong, batuanginya taa maya raloka ane taa rawaika kuasa. Wali ule naga etu ia damaroo la’u raya mbayau etu sansowu nto’u kasaenya see tempo etu ia taa maya mangantipu to lino. Wali ojo karoonya sansowu nto’u etu ule naga etu ia daralapa muni ojo sangkodija tempo.

Pangkita 12:9

Ule naga to bae etu ia rapanasoka yau yako ndate saruga. Ule naga etu semo ule to yako tempo owi, ule to rato’oka i maja’a pasi Kepala Measa. Ia semo to pantipu to mangantipu to lino samparia. Wali ia rapanasoka yau yako ndate saruga tudu ri wawo lino. Pasi pomakaunya seja rapanasoka yau sindara-ndara pei ia.

2 Tesalonika 1:7

Pasi Ia damampapandoo kasesa to nurata ngkomi pasi kasesa to irata mami seja. Wali palaong etu damawali ane ratamo temponya i Pue Yesu dama’i yako ndate saruga pei mampapokitaka kita koroNya. Tempo Ia ma’i etu, Ia dama’i sindara-ndara pei pomakauNya to bae kuasanya.

2 Korintus 12:7

Wali apa saba boros kojo anu to magaya to napaponsanika i mPue Allah aku etu, see naka i Pue Allah mangajagai naka ne’e aku damawali mangei. Wali see naka aku rawaika panyaki to raporapaka ewa rui to nja’u raya nu wombongku to taa maya rayali yau. Pasi panyaki to etu napake i ngKepala nto pantipu mangansesai aku. Wali ewa wetu naika i mPue Allah mangajagai naka ne’e aku damawali mangei.

Pangkita 13:7

Panewa binatang etu rabiaka seja mangamusu pasi manganangi tau to i Pue Allah Puenya. Pasi ia rawaika kuasa mangkuasang samparia tau ri lino, etu semo ponto-ponto suku, pasi ponto-ponto bansa, pasi ponto-ponto basa, pasi ponto-ponto paporenta.

Matius 16:27

Wali lulu Aku apa Aku, Wiyaa nto Lino, Aku dama’i sindara-ndara pei pomakaungKu yako ri saruga. Tempo etu kuasa pasi kayawangKu sewaju pei kuasa pasi kayawa mPa’angKu. Pasi tempo Aku dama’i etu Aku damangawaika samparia tau ntanapa to singkonong pei palaong to naika nsira samba’a pei samba’a.

Matius 13:41

Tempo etu Aku, Wiyaa nto Lino, damampokau pomakaungKu yako ri saruga yau damampasiromunaka samparia tau to mangakal sa’e naka pei sira mangika dosa, pasi samparia tau to yusa to mangika palaong to maja’a. Wali tau to etu darakeni yau yako ri oyo ntau to Aku Makolenya.

Matius 26:53

Wimba korom bara taa nunsani ane Aku mamporapi sawang yako resi Pa’angKu, panewa Ia mansaka damangampokau pomakauNya yabi pitu mpuyu nsowu dama’i mangansawang Aku?

Matius 25:41

“Wali yako etu Aku damanganto’oka wo’u tau to re’e ri sambalingKu tondo ngkii, Aku damanganto’o, ‘Piyaimo yako resi Aku, komi to roomo natanaa yau i mPue Allah. Inta njo’u apu to singkasaenya mawea, to rapasigenaka i Kepala nto pantipu pasi pomakaunya.

Matius 24:31

Tempo etu loo ntarompet to maroso kojo daradonge, pasi tempo etu semo Aku damampokau pomakaungKu yako ndate saruga yau damampasiromunaka tau to Aku room mampilis. Sira damampasiromunaka tau etu yako ponto lipu ri sambawo lino. Bara imba-imbare lipu ntau to Kupilis etu, yako nja’u ria sira darapasiromunaka.”

Ibrani 2:10

Wali songka i mPue Allah Ia rani boros tau mawali anaNya pasi Ia rani mangkeni sira damangarata seja kayawaNya. Apa i Pue Allah nampapowali samparia anu to re’e, see samparia anu to re’e etu damangabarong Ia. Pei wimba danaika i mPue Allah mangkeni to lino to madosamo see maya mangarata seja kayawaNya? Ewa si’i jaya to kono kojo to Ia mangarata. Ia mangawaika i Yesu mangarata kasesa sampe mate yau. Wali yako kasesa to narata i Yesu etu, i Pue Allah mampasilonga jaya see Ia maya mampalaes kita apa saba dosa ngkita roomo nasompo nu AnaNya. Wali i Yesu mawali Mata nJaya to mangkeni boros tau see darapalaes. See naka kita maya mawali seja ana i mPue Allah pasi mangarata seja kayawaNya singkonong pei songkaNya etu.

Pangkita 12:8

Wali tempo sira masimusu etu, ule naga ia nangi pasi joanya. Wali sira tamo rabiaka maroo-roo ndate saruga.