Matius 9:6 - Tuntu i mPue ri Basa Taa

⁶ Wali Aku semo to rapokau yako ndate saruga danapoanaka nto lino see maya rato’oka Wiyaa nto Lino. Wali monso pu’u Aku re’e kuasa ri lino damangalapas dosa ntau. Pasi palaong to maya mampakanasaka komi kuasangKu etu, etu semo Aku damampakatao muni ngkai si’i.” Wali yako etu i Yesu manganto’oka ngkai malulu koronya, “Pakore pei okotaka lima-limamu pei pawolili muni ri banuamu.”

Sura Magali Nuntu Ngkatuwu

⁶ Paikanya seʼi-seʼi da Kutujuka komi kamonconya, ri wawo lino seʼi i Ana Manusia makuasa bareʼe mangkitanaka salaa.” Nepa ndatoʼo i Yesu ri tau pungku setu, “Pembangu, pasaʼa alimu pai pewalilimo!”

Matius 9:6 Referans Kwoze

Matius 9:5

Panewa i Yesu manganto’oka wo’u sira, “Kamonsonya ane manganto’oka ngkai to malulu koronya si’i, ‘Dosamu roomo ralapas yau,’ sewaju kasulinya pei manganto’oka ia, ‘Pakore pei palinja.’ Naka pei sewaju kasulinya apa paka taa mawali ane tau to manganto’o gombo etu pei tare kuasanya damangika palaong to nato’o etu.

2 Korintus 2:10

Wali si’i-si’i to tao-tao komi tamo mangkitanaka salanya etu. Pasi ane komi tamo mangkitanaka salanya, aku tamo seja mangkitanaka salanya etu. Wali i Kerisitu semo matamanasa tempo aku manganto’o aku tamo mangkitanaka sala ntau etu, ane bara re’e salanya resi aku. Naka pei aku mangika ewa wetu apa aku rani mangansawang komi.

Kolose 3:13

Pasi ne'e majoli masusa raya ngkomi samba'a pei samba'a, ne’e masikitanaka sala ane re'e yunu to mangika sala resi komi. Wali ewa naika i ngKerisitu mangalapa sala ngkomi, ewa see seja danuika ngkomi damangalapa sala nu yunu ngkomi samba'a pei samba'a.

Epesus 4:32

Pei ika anu to manoto resi yunu ngkomi samba’a pei samba’a, pasi masiporayang. Pasi ewa naika i mPue Allah mangalapa sala ngkomi apa saba komi seja samba’a pei i Kerisitu, ewa wetu seja danuika ngkomi mangalapa sala nu yunu ngkomi samba’a pei samba’a.

2 Korintus 5:20

Wali see naka kami mawali pomakau i ngKerisitu to mamporata resi komi paposia i mPue Allah. Wali paposia i ngKerisitu to iporata mami etu, etu semo kami mamporapika resi komi, waika i Pue Allah mangawali raya ngkomi see maya masingkatao pei Ia.

Palaong mPomakau i mPue Yesu 9:34

Wali tempo i Petrus mangkita ngkai etu ia manganto’o, “Eneas, pambangu pei yuyu alimu apa i Pue Yesu mampakatao muni korom si’i-si’i.” Wali ojo karoonya i Petrus mampogomboka ia etu, ia mambangu.

Palaong mPomakau i mPue Yesu 5:31

I Pue Allah mangokotaka i Yesu etu pei mamposaka Ia ri ri tampa to bae angganya ri aweNya tondo ngkana. Wali si’i-si’i Ia semo Kepala ngkita pasi to Pansompo ngkita. Wali naka pei i Pue Allah mangika ewa wetu see kita to Israel maya mangandolika tangonta resi Ia see daralapas dosa ngkita.

Yohanes 17:2

Apa Komi roomo mangawaika Aku kuasa damangkuasang samparia to lino, see Aku maya mangawaika katuwu to singkasaenya resi samparia sira to Komi mansarumakaka resi Aku.

Yohanes 10:28

Pasi Aku mangawaika tau etu katuwu to singkasaenya, wali sira taa kojo darapakaja’aka yau. Pasi tare pasi samba’a tau to maya mangoko yau sira yako resi Aku.

Lukas 5:21

Wali tempo i Yesu manganto’o gombo etu re’e bara sawei mba’a to Yahudi to aliran Parisi pasi tau to mampoguru porenta i Musa, sira mangandonge. Wali sira mampobuuka, “Gete tau si’i! Ia mampoanika i Pue Allah, apa ojo i Pue Allah semo to nakoto mangalapas dosa ntau.”

Markus 2:10

Wali Aku semo to rapokau yako ndate saruga danapoanaka nto lino see maya rato’oka Wiyaa nto Lino. Wali monso pu’u Aku re’e kuasa ri lino damangalapas dosa ntau. Pasi palaong to maya mampakanasaka komi kuasangKu etu, etu semo Aku damampakatao muni ngkai si’i.”

Markus 2:7

“Gete! Maka pei tau si’i magombo ewa wetu? Ia mampoanika i Pue Allah, apa ojo i Pue Allah semo to nakoto mangalapas dosa ntau.”

Matius 8:20

Wali i Yesu manganto’oka ia, “Ane asu maila, re’e wayau mbatu to nakaroo nsira, pasi ane tonsi, ia re’e seanya. Pei ane Aku, Wiyaa nto Lino, tare tampa to Akuja puenya daKukayore. Wali Aku mangepe korom bara taa nukurang mangalulu Aku apa taa todo.” Ewa wetu naika i Yesu mangansono tau to mampoguru porenta i Musa etu.

Matius 4:24

Wali kareba to mangkonong palaong to naika i Yesu nja’u Galilea etu napakarebaka ntau ri propinsi to ri awe mpropinsi Galilea, etu semo propinsi Siria. Wali kareba mangkonong i Yesu natikareba-rebamo seja juku ri propinsi Siria etu. See naka tau mangkenika Ia samparia yunu nsira to kono panyaki mpangaya-ngaya, pasi tau to narata ntida to mapari kojo. Pasi sira mangkenika seja Ia tau to naposuak measa, tau to kanjonjo-njonjo, pei tau to malulu koronya. Wali i Yesu mampakatao muni samparia tau to rata etu.

Matius 9:2

Wali ojo kadongka nsira nja’u ria, sira mana’u yako ri bangka. Yako etu ma’i sawei mba’a tau mangkenika i Yesu ngkai to malulu koronya. Ngkai etu nalempa nsira ri wawo lima-lima. Wali tempo i Yesu mangkita sira, Ia mangansani sira mansarumaka kojo Ia. Wali see naka Ia manganto’oka tau to malulu koronya, Ia manganto’o, “A’ingKu, pakasanang rayamu, apa dosamu roomo ralapas yau.”

Matius 9:7

Wali ngkai etu makore pei mawolili muni njo’u banuanya!

Yohanes 5:8

Wali i Yesu manganto’oka ia, “Pambangumo! Pei oko alimu pei palinja.”

Yohanes 5:27

Pasi apa saba Aku semo Wiyaa nto Lino, see naka Ia mangawaika seja Aku kuasa damangabotus to lino.