Matius 6:24 - Tuntu i mPue ri Basa Taa

²⁴ .“Wali si’i wo’u rapa mangkonong kasugi. Wali ane rapanya watua, ia taa maya dua tau puenya. Apa ane ia dua tau puenya, ia maja’a nakita samba’a pasi mamporayang samba’a. Ia manga’angga samba’a pasi mangkaengas samba’a. Wali ewa see seja komi. Komi taa maya mawali to papolaong i mPue Allah pasi to papolaong ngkasugi apa ane mamporayang kasugi, komi taa mamporayang i Pue Allah.”

Sura Magali Nuntu Ngkatuwu

²⁴ “Bereʼe mau sambaʼa tau mangkoto motetala ri radua tau mancongka; maka da meruu napampotowe anu sambaʼa painaka anu ntaninya, bara napaperuu pedongenya ri anu sambaʼa painaka anu ntaninya. Ewanceʼemo woʼu komi. Bareʼe da ndikoto motetala tila i mPue Ala pai tila aga-aga woʼu.

Matius 6:24 Referans Kwoze

Lukas 16:13

“Rapanya tau to napowatua nsa’e, ia taa maya dua tau puenya. Apa ane ia dua tau puenya, ia maja’a nakita samba’a pasi mamporayang to samba’a. Ia damanga’angga samba’a pasi mangkaengas to samba’a. Wali ewa see seja komi. Ane kasugi ri lino to na’angga ngkomi, kasugi etu mawali ewa pue ngkomi. Pasi ane ewa see, komi taa maya mawali to papolaong i mPue Allah. “Wali to tao-tao komi mangampake kasugi ri lino mangika singkonong pei pamporani i mPue Allah, apa etu semo palaong to bae batuanginya ri tempo to darata.”

Yakobus 4:4

Wali gete komi! Komi maya raporapaka ewa tau to masala, apa komi i Pue Allah puenya pei komi mamporayang wo’u lino si’i. Wimba, komi bara taa nunsani ane tau masingkatao pei anu to re’e ri lino si’i to mangewa i Pue Allah, batuanginya ia mangewa seja i Pue Allah? Wali tau to rani masingkatao pei anu to mangewa i Pue Allah ri lino si’i, tau etu mawali bali i mPue Allah.

Galatia 1:10

Wali yako ri gombongku etu komi manasa aku taa rani nabarong ntau. Apa ane aku rani nabarong ntau, aku taa damantanaa yau sira. Pei aku ojo rani nabarong i mPue Allah. Pasi aku taa seja rani mampakasanang tau, apa ane aku tiroowa rani ojo mampakasanang tau, batuanginya aku si’amo to papolaong i ngKerisitu.

Matius 4:10

Wali i Yesu manganto’oka ia, “Gete, bo’ongku! Apa re’e porenta to ratulis ri raya ntuntu i mPue Allah to manganto’o, ‘Ne’e mampakabae anu to yusa wo’u kasimbalinya yako resi i Pue apa Ia semo Allah ngkomi. Pasi tare yusa to danupalaika kasimbalinya yako Ia.’ (Ulang 6:13) Ewa wetu ratulis ri raya ntuntu i mPue Allah, wali piyaimo Kepala Measa!”

Lukas 16:11

Wali ane komi taa maya rasarumaka mampasilonga kasugi ri lino si’i, to kamonsonya si’a komi puenya, batuanginya komi taa seja maya rasarumaka mampasilonga kasugi to monso, to yako resi i Pue Allah. Wali ane ewa see komi taa darawaika ntanapa to damawali komi puenya.

1 Timotius 6:17

Wali re’e wo’u sangkodi to aku rani manganto’o mangkonong tau to sugi ri lino si’i. To’oka sira ne’e mangei pasi ne’e mansarumaka kasuginya, apa tare kasugi ri lino to taa dapura yau. To’oka sira sarumaka i Pue Allah, anu to manoto kojo resi kita. Apa samparia to kita masanang mangampake Ia mangawai.

Lukas 16:9

Wali Aku manganto’oka komi, Aku rani komi mawali pande seja mangampake kasugi nu lino si’i. Pake kasugi etu damangansawang sa’e see damawali boros yunumu to mangaya seja. Apa ane ewa see, ane ratamo temponya puramo kasugi ri lino si’i, tempo etu komi darata ri lipu to danukaroos rataka ri singkasaenya. Wali tempo etu komi daratima ri lipu etu ri kasanang ndaya.

2 Timotius 4:10

apa i Demas room mampiyaika yau aku saba ia mamporayang katuwunya ri lino si’i. Wali ia nayaumo njo’u kota Tesalonika. Pasi i Kreskes ia nayaumo njo’u propinsi Galatia pasi i Titus nayaumo njo’u Dalmatia.

Pomulanya 47:17

Wali yako etu sira mula mangkenika i Yusup binatang nsira, etu semo jarang, domba, bembe, sapi pasi keledai. Ojo pangawaika nsira ia binatang etu, ia mangawaika sira pangkoni. Wali santo’u kasaenya tau Mesir mangika ewa wetu sampe puramo seja binatang nsira.