Matius 8:5 - Tuntu i mPue ri Basa Taa

⁵ Wali yako etu i Yesu yau njo’u kota Kapernaum. Rata nja’u ria, re’e samba’a tau to si’a to Yahudi to mampago Ia, tau etu kepala ntentara to mangkepalang tentara to satu kaborosinya. Wali rata resi i Yesu, kepala ntentara etu mamporapika kojo resi Ia,

Sura Magali Nuntu Ngkatuwu

⁵ Pesua i Yesu ri Kapenau, reʼe sambaʼa tadulako ncurodado nto Roma mampomberataka Sira, maʼi merapi tulungi ri Sira, natoʼo,

Matius 8:5 Referans Kwoze

Matius 27:54

Wali kepala ntentara to mangkepalang tentara to satu kaborosinya pasi joanya to mangajagai i Yesu, sira mangepe lengko tana pasi samparia palaong to yusa to mawali tempo etu, wali sira meka kojo rayanya, sira manganto’o, “Monso pu’u tau si’i Ana i mPue Allah!”

Palaong mPomakau i mPue Yesu 27:43

Pei kepala ntentara etu taa mangawaika sira mangika palaong to ewa wetu apa ia rani mampalaes i Paulus. Ia manganto’oka tau to nansani manangu matambesi ruyu lo’u ue panewa manangu mampago nja’u wii ntasi.”

Palaong mPomakau i mPue Yesu 27:31

Pei i Paulus manganto’oka kepala ntentara to satu pasi joanya, to’onya, “Ane tau etu mampiyaika bangka, komi taa maya rapalaes.”

Palaong mPomakau i mPue Yesu 23:17

Wali i Paulus mampokio samba’a kepala ntentara to satu pei manganto’oka ia, “Keni ngkai si’i mampotango kepalamu, apa ia re’e kesaa to danato’oka resi ia.”

Matius 4:13

Yako etu Ia mayoko muni yako Nasaret pei yau maroo nja’u kota Kapernaum pei mampotundeka tau nja’u ria. Kapernaum etu re’e ri towo ndano Galilea ri lipu to tempo owi nakaroo nto Sebulon pasi to Naptali.

Palaong mPomakau i mPue Yesu 27:13

Wali yako etu re’e ngoyu to taa marimbo kojo yako ri tondo selatan, wali tau mampobuuka matao ane kami polas. Sira mangore muni watu balango bangka etu panewa kami malayag mangalulu kojo wii mpulo Kreta.

Palaong mPomakau i mPue Yesu 23:23

Wali yako etu kepala ntentara to sansowu etu ia mampokio dua mba’a kepala ntentara to satu. Ia manganto’oka sira, “Pasigena joa ngkita. Pasigena dua atu to malinja mbiti, pasi pitu mpuyu to mapone jarang, pasi dua atu wo’u to mangkeni yu’a. Panewa rata jam sio nene si’i komi samparia dameyoko dayau lo’u kota Kaisarea.

Palaong mPomakau i mPue Yesu 22:25

Wali joa ngkepala ntentara etu mangampungu i Paulus pei ri katawanya ia rasampar, i Paulus mampogomboka kepala ntentara to mangkepalang tentara to satu kaborosinya, to makore ri awenya, ia manganto’o, “Wimba, bara nawaika mpomarenta komi mangansampar to Roma ane tawa rabotus?”

Markus 15:39

Wali tempo i Yesu mate etu, tempo etu re’e samba’a kepala ntentara to mangkepalang tentara to satu kaborosinya ia makore ri tangoNya. Kepala ntentara etu mangkita i Yesu Ia kaboo ruyu panewa mansaka mampakapura nosaNya, wali see naka kepala ntentara etu manganto’o, “Monso pu’u tau si’i Ana i mPue Allah!”

Markus 2:1

Wali ojo karoonya i Yesu mangalinjak propinsi Galilea, Ia mawolili muni njo’u kota Kapernaum. Tempo Ia rata nja’u ria, re’e tau mampakarebaka tau boros, “I Yesu re’i muni si’i-si’i.”

Matius 9:1

Wali i Yesu pasi anaguruNya mapone muni ri bangka panewa mangawote rano rata nja’u kota to nakaroo nsira.

Matius 11:23

Pasi komi to yako kota Kapernaum, wimba pampobuuka ngkomi? Wimba, ane tempo to darata komi bara daraokotaka mawali bae angga ndate saruga? Taa kojo! Komi darapakakodi angga la’u lipu ntau mate. Apa boros seja palaong to taa rapobiasa to roomo raika nja’u kota ngkomi pei komi taa seja majea. Pei ane rapanya palaong etu roomo raika nja’u kota Sodom tempo owi, ane rapanya ewa see tau Sodom etu matantu majea.. Wali ane ewa see, kota Sodom etu matantu tiroowa re’e ri tempo si’i.

Palaong mPomakau i mPue Yesu 9:38

Wali yako etu anaguru i Yesu to nja’u kota Yope etu sira mampokau dua mba’a tau to langkai yau resi i Petrus, apa sira re’e mangandonge i Petrus nja’u nja’u kota Lida. Kota Lida etu taa longko yako ri Yope. Wali tau dua to napokau etu sira yau panewa sira dua mangarata i Petrus nja’u kota Lida. Wali tau dua etu mamporapika resi i Petrus see ia majoli yau njo’u kota Yope.