Pangkita 11:15 - Tuntu i mPue ri Basa Taa

¹⁵ Wali yako etu pomakau to kapitu mangantawuis seja tarompet to si ia. Panewa aku mangandonge boros loo to maroso magombo ri saruga, loo etu manganto’o, “Ruyu samparia to lino naporentang makole, pei si’i-si’i sira naporentang i mPue Allah pasi i ngKerisitu, Makole parajanji i mPue Allah. Wali sira semo makole rataka ri singkasaenya.”

Sura Magali Nuntu Ngkatuwu

¹⁵ Malaʼeka anu kapapitu mantawuisi surupetanya, ndadonge waʼa oni nganga anu marimbo kojo ungka ri suruga anu mantoʼo, “Kuasa anu da mamparenta lino seʼi-seʼi reʼe ri pale mPueta Mokole Tadungkadago anu ndajanjika kita. Sira da moparenta rantani masae-sae!”

Pangkita 11:15 Referans Kwoze

Pangkita 12:10

Wali yako etu aku mangandonge loo to maroso ri raya nsaruga, loo etu manganto’o, “Ratamo temponya i Pue Allah ngkita damampalaes tauNya. Si’i-si’i Ia mampapokitaka tau kuasaNya pasi Ia Makole ngkita. Pasi i Kerisitu, Makole parajanji i mPue Allah, Ia seja mampapokitaka tau kuasaNya. Apa room rapanasok yau yako ndate saruga ia to wuri eo mampakasala a’i-a’i ngkita ri tango i mPue Allah.

Pangkita 10:7

Pei ane ratamo temponya pomakau i mPue Allah to kapitu mangantawuis tarompet to si ia, tempo etu semo i Pue Allah damangabanang songkaNya to tawa rakita. Palaong to damawali etu roomo napakarebaka yami i mPue Allah resi to papolaongiNya, etu semo to pantuntu tuntuNya tempo owi.” Etu semo parajanji to nato’o mpomakau etu.

Pangkita 19:1

Wali ojo karoonya etu, aku mangandonge loo to ewa loo ntau boros kojo magombo sindara, to’onya, “Barong i Pue Allah! Pue Allah ngkita, Ia semo to mampalaes tau, pasi Ia semo to bae kayawaNya pei to makuasa.

Lukas 1:33

Wali Anamu etu damangkuasang wiyaa i Yakub rataka ri singkasaenya. Tare kapuranya Ia maporenta.”

Pangkita 16:17

Wali yako etu, pomakau to kapitu ia seja mangawubu banang nu yama to si ia. To si ia, ia mangawubu yau ri rao, panewa yako etu re’e loo to maroso mamoni yako ri gadera Makole ri raya Banua i mPue Allah ndate saruga. Loo etu manganto’o, “Roomo!”

Ibrani 1:8

Pei ane Ia mampogomboka AnaNya, Ia manganto’o, “O Allah, Komi Makole rataka ri singkasaenya. Pasi paporentaMu sangkani singkonong pei Aku, i Pue Allah.”

Pangkita 19:6

Wali karoonya aku mangandonge loo etu, aku mangandonge wo’u loo to ewa loo ntau boros, loo etu kawuu-wuu ewa wera pasi ewa lamoa. Loo etu manganto’o, “Barong i Pue Allah! Apa i Pue, Allah ngkita anu to Makuasa, Ia semo Makole!

Pangkita 15:4

Samparia tau dameka resi Komi i Pue, pasi samparia tau mangabarong keyawa nsangaMu. Apa ojo Komi semo to tare dosaMu. Wali samparia to lino dama’i damampue mampakabae Komi apa roomo rapaponsanika resi kami samparia palaong ngKomi paka singkonong kojo ewa anu to Komi room manganto’o.”

Lukas 15:10

Wali Aku manganto’oka komi, ewa see seja kandende ndaya mpomakau i mPue Allah ndate saruga tempo re’e samba’a tau madosa to majea.”

Pangkita 20:4

Wali ojo karoonya aku mangkita palaong etu, aku mangkita wo’u gadera-gadera makole. Pasi to matunda ri gadera makole etu, sira rawaika kuasa mawali to pobotus. Pasi aku mangkita seja tonii ntau to rapu’ak yau wo’onya. Naka pei rapu’ak wo’o nsira apa saba sira mampakarebaka mangkonong i Yesu pasi mangkonong tuntu i mPue Allah. Sira taa mampue resi binatang to maja’a bara resi tau-tau binatang etu, pasi sira taa seja mangantima tondong binatang etu ri kirenya bara ri palenya. Wali sira rapu’ak wo’onya pei i Pue Allah mampotuwu muni sira panewa sira maporenta sindara-ndara pei i Kerisitu sansowu nto’u kasaenya.

Pangkita 17:14

Wali sira damangamusu Ana nu domba, pei Ana nu Domba pasi joaNya damanganangi sira. Ia manganangi sira apa Ia semo Pue to mangkuasang samparia pue pasi Ia semo Makole to mangkuasang samparia makole. Pasi joa to sindara-ndara pei Ana nu Domba tempo manganangi baliNya etu, etu semo tau to Ia semo mampokio pasi to ipilisiNya, pasi to tare pandoonya mangalulu Ia.”

Pangkita 9:13

Yako etu pomakau to kaono ia mantawuis tarompet to si ia. Panewa aku mangandonge loo to yako ri oyo tondu to opo to re’e ri palampa weyawa to ri tango i mPue Allah.

Pangkita 9:1

Wali yako etu pomakau to kalima ia mantawuis tarompet to si ia. Panewa aku mangkita batu’e to maranta lo’u lino. Wali batu’e etu rawaika kunsi to mangua wombo mbayau to taa ransani ungka ngkayombunya.

Pangkita 8:12

Wali yako etu pomakau to kaopo ia mantawuis seja tarompet to si ia. Panewa santila togo yako ri mata nu eo, mata mbuya pasi batu’e rapakaja’a. Wali santila togo nu remenya mawali yau wuri. Wali ri poi eo, santila togo kareme rakurang. Panewa ri raya mburi seja santila togo kawurinya etu ratambang.

Matius 6:13

Pasi kami marapi seja see Komi mangansawang kami ane mangarata soba, pasi lapa kami yako resi ia to pu’u nsamparia anu to maja’a. (Kami mamporapika ewa wetu apa Komi semo to masipato mawali Makole pasi to re’e kuasa pasi to masipato rabarong rataka ri singkasaenya. Amin.) Wali ewa wetu semo raika makai-kai.

Lukas 15:6

pei mangkeni muni. Panewa rata ri banuanya ia mampasiromunaka samparia galunginya pasi yununya to maroo ri awenya pei manganto’oka sira, ‘Pakandende raya ngkomi sindara-ndara pei aku, apa aku roomo mangarata muni dombangku to pusa.’ Etu semo rapa.

Matius 24:31

Tempo etu loo ntarompet to maroso kojo daradonge, pasi tempo etu semo Aku damampokau pomakaungKu yako ndate saruga yau damampasiromunaka tau to Aku room mampilis. Sira damampasiromunaka tau etu yako ponto lipu ri sambawo lino. Bara imba-imbare lipu ntau to Kupilis etu, yako nja’u ria sira darapasiromunaka.”

Palaong mPomakau i mPue Yesu 4:26

Makole-makole nto lino mampakaroso damamusu, pasi samparia tau to mangkuasang to lino sira siromu damangewa i Pue pasi i Kerisitu, Makole parajanji i mPue Allah.’ (Masmur 2:1,2)