Pangkita 12:4 - Tuntu i mPue ri Basa Taa

⁴ Wali iku nu ule etu mangawembo yau santila togo batu’e yako ndate yangi tasiba yau lo’u wawo nu lino. Wali ule naga etu maroo-roo ri tango ntau we’a to damoana etu, mangampeas tau we’a etu moana panewa ananya etu ia mansaka damangomo yau.

Sura Magali Nuntu Ngkatuwu

⁴ Pai ikunya manoʼo sampotila tatogo waʼa betuʼe ri yangi nepa napetasoka ri wawo lino. Naga setu mekakore ri suara mbeʼa anu da moana setu, mantundani da poananya, liu-liu da naomo ananggodi setu.

Pangkita 12:4 Referans Kwoze

Pangkita 12:9

Ule naga to bae etu ia rapanasoka yau yako ndate saruga. Ule naga etu semo ule to yako tempo owi, ule to rato’oka i maja’a pasi Kepala Measa. Ia semo to pantipu to mangantipu to lino samparia. Wali ia rapanasoka yau yako ndate saruga tudu ri wawo lino. Pasi pomakaunya seja rapanasoka yau sindara-ndara pei ia.

Yohanes 8:44

Naka pei komi ewa wetu apa i Kepala nto pantipu semo pa’a ngkomi. Pasi komi rani mangalulu pamporani to si ia. Yako ri pamulanya ia mampopate tau. Pasi ia taa mampasimbalika anu to monso apa tare anu to monso resi ia. Pasi ia biasa kojo mawuti apa ewa wetu semo lengkonya. Ia to pawutis pasi samparia wuti ia semo pu’unya.

Pangkita 9:19

Wali jarang etu re’e kuasa yako ri nganganya pasi yako ri ikunya, apa ikunya etu ewa ule to matida naepe ntau ane natungku.

Pangkita 9:10

Iku nu mpa’o etu ewa iku nu lipa mpondo pasi ikunya etu mansupi seja tau. Wali ri ikunya etu semo re’e kuasa mangansesai tau lima mbuya kasaenya.

Pangkita 8:7

Wali pomakau to uyunya, ia mangantawuis tarompet to si ia. Panewa mawali tiba pasi apu to sigalo raa ratajika yau ri wawo lino. Wali santila togo lino to mosi yau. Etu semo santila togo kaju pasi samparia junju to maruna mosi yau.

1 Petrus 5:8

Wali matao komi masilonga pampobuuka ngkomi pasi ne’e bayore. Apa bali ngkomi, etu semo i Kepala nto pantipu, ia raporapaka ewa singa to manggori pasi malinja njo’u-ma’i njo’u-ma’i mangaliwu tau to danakoni.

Posuwunya 1:16

ia manganto'o, “Tempo komi dua mampapoana yunu ngkomi to Ibrani etu, lo'aka kojo tempo ana etu rapoanaka. Ane ana etu to langkai, popate yau ia pei ane ana etu to we'a, biaka ia tuwu.” Etu semo porenta i Makole resi tau dua etu.

Pangkita 17:18

Wali tau we’a to nukita ngkorom etu, ia semo tondong nu kota to bae to mangkuasang samparia makole nto lino.” Etu semo gombo to nato’oka mpomakau etu aku.

Pangkita 8:8

Wali yako etu pomakau to kadua mantawuis seja tarompet to si ia. Tempo ia mantawuis etu, re’e anu to ewa tongku to bae pasi mawea rapanasoka yau ri raya ntasi.

Pangkita 8:9

Wali ojo katudu anu etu ri raya ntasi, santila togo tasi etu to mawali yau raa, pasi santila togo seja anu to tuwu ri raya ntasi etu mate yau, pasi santila togo bangka to ri wawo ntasi etu maja’a yau.

Pangkita 8:10

Panewa yako etu pomakau to katogo ia mantawuis seja tarompet to si ia. Tempo ia mantawuis etu, samba’a batu’e to bae kojo maranta yako ndate yangi. Tempo batu’e etu maranta, ia mawea ewa suyu. Wali ia tudu ri wawonya santila togo yako ri koro nue pasi ri mata nue.

Pangkita 8:11

Sanga batu’e to maranta etu Apsintus. Wali ue to santila togo to katudunya etu, samparia ue etu mawali mapa’i, pasi boros tau to manginu ue to mapa’i etu mate yau.

Pangkita 8:12

Wali yako etu pomakau to kaopo ia mantawuis seja tarompet to si ia. Panewa santila togo yako ri mata nu eo, mata mbuya pasi batu’e rapakaja’a. Wali santila togo nu remenya mawali yau wuri. Wali ri poi eo, santila togo kareme rakurang. Panewa ri raya mburi seja santila togo kawurinya etu ratambang.

Pangkita 12:7

Wali tempo etu aku mangkita re’e to masimusu ndate saruga. Re’e kepala mpomakau i mPue Allah, sanganya i Mikael. Wali i Mikael etu pasi pomakau to ia mangkuasang, sira mangamusu ule naga. Pasi ule naga etu pasi pomakau to si ia, sira mangamusu seja i Mikael.

Pangkita 13:2

Wali binatang to maja’a etu ta’anya ewa binatang to rato’oka macan tutul. Pei witinya ewa witi beruang pasi ngujunya ewa nguju nsinga. Wali ule naga mangawaika binatang etu karoso ewa karoso to si ia. Pasi ule naga etu mangawaika ia mamporentang tau to re’e ri paporentanya pasi mangawaika ia seja kuasanya to bae kojo.

Pangkita 13:4

Pasi sira mampue resi ule naga apa ia semo to mangawaika binatang kuasanya. Pasi sira seja mampue resi binatang etu. Sira manganto’o, “Tare to sewaju ewa binatang to si’i! Pasi tare to maya mangamusu pasi manganangi ia!”

Pangkita 16:13

Wali yako etu aku mangkita nosa to maja’a, nosa etu ewa toda ta’anya, togo mba’a. Nosa to togo etu masuwu yako ri nganga nu ule naga samba’a, pasi yako ri nganga nu binatang to maja’a samba’a, pasi yako ri nganga nto pantuntu tuntu to taa monso.

Pangkita 20:2

Wali pomakau etu ia mangansoko ule naga, ule to yako tempo owi. Ule naga etu semo to rato’oka i maja’a pasi i Kepala Measa. Wali ia mangansoko ule naga etu panewa ia mangampunguka rante panewa mangantajika yau lo’u raya mbayau to taa ransani ungka ngkayombunya. Ojo karoonya ia mangantajika yau ule naga etu ri raya mbayau, ia mangaba’a yau wayau etu panewa ia mangantondong, batuanginya taa maya raloka ane taa rawaika kuasa. Wali ule naga etu ia damaroo la’u raya mbayau etu sansowu nto’u kasaenya see tempo etu ia taa maya mangantipu to lino. Wali ojo karoonya sansowu nto’u etu ule naga etu ia daralapa muni ojo sangkodija tempo.