Pangkita 1:5 - Tuntu i mPue ri Basa Taa

⁵ pasi yako resi i Yesu Kerisitu anu matamanasa to maya rasarumaka. I Yesu Kerisitu semo to uyunya rawangu muni yako ri kapateNya. Pasi Ia semo to mangkuasang samparia makole-makole to re’e ri lino si’i. Ia mamporayang kita pasi Ia roomo mangawaika raaNya damangalapas kita yako ri huku nu dosanta.

Sura Magali Nuntu Ngkatuwu

⁵ pai ungka ri Yesu Kerisitu sabi anu todo pai manoto. Siramo anu riu-riunya ndapatuwu muni ungka ri kapate, pai Siramo anu Makuasa ri wawo waʼa datu ri lino seʼi. I Yesu mampotowe kita, pai ua kapate-A Sira malapasakamo kita ungka ri waʼa ncalaata.

Pangkita 1:5 Referans Kwoze

Ibrani 9:14

Wali ane raa nu binatang mampakayongo koro ntau etu, bae wo’u batuanginya raa i ngKerisitu, apa raa etu mampakayongo raya ngkita. Apa yako kuasa i Nosa to tuwu singkasaenya, i Kerisitu mampampueka koroNya resi i Pue Allah ewa pampue to masilonga kojo. Wali raaNya mampakayongo raya ngkita yako palaong to tare batuanginya see kita maya mangika palaong to masipato raika mampue mampakabae i Allah to tuwu.

1 Yohanes 1:7

Pei ane kita maroo ri raya ngkareme, ewa naika i mPue Allah maroo ri raya ngkareme, ane ewa see kita masingkatao samba'a pei samba'a. Pasi ane kita maroo ri raya ngkareme etu, kita napakayongongika raa i Yesu Kerisitu, Ana i mPue Allah, yako samparia dosa ngkita. Wali a’i-a’i, anu kita maroo ri raya ngkareme!

Pangkita 17:14

Wali sira damangamusu Ana nu domba, pei Ana nu Domba pasi joaNya damanganangi sira. Ia manganangi sira apa Ia semo Pue to mangkuasang samparia pue pasi Ia semo Makole to mangkuasang samparia makole. Pasi joa to sindara-ndara pei Ana nu Domba tempo manganangi baliNya etu, etu semo tau to Ia semo mampokio pasi to ipilisiNya, pasi to tare pandoonya mangalulu Ia.”

Kolose 1:18

I Pue Allah masilonga kojo, wali ane ewa pamporani to si Ia samparia kasilongaNya etu paka re'e seja ri raya nu AnaNya. Pasi AnaNya etu, Ia semo to napake i mPue Allah mangika jaya see samparia anu to re'e, to ri wawo lino pasi to ndate saruga, rawali see maya masingkatao pei Ia. Apa tempo i Yesu mate ri kaju pasape masuwu raaNya, pasi yako raaNya etu naka pei re'e kasingkatao. Wali Ia semo kepala ngkita to mangaya Ia, to raporapaka ewa koroNya. Ia pu'u ngkatuwu ngkita pasi Ia semo to matiruyu rawangu muni yako ri kapateNya pei taa mate wo'u. Wali naka pei palaong etu mawali, see Ia semo to bae kojo pangkaNya.

1 Petrus 1:19

Pei anu to nabayarika i ngKerisitu see mangalapa kita yako ri ara ngkuasa nu ada etu, etu semo raaNya to bae kojo batuanginya. RaaNya etu raporapaka ewa raa nu ana domba to masilonga pasi tare to maya rato’o maja’a.

Palaong mPomakau i mPue Yesu 26:23

Apa sira nanganto’o i Kerisitu Ia darasesai pei darapopate yau, pasi Ia semo to uyunya damambangu muni yako ri kapateNya pei taa damate wo’u. Wali yako pambanguNya muni etu Ia damampaponsanika yunuNya to Yahudi pasi tau to si’a to Yahudi jaya to danalulu nsira see maya rapalaes. Palaong etu raporapaka ewa tau mampakaremeka sa’e jaya ri raya mburi.”

Pangkita 19:16

Wali ri bajuNya pasi ri pa’aNya re’e seja sanga ratulis re’e ria, sanga etu semo: MAKOLE TO MANGKUASANG SAMPARIA MAKOLE PASI PUE TO MANGKUASANG SAMPARIA PUE.

1 Yohanes 4:10

Wali ewa si’i mangkonong pamporayang to monso, si'a pamporayang ngkita resi i Pue Allah pamporayang to monso. Pamporayang i mPue Allah resi kita semo. Apa yako pamporayangiNya etu, see naka Ia mampokau AnaNya ma'i ri lino si'i damawali pampue to mampakasanang Ia see Ia tamo mangkitanaka dosa ngkita.

Yohanes 18:37

Wali see naka i Pilatus manganto’o, “Ane ewa see, bara monso pu’u Korom makole?” I Yesu mangansono, “Monso ewa panto’o ngkomi. Aku monso pu’u makole. Wali see naka Aku ma’i pei rapoanaka ri lino si’i, see damampaponsanika tau mangkonong anu to monso. Wali i sema-sema tau to rani mangansani anu to monso, tau etu masanang mampodongeka gombongKu.”

Pangkita 3:14

Wali yako etu i Pue manganto’oka wo’u aku, “Tulisika seja pomakau ntau to mangaya Aku to siromu nja’u kota Laodikia. To’oka ia: Si’i gombo yako resi i Amin. Ia semo mata manasa anu to monso pasi to maya rasarumaka. Pasi samparia to napapowali i mPue Allah, Ia semo to mangkuasang.

Pangkita 7:14

Wali aku mangansono, manganto’oka ia, “Taa kunsani, Pa’a. Komi semo to mangansani.” Panewa ketua etu manganto’oka aku, “Tau si’i semo to masuwu yako ri kasesa to mapari kojo. Sira roomo mangantatap bajunya ri raa nu Ana Domba wali bajunya etu mawali buya.

Matius 28:18

Wali i Yesu ma’i ri awe mami pei manganto’o, “Samparia kuasa to re’e ri saruga pasi to re’e ri lino si’i roomo nakuasangika i mPue Allah Aku.

1 Timotius 6:15

Apa ane rata temponya to kono, i Pue Allah damanganto’oka i Yesu ma’i muni. Wali ojo patanya i Pue Allah to mangkuasang samparia, pasi Ia rabarong kojo. Ia semo Makole to mangkuasang samparia makole, pasi Ia semo Pue to mangkuasang samparia pue.

Epesus 2:4

Pei i Pue Allah bae kojo kanotoNya resi kita pasi Ia mamporayang kojo kita.

Epesus 5:2

Pasi porayang sa’e ewa naika i ngKerisitu mamporayang kita. I Kerisitu mangkapateka kita pasi mampampueka koroNya resi i Pue Allah. Wali pampue i ngKerisitu etu mampakasanang kojo raya i mPue Allah, ewa pampue to magaya waunya to rapampueka resi Ia. Wali anu kita mamporayang sa’e ewa wetu.

Palaong mPomakau i mPue Yesu 20:28

Wali jagai kojo koro ngkomi pasi jagai seja samparia tau to mangaya i Pue Yesu apa i Nosa Mapasing room mansarumakaka resi komi mampasilonga tau etu. Wali kampang sira ewa naika nto pangkampang domba mangkampang dombanya. Apa tau to mangaya roomo inolika yau i mPue Allah raa nu anaNya.

Galatia 2:20

Wali aku raporapaka ewa matemo, see naka si’amo aku to tuwu si’i, i Kerisitu semo to tuwu ri rayangku. Pasi ri raya ngkatuwungku ri lino si’i aku mangika lengko ngkatuwu to singkonong pei pangayangku resi Ana i mPue Allah. Apa Ia mamporayang aku pasi nangkapateka aku.

Pangkita 11:15

Wali yako etu pomakau to kapitu mangantawuis seja tarompet to si ia. Panewa aku mangandonge boros loo to maroso magombo ri saruga, loo etu manganto’o, “Ruyu samparia to lino naporentang makole, pei si’i-si’i sira naporentang i mPue Allah pasi i ngKerisitu, Makole parajanji i mPue Allah. Wali sira semo makole rataka ri singkasaenya.”

1 Timotius 6:13

Wali i Pue Allah pasi i Kerisitu Yesu, sira maya mawali matamanasa mangkonong paposia to dakuto’oka korom. I Pue Allah semo to mangawaika katuwu resi samparia anu to re’e. Pasi i Kerisitu Yesu Ia semo to mawali matamanasa mangkonong anu to monso tempo Ia nangampotango i Pontius Pilatus seore. Wali paposiangku resi korom, etu semo, lulu kojo porenta to room rapakanasaka resi korom etu. Lulu kojo see tare pasi sangkodi porenta etu to taa raluluka, apa ane ewa see tare tau to maya manganto’o maja’a porenta etu. Wali lulu kojo sampe rata temponya kama’i muni i Yesu Kerisitu, Pue ngkita.

1 Korintus 6:11

Wali seore re’e sangga’a komi to ewa wetu lengko ngkomi. Pei raya ngkomi room napakayongo i mPue Allah yako ri dosa. Pasi Ia room mangika komi mawali Ia Puenya pasi Ia room manganto’o tare dosa ngkomi. Naka pei Ia mangika palaong etu apa saba palaong to roomo naika i mPue Yesu Kerisitu pasi to roomo naika i Nosa Mapasing resi komi.

Yohanes 15:9

“Wali ewa wimba Pa’angKu mamporayang Aku, ewa wetu seja Aku mamporayang komi. Wali pakasanang rayamu mampobuuka pamporayangingKu etu.

Yohanes 13:1

Wali yako etu, mosumo temponya Roa Paskah. Tempo etu i Yesu mangansani ratamo temponya Ia dapolas yako ri lino si’i dayau muni resi Pa’aNya. Wali ri raya ngkatuwu i Yesu ri lino, Ia tare pandooNya mamporayang joaNya to lino, pei tempo etu Ia damampaponsanika resi sira bae kojo pamporayangiNya etu.

Roma 8:37

Pei nempo bara kesaa kasusa to tarata etu, kasusa etu taa manganangi kita. Kita semo to manang. Pasi kita si’a ojo manang, kita seja radugangika karoso ndayanta apa saba yako kuasa i Yesu to mamporayang kita.

Yohanes 13:34

Wali si’i-si’i Aku mangawaika komi porenta to bou. Etu semo, masiporayang. Ewa inikangKu mamporayang komi, ewa see seja danuika ngkomi masiporayang.

Yohanes 3:32

Ia mampaponsanika tau mangkonong anu to Ia roomo mangkita pasi to Ia roomo mangandonge ndate saruga, pei tempo Ia manganto’o gombo etu taa kojo malagi tau to mangaya gomboNya etu.

Yohanes 3:11

Roo see i Yesu manganto’oka wo’u i Nikodemus, to’oNya, “Aku manganto’oka korom, monso pu’u Aku pasi joangKu magombo mangkonong anu to kami mangansani. Pasi kami mangansaritaka tau mangkonong anu to kami re’e mangkita. Pei komi to tau tu’a nto Israel, komi taa mangaya anu to nato’o mami etu.

Matius 20:28

Matao komi sewaju ewa Aku, Wiyaa nto Lino. Aku ma’i si’a ma’i danasawang ntau, Aku ma’i damangansawang tau pasi damangkapateka tau boros damangansompo dosa nsira.”

Yohanes 3:16

Apa bae kojo pamporayang i mPue Allah resi to lino, see naka Ia mangawai Aku, AnaNya to samba’aja, see i sema tau to mangaya Aku, tau etu taa darapakaja’aka yau, pei damangarata katuwu to singkasaenya.

Roma 3:25

I Pue Allah semo to mampampueka i Yesu, wali i Yesu mate yau mawali pampue to mampakasanang i Pue Allah. Wali tempo i Yesu mate yau mangkapateka kita etu, tempo etu masuwu raaNya. Wali saba yako raaNya etu see naka kita tamo danakitanaka i mPue Allah dosanta ane kita mansarumaka raa i Yesu etu. Wali yako ri palaong to etu i Pue Allah mampaponsanika kita Ia sangkani mangika anu to masipato raika, etu semo Ia sangkani mangahuku dosa ntau. Naka pei Ia mampaponsanika kita ewa wetu apa rataka tempo etu Ia tawa mangahuku dosa ntau to tempo owi apa Ia bae sabaraNya.

Ibrani 10:29

Wali ane ewa wetu kaparinya huku to narata ntau to mangewa porenta i Musa, bae wo’u huku to masipato narata ntau to mampobo’o Ana i mPue Allah. Apa tau to etu raporapaka ewa mangalombu yau Ia. Tau etu manganto’o tare batuanginya raa i Yesu, etu semo raa to tondong parajanji i mPue Allah, pei kamonsonya raa etu semo to mangika see ia mawali i Pue Allah Puenya. Pasi ia mangarowis Nosa to mangawaika to lino kanoto. Wali tau to mangika palaong to etu masipato mangarata huku to mapari kojo.

Pangkita 2:13

Ia manganto’o, Aku Kunsani palaong ngkomi pasi lipu to nukaroos ngkomi. Lipu etu semo to nakuasang kojo i ngKepala Measa. Pei nempo komi maroo nja’u lipu etu, pei komi mangalulu kojo Aku pasi komi taa manganto’oka sa’e, ‘Aku taa mangalulu i Yesu.’ Seore re’e tau to rapopate yau apa saba ia mampakarebaka mangkonong Aku. Etu semo i Antipas to mangalulu kojo Aku. Ia rapopate yau nja’u kota ngkomi, kota to nakaroos i ngKepala Measa. Pei nempo re’e to rapopate yau etu, pei komi taa manganto’oka sa’e, ‘Aku taa mangalulu i Yesu.’

Pangkita 11:3

Wali Aku re’e dua mba’a matamanasangKu. Pei ri tempo etu Aku damangawaika matamanasangKu etu kuasa damampakarebaka tau gombo to yako resi Aku. Sira damampakarebaka gombo etu sansowu dua atu pei ono mpuyu mbengi kasaenya. Tau dua etu pakenya kain karu.” Wali etu semo gombo to nato’oka i mPue aku.

Pangkita 19:11

Wali yako etu aku mangkita saruga tiloka, panewa aku mangkita jarang to buya pasi re’e to mampolea. To mampolea jarang etu Ia rato’oka i Masipato Rasarumaka pasi i Monso. Ia mangahuku pasi mangamusu baliNya. Tempo Ia mangika palaong etu, Ia mangika to singkonong pei i Pue Allah.