Matius 5:5 - Tuntu i mPue ri Basa Taa

⁵ Masanang tau to taa mabae-bae rayanya apa lino si’i damawali sira puenya.

Sura Magali Nuntu Ngkatuwu

⁵ Yontomo kalindo ndaya ntau anu lauka rayanya; Maka i Pue Ala da mawaika tau seʼe pura-pura anu ndajanji!

Matius 5:5 Referans Kwoze

Yakobus 3:13

Wali wimba, bara re’e tau ri oyo ngkomi to majoli mangansani pasi to nawaika i mPue Allah kapandenya? Ane ewa see, to tao-tao tau etu mampaponsanika sa’e kapandenya etu yako ri lengko ngkatuwunya to matao, pasi yako palaong to inikanya. Pasi ne’e ia mangei mangika palaong to etu, apa tau to monso pu’u re’e kapandenya, tau etu taa mangei.

Galatia 5:23

Pasi sira taa makasar resi sa’e pasi nakurang manganta’amaka pamporani ndayanya. Wali lengko to ewa wetu, tare porenta to manganto’o ne’e raika ewa wetu.

Yakobus 1:21

Wali see naka posaka yau songonya lengko to makarika pasi samparia lengko to maja’a to malagi kojo. Ne’e mabae-bae rayamu pei padongeka tuntu i mPue Allah to raporapaka ewa rapomuya ri raya ngkomi. Apa tuntuNya etu re’e kuasa mampalaes komi.

Kolose 3:12

Wali komi naporayang seja i mPue Allah pasi Ia mangampilis seja komi damawali tau to Ia Puenya. Wali see naka matao komi mampolengkoka lengko to matao ewamo rani mangansawang sa'e, mangika to manoto resi sa'e, ne'e mangei, ne'e makasar resi sa'e, pasi pakabae sabara ngkomi resi sa'e.

Matius 11:29

Lulu anu to Aku mampotundeka komi pei powali anagurungKu, apa Aku taa makasar pasi taa bae-bae rayangKu. Wali ane komi ma’i resi Aku, komi damangarata kalindo ndaya.

Epesus 4:2

Wali lengko to masipato, etu semo ne’e mabae-bae raya ngkomi pasi ne’e seja makasar resi sa’e. Pakabae sabara ngkomi resi sa’e, pasi porayang sa’e naka ne’e majoli masusa resi sira.

1 Petrus 3:15

Pei angga i Pue Allah ri raya ngkomi, pasi pongakung Ia semo Pue ngkomi. Pasi pakaroso ri rayamu damangansono samparia tau to mampotanaka resi komi mangkonong pansarumaka to re’e resi komi. Pei tempo komi mangansono, pakatao kojo raika mangansono gombo ntau pasi ne’e mangei raya ngkomi.

Titus 3:2

To’oka seja sira taa matao manto’o maja’a sa’e, pasi taa seja matao ane batingka bara makasar magombo resi sa’e. Ika to manoto pasi to matao resi tau samparia.

1 Petrus 3:4

To tao-tao raya ngkomi to taa nakita nsa’e, etu semo pu’u ngkaroro ngkomi. Wali batuanginya, yako ri raya ngkomi etu see naka komi simpalai pasi taa makasar. Apa lengko to ewa wetu tare kapuranya karoronya, pasi bae kojo batuanginya ri pangkita i mPue Allah.

1 Timotius 6:11

Pei korom semo tau to i Pue Allah Puenya. Wali see naka pakalongko yako ri palaong to maja’a etu. Pei pakadota mangika lengko to masipato raika pasi to singkonong pei i Pue Allah. Pakaroso pangayamu resi i Pue pei porayang kojo sa’e. Pasi ane nurata ngkorom kasesa, pakaroso rayamu mangalulu i Pue. Pasi ikamo to manoto resi sa’e.

2 Timotius 2:25

Pasi ane re’e tau to mangewa kita, ne’e kita makasar mampotundeka sira. Anu kita matao raika mampotundeka sira see tuwu-tuwuja i Pue Allah damangawaika sira temponya majea pasi mangansani anu to monso.

Roma 4:13

Wali tempo owi i Pue Allah re’e mamparajanjika i Abraham pasi wiyaanya sira darawaika lino si’i. Naka pei Ia mangika parajanji etu resi i Abraham, si’a saba i Abraham mangalulu porentaNya. Naka pei Ia mangika parajanji etu apa i Abraham rato’o tare dosanya saba yako pangayanya.