Pangkita 11:8 - Tuntu i mPue ri Basa Taa

⁸ Ojo karoonya sira dua rapopate yau sira taa rapongkeli. Lemba nsira dua ojo sakanduli ri jaya tikore nja’u kota to bae. Nja’u kota etu semo pangampaku Pue nsira ri kaju pasape tempo owi. Wali kota etu maya raporapaka ewa kota Sodom pasi tana Mesir to tempo owi apa maja’a kojo seja lengko ntau to maroo reria.

Sura Magali Nuntu Ngkatuwu

⁸ Pai wata ngkoro ntau seʼe da ndarata ri jaya bangke ri raya ngkota anu bangke, njairia da ndapaku ri kaju ndapanggo Pue ntau seʼe. Toʼo mpompeindo ngkota setu inceʼemo Sodomo pai Masiri.

Pangkita 11:8 Referans Kwoze

Pangkita 18:10

Sira damakore yako nja’u longko apa meka raya nsira mangkita kasesanya etu. Sira sakaboo manganto’o, “O Gete! Masesa kota Babel to bae pasi to maroso. Ri rayanya samba’aja jam korom roomo rahuku.”

Pangkita 18:21

Wali ojo karoonya aku mangandonge gombo etu panewa aku mangkita samba’a pomakau i mPue Allah to maroso, ia mangokotaka watu to bae kojo ewa watu to rapake mangabusak pae. Ia mangoko watu etu pei ipanasokanya yau ri raya ntasi. Wali ia manganto’o, “Ewa see seja kaparinya palaong to daraika resi kota Babel to bae. Maroso daraika mampakaja’aka yau kota etu, panewa kota etu tamo darakita wo’u.”

Ibrani 13:12

Pasi ewa see seja pampue to nakeni i Yesu mangansompo dosa nto lino. Apa koro i Yesu rasesai ri sambali ngkota see Ia maya mangampake raaNya damangika see tau maya mawali i Pue Allah Puenya.

Pangkita 18:18

Sira mangkita kumbu nu apu to mangkoni yau kota etu. Wali ri raya nsira mangkita etu sira sakaboo manganto’o, “Gete! Tare kojo kota to yusa to sewaju kagayanya pei kota to bae si’i!”

Pangkita 11:9

Wali tau yako sambawo lino, etu semo ponto-ponto bansa, pasi ponto-ponto suku, pasi ponto-ponto basa pasi ponto-ponto paporenta, tau etu damangalo’aka lemba nu matamanasa to dua etu. Togo eo pei sampu’a eo kasaenya sira ojo mangalo’a-lo’aka. Pasi sira taa mangabiaka tau dua etu rapongkeli.

I Yudas 1:7

Pasi ewa see seja to nawali resi tau to maroo ri kota Sodom pasi Gomora pasi ri kota-kota to ri awenya tempo owi. Tau etu re’e seja mangika palaong to maja’a, apa sira sangkani magoyal pasi mampolengkoka pamporani ndaya nsira to taa masipato rapolengkoka. Wali huku to narata ntau etu mawali tondong resi kita see kita taa seja mangika palaong to naika nsira. Apa sira rasesai ri raya nu apu to mawea rataka ri singkasaenya.

2 Petrus 2:6

Wali yako etu tau to maroo ri kota Sodom pasi kota Gomora, sira mangarata seja huku to mapari kojo. Apa i Pue Allah nantunju yau Sodom pasi Gomora etu wali jamo awu to nja’u kota etu. Wali palaong to etu mawali tondong mangkonong huku to danarata nto lino to taa mampalaika i Pue Allah.

Matius 10:15

Wali Aku manganto’oka komi, monso pu’u ane ratamo temponya i Pue Allah mangabotus to lino, tempo etu huku to danarata ntau ri kota to bo’onya mangantima komi etu, huku nsira to pari-pari wo’u pei huku to danarata ntau Sodom pasi tau Gomora.”

Posuwunya 20:2

“Aku semo i Pue Yawe, Allah ngkomi. Aku semo to nangkeni muni komi yako la’u tana Mesir, yako ri tana pangampowatua komi etu.

Posuwunya 3:7

Wali yako etu i Pue Yawe manganto'oka wo’u i Musa, to’oNya, “Monsu pu’u Aku roomo mangkita kasesa to narata ntaungKu ri tana Mesir. Pasi Aku mangandonge seja loo nsira saka’ao mamporapi daralapa muni yako ri ara ngkuasa ntau to mangansesai sira etu. Wali manasa kojo resi Aku ewa wimba kaparinya kasesa nsira etu.

Pomulanya 19:24

Ojo karatanya nja’u ria, tempo etu semo i Pue Yawe mantudumaka sedawa anu mawea yako ndate yangi. Sedawa etu tudu ri wawo ngkota Sodom pei Gomora see naka mosi yau kota dua etu.

Pomulanya 13:13

Pei tau to maroo ri kota Sodom etu maja’a kojo lengko ngkatuwu nsira pasi bae kojo dosa to naika nsira mangewa i Pue Yawe.

Pangkita 18:2

Ia maroso loonya kaboo, manganto’o, “Napukamo, napukamo kota Babel to bae etu! Babel etu room nawali yau lipu measa, pasi mawali yau seja banua nsamparia nosa to maja’a, pasi gimpu nsamparia tonsi to makarika pasi to maja’a nakita ntau.

Pangkita 16:19

Wali kota to bae, etu semo kota Babel, kota etu mawali magoa togo. Pasi kota-kota ntau to taa mangalulu i Pue Allah, to ri sambawo lino napukanaka yau seja. Wali i Pue Allah taa mangkalingan mangahuku kota Babel to bae etu. Ia mampapoinuka kota etu samparia tule to la’u raya nsangkiriNya. Tule etu batuanginya huku mapari kojo yako resi i Pue Allah apa maja’a rayaNya.

Pangkita 14:8

Wali ojo karoonya pomakau etu magombo, re’e wo’u samba’a pomakau to mangalulu ia. Pomakau to kadua etu manganto’o, “Napukamo! Napukamo kota Babel bae etu. Kota etu semo to mangika see tau samparia bansa sangkani magoyal mangalulu lengko to si ia. Etu maya raporapaka ewa tau to mampapoinuka sa’e tule naka kayangu.”

Pangkita 11:13

Wali ri tempo to etu mawali lengko tana to maroso kojo. Wali santila sampuyu banua ri kota etu to mapuka yau, pasi pitu nsowu tau to rapopate yau. Pei tau to taa rapopate yau, sira meka kojo rayanya resi i Pue Allah pasi sira manganto’o, “Bae kojo kuasa i mPue Allah anu to re’e ri saruga!”

Ibrani 6:6

Wali tau to ewa wetu, ane mampiyaika yau samparia to etu, taa kojo re’e jaya mangkeni muni sira damajea. Apa yako palaong etu sira mawali ewa tau to nangampaku Ana i mPue Allah ri kaju pasape pasi mangarunes Ia ri pangkita ntau boros.

Palaong mPomakau i mPue Yesu 9:4

Wali ia napuka yau ri wawo ntana panewa ia mangandonge loo mampogomboka ia, loo etu manganto’o, “Saulus, Saulus maka pei korom mangansesai Aku?”

Pangkita 18:24

Wali kota Babel darahuku apa saba mampopate yau to pantuntu tuntu i mPue Allah pasi tau to i Pue Allah Puenya, see naka raa ntau etu paka nja’u nja’u raya ngkota etu. Pasi samparia tau to yusa to rapopate yau ri lino si’i, paka kota Babel semo to pu’u mpalaong to etu.

Pangkita 17:5

Pasi tau we’a etu re’e sanga ratulis ri kirenya. Sanga etu batuanginya taa nansani ntau. Wali sanga to ratulis etu semo, “BABEL TO BAE, INDO NU LONTE PASI PU’U NGKAJA’A RI LINO.”

Pangkita 17:1

Wali yako etu re’e samba’a pomakau to pitu to re’e yama to pitu etu, ia ma’i mampogomboka aku, ia manganto’o, “Maimo, aku damampaporaoka korom huku to danarata nu lonte to nansani ntau boros. Lonte etu re’e matunda ri tampa to bae uenya.

Pangkita 14:20

Wali wua nu anggur ralombu-lombu ri raya mbayau etu ri sambali ngkota, panewa yako ri raya mbayau etu re’e raa maili ewa ue kekaju. Raa to maili etu rata ri samaku njarang kayombunya pasi togo atu kilometer kalongkonya pailinya.

Pangkita 17:18

Wali tau we’a to nukita ngkorom etu, ia semo tondong nu kota to bae to mangkuasang samparia makole nto lino.” Etu semo gombo to nato’oka mpomakau etu aku.