Matius 6:9 - Tuntu i mPue ri Basa Taa

⁹ Wali tempo komi makai-kai, ewa si’i raika. To’o, ‘Pue Allah, Pa’a mami to ndate saruga, masipato kami to lino mampakabae Komi.

Sura Magali Nuntu Ngkatuwu

⁹ Mewali, ndipekakaimo ewaseʼi, ‘Papa mami ri suruga Komimo Pue Ala nu sambaʼa-mbaʼa. Mbolimo komi ndapanyomba pai ndatubunaka.

Matius 6:9 Referans Kwoze

Pangkita 4:11

“Komi semo Pue mami pasi Allah mami. Masipato Komi rapakabae, ra’angga pasi nato’o ntau makuasa. Apa Komi semo to nampapowali samparia anu to re’e. Wali samparia etu re’emo pasi rapapowali apa etu semo pamporani ngKomi.”

Roma 8:15

Apa tempo kita mangaya, tempo etu kita mangarata i Nosa Mapasing. Pasi i Nosa Mapasing etu si’a mampapowali kita mawali ewa watua see kita meka resi puenta. Ia mampapowali kita mawali ana i mPue Allah. Wali yako to naika i Nosa Mapasing etu see naka kita maya manganto’oka i Pue Allah, “O Baba, komi semo Pa’angku.”

Galatia 4:6

Wali apa saba komi roomo mawali ngana i mPue Allah, see naka Ia mampokau Nosa nu AnaNya ma’i maroo ri raya ngkomi see manasa kojo komi anaNya. Pasi yako Nosa nu AnaNya etu see naka komi mangansani manganto’oka i Pue Allah, “O Baba, Komi semo Pa’angku.”

Pangkita 5:12

Sira maroso loonya manganto’o, “Ana nu Domba to roomo rasimbale, masipato kojo kita manga’angga Ia, mampakabae Ia, pasi mangabarong Ia. Masipato seja kita magombo mangkonong kuasaNya, kasugiNya, kapandeNya pasi karosoNya.”

Matius 7:11

.Wali komi nempo tau to maja’a, komi mangansani seja ewa wimba raika mangawaika anu to matao resi nganamu. Wali taa manto’o Pa’a ngkomi to ndate saruga. Ia semo to noto-noto wo’u mangawaika anu to matao resi tau to marapi resi Ia.

Matius 26:29

Pei Aku manganto’oka yami komi, ane karoonya kita mangkoni nene si’i, Aku tawa damanginu wo’u muni tule anggur. Pei ri tempo to darata, tempo Pa’angku mawali Makole ntau samparia, tempo etu Aku damanginu wo’u sindara-ndara pei komi tule anggur to bou.”

Matius 23:9

Pasi ne’e seja manganto’oka yunu ngkomi ri lino si’i, ‘Pa’a,’ apa samba’aja seja Pa’a ngkomi, etu semo i Pue Allah ndate saruga.

Matius 5:16

Wali ewa naika mpansona etu mampakareme banua, ewa see seja lengko ngkatuwu ngkomi nakita ntau boros. Wali ika palaong to matao see sira damangkita pasi damangabarong Pa’a ngkomi to ndate saruga.” Wali etu semo rapa to nato’oka i Yesu sira.

Lukas 15:18

Wali aku damayoko damawolili muni resi pa’angku pei damanganto’oka ia, “Pa’a, aku re’e mangika dosa resi i Pue Allah pasi resi komi.

1 Petrus 1:17

Wali see naka i Pue Allah taa mampasisala tau, apa Ia mangabotus samparia tau. Pei tempo Ia mangabotus etu, samparia tau darabotus singkonong pei palaong to naika nsira samba’a pei samba’a. Wali komi re’e makai-kai resi Ia manganto’oka Ia, “Pa’a.” Wali monso pu’u Ia Pa’a ngkita. Pei Ia to nato’oka ngkita Pa’a etu, Ia seja to pobotus to mangabotus samparia tau. Wali apa saba Pa’a ngkita Ia semo to Pobotus nto lino, see naka masipato komi mampalaika Ia saba manga’angga Ia ri raya ngkatuwu ngkomi ri lino si’i to raporapaka ewa lipu ntau to yusa.

1 Timotius 6:16

Apa ojo patanya i Pue Allah semo to tare kapateNya, pasi Ia maroo ri raya ngkareme to taa maya napomosuk ntau. Wali tare pasi samba’a tau to re’e mangkita i Pue Allah, pasi taa seja re’e tau to nakurang mangkita Ia. Wali pakabae Ia pei patimonso kuasaNya anu to singkasaenya. Amin.

Lukas 15:21

“Panewa ananya manganto’oka ia, ‘Pa’a, aku re’e mangika dosa resi i Pue Allah pasi resi komi. Wali tamo masipato aku rato’oka anamu.’

Lukas 2:14

“I Pue Allah rabarong ndate saruga, tampa to malangan kojo. Pasi ri lino si’i, tuwu-tuwuja dare’e kasingkatao ri oyo ntau to mangarata kanoto i mPue Allah.”

Matius 6:14

.Apa ane komi mangalapa sala nsa’e, ane ewa see Pa’a ngkomi to ndate saruga damangalapa seja sala ngkomi.

Matius 6:6

Pei ane komi makai-kai, inta njo’u songimu samba’a pei samba’a pei ba’a wombonya panewa roo see pokai-kai resi Pa’a ngkomi. Ika ewa wetu see sa’e taa mangkita. Pei nempo taa nakita nsa’e, pei re’e to mangkita palaong ngkomi etu. Etu semo Pa’a ngkomi to ndate saruga semo. Ia taa maya rakita, pei Ia mangkita komi. Wali Ia semo damangawaika komi ntanapa ri tango ntau boros.

Matius 5:48

Pei komi ngana i mPue Allah, wali to tao-tao lengko ngkatuwu ngkomi matao wo’u pei lengko ntau to taa mangansani Ia etu. Wali see naka masipato komi mamporayang samparia tau sewaju ewa Pa’a ngkomi to ndate saruga Ia mamporayang samparia tau.”

Galatia 1:1

Sura si’i yako resi aku, i Paulus. Aku semo pomakau i Yesu Kerisitu. Si’a to lino to mampokau aku pasi to mangawaika aku kuasa. To mampokau aku pasi to mangawaika aku kuasa, etu semo i Yesu Kerisitu pasi i Pue Allah, Pa’a, to nangawangu muni i Yesu yako ri kapateNya.

Yohanes 20:17

Wali i Yesu manganto’oka ia, “Ne’e kongko Aku, apa Aku tawa mawolili muni resi Pa’angKu. Pei inta resi anagurungKu pei porata resi sira gombongKu si’i, manganto’o, ‘Tempo si’i Aku damawolili muni resi Pa’angKu, AllahngKu semo. Ia seja Pa’a ngkomi pasi Allah ngkomi.’ Wali etu semo gombo to danuporata ngkorom resi anagurungKu.”

Matius 26:42

Wali ojo karoonya i Yesu mampogomboka i Petrus etu, Ia yau wo’u makai-kai kadua ngkaninya. Ia manganto’o, “O Pa’angKu, ane tare jaya yusa rapangalimba kasesa dakurata si’i, pei taa maya taa Aku damangarata, ane ewa see biakamo pamporani ngkomi semo damawali.”

Roma 1:7

Wali aku mangantulis sura si’i resi samparia komi to mangaya i Pue ri kota Roma. Komi naporayang kojo seja i mPue Allah pasi Ia room mangika jaya see komi mawali seja tauNya. Wali aku makai-kai see i Pue Allah, Pa’a ngkita, pasi i Pue Yesu Kerisitu, damampaponsanika komi kanotoNya pasi mangawaika komi karodo ndaya.

Matius 10:29

“Pei pamporayang i mPue Allah bae kojo. Pobuuka ruyu tonsi dena. Tonsi etu dua mba’a olinya sangkomba doi to kodi kojo. Pei nempo taa bae batuanginya tonsi etu, tare pasi samba’a to mate yau ane taa nawai mPa’a ngkomi.