Matius 9:27 - Tuntu i mPue ri Basa Taa

²⁷ Wali i Yesu polas wo’u yako nja’u ria. Pasi tempo Ia polas etu re’e dua mba’a tau to buta to mangalulu Ia. Tau dua etu sakaboo manganto’oka i Yesu, “O Wiyaa i Makole Daud, porayang kami!”

Sura Magali Nuntu Ngkatuwu

²⁷ Palai i Yesu ungka njairia, ri yae njaya reʼe tau buta radua malulu Sira. Tau seʼe meboo-boo natoʼo, “Ana i Daudi ndipokapurumo kami!”

Matius 9:27 Referans Kwoze

Matius 15:22

Wali nja’u samba’a lipu etu re’e samba’a tau we’a to yako tana Kana’an. Wali tempo tau we’a etu mangansani i Yesu naratamo ri lipu etu, ia ma’i mangampago kami. Panewa rata resi i Yesu ia kaboo-boo manganto’o, “O Pue, Wiyaa i Daud, porayang aku! Apa anangku to we’a masesa kojo naepe naika measa to mamposuak ia.”

Matius 11:5

To’oka ia tau to buta rapakatao muni matanya see mangkita muni rao. Pasi tau sampungku rapakatao muni witinya see maya malinja. Pasi tau to masaki malobo rapakatao muni yako ri panyaki etu. Pasi tau to wongo rapakatao muni talinganya see mangandonge muni rao. Pasi tau mate rawangu muni yako ri kapatenya. Pasi tau to masiasi rapakarebaka kareba to matao.

Matius 17:15

Ngkai etu manganto’o, “O Pue, porayang anangku to langkai. Masesa kojo ia apa re’e panyaki poso resi ia. Wali mandudu ngkani ia poso pei mapuka yau ri raya nu apu bara ri raya nu ue.

Yohanes 7:42

Apa tuntu i mPue Allah manganto’o i Kerisitu, Makole parajanji i mPue Allah, Ia wiyaa i Makole Daud. Pasi Ia darapoanaka nja’u kota Betlehem, kota to nakaroo i Daud tempo owi.”

Lukas 7:21

Wali tempo sira mampotanaka resi i Yesu pampotanaka to etu, tempo etu Ia tongonya mangampakatao muni boros tau yako ri panyaki pasi yako ri kasesa to re’e resi sira. Pasi Ia mampakatao muni seja tau to naposuak measa pasi mampakatao muni mata ntau to buta see mangkita muni rao.

Markus 11:10

Barong Ia to ma’i damawali Makole mangabolos i Makole Daud, wiyaa ngkita tempo owi! Ia ma’i napokau i mPue. Barong i Pue Allah anu to bae kojo kuasaNya!”

Markus 9:22

Pasi mandudu ngkani measa mampukanaka ia ri apu pasi ri raya nu ue seja apa measa rani mampopate yau ia.” Etu semo pasono nu mpa’a nu ana etu, roo see ia mamporapika resi i Yesu, ia manganto’o, “Ane Komi Nukurang mangansawang, porayang kami pasi sawang.”

Matius 21:9

Wali tau boros to njo’u ruyu rataka tau to ri purinya sira sakaboo, sira manganto’o, “Barong tau si’i, Wiyaa i Daud! Ia semo Makole parajanji i mPue Allah! Ia ma’i napokau i mPue! Wali barong Ia! Barong i Pue Allah anu to bae kojo kuasaNya!”

Matius 1:1

Ri raya buku si’i ratulis mangkonong potapi mbiyaa i Yesu Kerisitu. Ia wiyaa nu bue ngkita i Makole Daud pasi wiyaa i Abraham seja.

Matius 21:15

Pei re’e kepala-kepala nto pampue pasi tau to mampoguru porenta i Musa, sira mangkita palaong to mampakaipu raya ntau to naika i Yesu etu. Pasi sira mangandonge ngana mayunu sakaboo ri tongonata banua i mPue Allah etu, manganto’o, “Barong tau si’i, Wiyaa i Daud! Ia semo Makole parajanji i mPue Allah!” Wali tempo sira mangangkita pasi mangandonge palaong to etu, sira maja’a rayanya.

Roma 9:5

Sira semo wiyaa i Abraham, i Ishak, i Yakub pasi bue-bue nsira to yusa tempo owi. Pasi i Kerisitu, Makole Parajanji i mPue Allah, tempo Ia mawali to lino Ia rapoanaka yako ri wiyaa nsira seja. I Kerisitu etu Ia semo Allah anu mangkuasang samparia, wali masipato Ia rabarong rataka singkasaenya. Amin.

Lukas 20:41

Wali i Yesu manganto’oka wo’u sira, “Tau manganto’o i Kerisitu, Makole parajanji i mPue Allah, Ia ojo wiyaa i Makole Daud. Wali maka pei sira manganto’o ewa see?

Lukas 17:13

Sira mampokio i Yesu, sira manganto’o, “Pa’a Guru Yesu! Porayang kami!”

Roma 1:3

Wali kareba matao to natulis nsira etu kareba mangkonong Ana i mPue Allah, etu semo i Yesu Kerisitu, Pue ngkita. Wali i Yesu rapoanaka mawali to lino yako ri wiyaa i Daud. Pei i Yesu etu Ia seja Ana i mPue Allah, pasi Ia mapasing seja sewaju pei i Pue Allah. Manasa kojo Ia Ana i mPue Allah, apa yako kuasaNya i Pue Allah mangawangu muni Ia yako ri kapateNya. Wali ewa wetu naika i mPue Allah mampakanasaka kita i Yesu semo AnaNya.

Matius 9:28

Wali rata nja’u banua, i Yesu masua ri raya banua etu panewa masua seja tau dua to buta mangampago Ia. Wali Ia mampotanaka resi sira dua, Ia manganto’o, “Wimba, komi dua bara mangaya Aku re’e kuasa mampakatao muni komi?” Wali sira dua mangansono, “Iya Pue, kami mangaya.”

Matius 20:29

Wali yako etu, ri raya mpalinja i Yesu pasi kami to anaguruNya yau ri Yerusalem, kami liu ri kota Yerikho. Tempo kami polas yako nja’u ria, boros kojo tau to mangalulu i Yesu.