Matius 8:20 - Tuntu i mPue ri Basa Taa

²⁰ Wali i Yesu manganto’oka ia, “Ane asu maila, re’e wayau mbatu to nakaroo nsira, pasi ane tonsi, ia re’e seanya. Pei ane Aku, Wiyaa nto Lino, tare tampa to Akuja puenya daKukayore. Wali Aku mangepe korom bara taa nukurang mangalulu Aku apa taa todo.” Ewa wetu naika i Yesu mangansono tau to mampoguru porenta i Musa etu.

Sura Magali Nuntu Ngkatuwu

²⁰ Mesono i Yesu ndatoʼo, “Sarigala reʼe wayaunya, pai tonci reʼe seanya, paikanya i Ana Manusia bereʼe kareʼe mpoturunya.”

Matius 8:20 Referans Kwoze

Lukas 2:7

Sira yau njo’u banua nakayore ntau to rata pei taa soa. Wali sira yau mampago pasuli napampiara ntau binatang. Panewa nja’u ria semo i Maria mampoanaka ananya to tu’anginya, etumo ana langkai. Ojo kare’enya ana kodi etu ijamumukanya kain panewa inulinya ri raya ndula, tampa rapampokoni binatang.

2 Korintus 8:9

Wali masipato komi manoto resi sa’e apa komi mangansani ewa wimba kabaenya kanoto i Yesu Kerisitu, Pue ngkita. Ia sugi kojo tempo tawa ma’i ri lino si’i, pei nempo ewa wetu, Ia buya rayanya mawali masiasi see maya mangansawang kita. Wali yako kasiasi to si Ia etu see naka kita mawali sugi.

Lukas 2:16

Wali sira majoli yau, panewa rata nja’u Betlehem sira mangarata i Maria sira togo i Yusup pasi Ana kodi to rauli ri raya ndula, tampa rapampokoni binatang.

Lukas 2:12

Wali intamo pei liwu Ia. Ewa si’i tondong see ane nurata ngkomi danunsanika Ia: Komi damangarata Ana kodi to rajamumuka kain pasi rauli ri raya ndula, tampa rapampokoni binatang.”

Lukas 8:3

Pasi samba’a wo’u tau we’a etu sanganya i Yohana, indo nu ana i ngKhusa. I Khusa etu ia tau to mampasilonga banua i Herodes. Wali re’e seja i Susana pasi boros wo’u tau we’a to mangansawang i Yesu pasi anaguruNya. Sira mangansawang i Yesu pasi anaguruNya mangampake kasugi to si sira.

Matius 12:32

Pasi tau to magombo mangewa Aku, Wiyaa nto Lino, tau etu tiroo ralapas dosanya etu. Pei ane tau to magombo mangewa i Nosa Mapasing, tau etu taa daralapas dosanya etu ri tempo si’i, pasi taa seja daralapas ri tempo to darata.” Wali ewa wetu gombo i Yesu manganseko tau to aliran Parisi apa sira manganto’o Ia mangampake kuasa i ngKepala Measa mangarubak measa.

Matius 19:28

Wali i Yesu manganto’oka kami, “Aku manganto’oka komi, monso pu’u ane ratamo temponya lino to bou, Aku, Wiyaa nto Lino, damatunda ri wawo gadera to mawali tondong kayawangku pasi kuasangKu. Pasi tempo etu semo komi to mangalulu Aku ri tempo si’i, komi damatunda seja ri wawo gadera to sampuyu pei dua to mawali tondong kuasa ngkomi. Pasi Aku damangawaika komi kuasa damamporentang suku nto Israel to sampuyu pei dua.

Matius 17:9

Roo see sira opo malonso muni yako ri rapa ntongku malangan etu. Tempo sira malonso etu i Yesu mamporentangika sira togo, to’oNya, “Ne’e kojo mangansaritaka sa’e mangkonong anu to nukita ngkomi etu. Tempo Aku, Wiyaa nto Lino, roomo rawangu muni yako ri kapatengKu panewa maya rasarita.

Matius 16:27

Wali lulu Aku apa Aku, Wiyaa nto Lino, Aku dama’i sindara-ndara pei pomakaungKu yako ri saruga. Tempo etu kuasa pasi kayawangKu sewaju pei kuasa pasi kayawa mPa’angKu. Pasi tempo Aku dama’i etu Aku damangawaika samparia tau ntanapa to singkonong pei palaong to naika nsira samba’a pei samba’a.

Matius 16:13

Wali yako etu i Yesu pasi kami to anaguruNya yau njo’u lipu to ri awe ngkota Kaisarea Pilipi. Rata nja’u ria i Yesu mampotanaka resi kami, Ia manganto’o, “Aku, Wiyaa nto Lino, ane ewa panto’o ntau, sema Aku?”

Matius 12:40

Apa i Yunus etu, ia togo mbengi kasaenya maroo ri raya ngkompo nu bau to bae kojo, roo see ia ralua yau munimo. Wali ewa see seja Aku, Wiyaa nto Lino damaroo ri raya ntana togo mbengi kasaenya panewa Aku darawangu muni yako ri kapatengKu. Wali palaong to etu semo to damawali tondong to damampakanasaka komi kuasangKu monso pu’u yako resi i Pue Allah. Pei Aku taa damangikaka komi tondong to yusa.

Matius 12:8

Apa Aku, Wiyaa nto Lino, Aku semo to re’e kuasa manganto’o kesaa to masipato daraika ri Eo Rapandoo.”

Matius 13:37

Wali i Yesu manganto’o, “To panawu to mangansawu pae to matao, tau etu Aku, Wiyaa nto Lino.

Markus 8:38

Wali tempo si’i re’e tau to tuwu to room mampiyaika yau i Pue Allah pei mangaluluka wo’u pue to yusa. Tau etu madosa kojo. Wali komi ne’e mea mangaluluka Aku ri tango ntau madosa etu. Apa tempo to darata, Aku, Wiyaa nto Lino, dama’i muni ri lino si’i sindara-ndara pei pomakau to i Pue Allah puenya. Tempo etu kuasa pasi kayawangKu sewaju pei kuasa pasi kayawa mPa’angKu. Wali i sema tau to mea mangaluluka Aku pasi gombongKu ri tango ntau to madosa tempo si’i, Aku damea seja mangampongakung tau etu Aku puenya tempo Aku dama’i etu.”

Lukas 9:58

Wali i Yesu manganto’oka ia, “Ane asu maila, re’e wayau mbatu to nakaroo nsira, pasi ane tonsi, sira re’e seanya. Pei ane Aku, Wiyaa nto Lino, tare tampa to Akuja puenya daKukayore. Wali Aku mangepe korom bara taa nukurang mangalulu Aku apa taa todo.” Ewa wetu naika i Yesu mangansono tau etu.

Lukas 12:8

Wali Aku manganto’oka komi, i sema-sema tau to mampongakung ri tango ntau boros, manganto’o, ‘Aku mangalulu i Kerisitu,’ tau etu Aku, Wiyaa nto Lino, daKupongakung seja ri tango mpomakau i mPue Allah ndate saruga manganto’o, ‘Tau etu monso pu’u mangalulu Aku.’

Lukas 18:8

Taa kojo. Aku manganto’oka komi, ane ratamo temponya, i Pue Allah mansaka damampasimbalika sira apa Ia si’a ewa to pobotus to maja’a etu to masae kojo panewa mampasimbalika tau we’a to marapi sawang resi ia. “Wali kasimbalinya yako etu, ane ratamo temponya Aku, Wiyaa nto Lino, dama’i muni ri lino si’i, tempo etu bara taa boros tau to dakurata to maroso pangayanya resi Aku.”

Lukas 21:36

Wali ne’e ewa tau bayore. Kasimbalinya yako etu, jagai kojo ne’e lenga mangampeas kama’ingKu. Pei pakai-kai resi i Pue Allah see gana karoso ngkomi damampiyaika samparia kasesa to damawali etu. Pasi pakai-kai see komi taa damea tempo mampotango Aku, Wiyaa nto Lino.”

Yohanes 1:51

Roo see i Yesu manganto’oka wo’u sira samparia, “Aku manganto’oka komi, monso pu’u komi damangkita yangi tiloka. Pasi komi damangkita pomakau i mPue Allah, sira nto’u-ma’i nto’u-ma’i yau nto’u saruga pei mawolili muni resi Aku, Wiyaa nto Lino.”

Yohanes 3:13

Pei Aku maya kojo manganto’oka komi mangkonong palaong to mawali ndate saruga apa Aku yako ndate ria semo kama’ingKu. Taware pasi samba’a tau to nayau nto’u saruga panewa ma’i muni damampakarebaka yununya mangkonong anu to ndate ria. Ojo Aku, Wiyaa nto Lino, Aku semo to nama’i yako ndate saruga, wali see naka Aku maya mampakarebaka tau mangkonong palaong to mawali ndate ria.

Yohanes 3:14

Wali palaong to damawali resi Aku ewa palaong to mawali resi ule tambaga to naika i Musa nja’u pada bone tempo owi. Ule tambaga etu naposaka i Musa ri sampole kaju panewa inokotakanya ri tango ntau boros see tau to mangalo’aka maya rapalaes. Wali ewa wetu seja damawali resi Aku, Wiyaa nto Lino. Apa Aku taa maya taa darapaku ri kaju pei raokotaka seja ri tango ntau boros.

Yohanes 6:27

Wali komi madota mangampali pangkoni, pei ne’e pangkoni to taa masae maja’am to mawali bae batuanginya resi komi. Kasimbalinya yako etu, to tao-tao pangkoni to taa damaja’a yau to mawali bae kojo batuanginya resi komi. Etu semo anu to raporapaka ewa pangkoni to mangawai katuwu to singkasaenya. Wali Aku, Wiyaa nto Lino, damangawaika komi pangkoni to etu. Aku re’e kuasa mangika palaong to etu apa i Pue Allah, Pa’a, Ia roomo mampakanasa Ia semo to mampokau Aku.” Etu semo pasono i Yesu.

Yohanes 6:53

Wali i Yesu mangaligi sira mangkonong pangaya ntau ri palaongiNya tempo Ia damangawaika yau koroNya pasi raaNya, batuanginya Ia mangangkapateka to lino. Ia manganto’o, “Aku manganto’oka komi, monso pu’u komi tare katuwu to singkasaenya resi komi ane komi taa mangkoni koro to si Aku, Wiyaa nto Lino, pasi manginu raangKu.

Yohanes 6:62

Ane sakowa to etu masuli resi komi, taa manto’o ane ratamo temponya komi mangkita Aku, Wiyaa nto Lino, mawolili muni nto’u wakangKu ri saruga!

Yohanes 12:34

Wali tau boros etu bata-bata raya nsira apa sira mampobuuka i Yesu Ia semo Makole parajanji i mPue Allah. See naka sira manganto’oka Ia, “Porenta ngkita re’e to ratulis to manganto’o i Kerisitu, Makole parajanji i mPue Allah, Ia datuwu singkasaenya. Pei Komi manganto’o Komi, Wiyaa nto Lino, taa maya taa rapaku pei raokotaka ri kaju pasape. Wali ane Komi darapopate yau, ane ewa see wimba, bara tau to yusa wo’u to mawali Wiyaa nto Lino?”

Yohanes 13:31

Wali payu i Yudas yau, i Yesu magombo resi kami to anaguruNya to yusa mangkonong kapateNya pasi mangkonong pambanguNya muni yako ri kapateNya etu, Ia manganto’o, “Ratamo temponya tau damangansani Aku, Wiyaa nto Lino, Aku masipato rabarong. Pasi yako palaong to damawali resi Aku, see naka tau damanasa seja i Pue Allah Ia masipato rabarong.

Palaong mPomakau i mPue Yesu 7:56

Wali ia manganto’o, “Lo’a! Aku mangkita yangi tiloka pasi aku mangkita seja Wiyaa nto Lino makore ri tondo ngkana i mPue Allah.”