Matius 7:22 - Tuntu i mPue ri Basa Taa

²² .Wali ane ratamo eonya to darapangabotus to lino, boros tau to damanganto’oka Aku, ‘Pue, Pue, maka pei Komi taa mampalaes kami? Apa kami mangampake kuasa ngKomi mamporata tuntuMu. Pasi kami mangampake seja kuasa ngKomi mangarubak measa yako resi tau pasi mangika boros palaong to taa rapobiasa.’ Ewa see danato’o ntau etu.

Sura Magali Nuntu Ngkatuwu

²² Maka ri Eo Kiama, sondo tau anu da mantoʼoka yaku, ‘Pue, Pue, ara banya kami anu mampetumbu nuntu i mPue Ala mamposabi Toʼo-Mi? Ara banya kami anu marumba i majaʼa mamposabi Toʼomi, pai maria ngaya tanda ngkuasa anu katuju?’

Matius 7:22 Referans Kwoze

2 Timotius 1:12

Pasi apa saba palaong to inikangku etu see naka aku mangarata kasesa to ratangku si’i. Pei nempo ewa see, aku taa mea, apa aku kunsani Ia to aku mansarumaka. Pasi aku kuaya kojo Ia re’e kuasa mangajagai samparia anu to room aku mansarumakaka resi Ia sampe rata eonya darapangabotus to lino.

2 Timotius 4:8

Wali si’i-si’i re’e dalengku to mangampeas aku ndate saruga. Dale etu raporapaka ewa so’o mbo’o to meyawa to darawaika tau to singkonong pei i Pue Allah. Wali dale to etu danawaika i mPue aku ri temponya darapangabotus. I Pue Ia to pobotus to sangkani mangika ewa to Ia room manganto’o, pasi Ia semo to damangawaika aku dale etu. Pei si’a ojo aku to damangarata dale etu, samparia tau to mawongko rayanya mangampeas kama’i i mPue paka damangarata seja dale etu.

Yohanes 11:51

Ewa wetu nato’o i ngKayapas. Pei kamonsonya gombo to ia manganto’o etu si’a yako ri pampobuuka to si ia. Ia kepala nto pampue to bae angganya ri to’u etu, wali i Pue Allah semo to mangawaika ia pampobuuka to etu see naka ia manganto’o yami i Yesu damate mangkapateka samparia tau ri bansa nto Yahudi.

1 Tesalonika 5:4

Pei a’i-a’i, komi si’a ewa tau to maroo ri raya ngkawuri, to kayopo naika nto palima to rata resi sira. Apa komi taa dakayopo ane ratamo temponya i Pue mula maporenta ri lino.

Lukas 10:12

Wali Aku manganto’oka komi, monso pu’u ane ratamo temponya i Pue Allah mangabotus to lino, tempo etu huku to danarata ntau ri kota to bo’onya mampalinggona komi etu, huku nsira to pari-pari wo’u pei huku to danarata ntau to maroo ri kota Sodom tempo owi.”

Matius 25:11

“Wali yako etu rata seja ngana we’a to lima nja’u banua etu. Sira mampokio, to’onya, ‘Pa’a, Pa’a, lokaka kami wombo!’

Matius 24:36

Panewa i Yesu mampakapolas gomboNya, Ia manganto’o, “Kita tansani damawali kojo palaong to Aku room manganto’oka komi, pei tare tau to mangansani bara eo kesaa pasi bara jam sawei danapowali mpalaong to etu. Nempo pomakau i mPue Allah ndate saruga, sira taa seja mangansani temponya. Ojo patanya Pa’angKu, Ia semo mangansani.

Matius 7:21

.“Wali boros tau to manganto’oka Aku, ‘Pue’ pasi mampoanika mangalulu Aku. Pei taa samparia tau etu to damawali tau to Makolenya i Pue Allah. Ojo tau to mangika pamporani mPa’angKu to ndate saruga, ojo tau to etu to damawali tau to Makolenya i Pue Allah.

2 Timotius 1:18

Pasi korom mangansani kojo ewa wimba kabaenya pansawang i Onesiporus resi aku tempo aku nja’u nja’u kota Epesus seore. Wali aku mamporapika resi Pue see Ia damampaponsanika i Onesiporus pamporayangiNya ane ratamo eonya darapangabotus to lino.

2 Tesalonika 1:10

Palaong etu damawali ri tempo nakama’i i mPue. Naka pei Ia dama’i etu see Ia danabarong ntau to Ia Puenya pasi mampakaipu raya ntau songonya to mangaya Ia. Pasi komi seja damawali ewa wetu apa komi mangaya gombo to napakarebaka mami resi komi seore.

Matius 10:15

Wali Aku manganto’oka komi, monso pu’u ane ratamo temponya i Pue Allah mangabotus to lino, tempo etu huku to danarata ntau ri kota to bo’onya mangantima komi etu, huku nsira to pari-pari wo’u pei huku to danarata ntau Sodom pasi tau Gomora.”