Matius 5:46 - Tuntu i mPue ri Basa Taa

⁴⁶ Wali matao komi mangika ewa wetu apa ane ojo tau to mamporayang komi to nuporayang ngkomi, taa masipato komi danawaika i mPue Allah ntanapa. Apa sakowa to pantagi asele to biasa mangantipu sa’e sira mamporayang seja tau to mamporayang sira.

Sura Magali Nuntu Ngkatuwu

⁴⁶ Paikanya ane podo tau anu mampotowe komi anu ndipotowe, nunjaamo powiami anu da ndasili i mPue Ala? Ara banya waʼa ntoponduru asele woʼu mowia ewanceʼe?

Matius 5:46 Referans Kwoze

Matius 11:19

Roo see Aku, Wiyaa nto Lino, ma’i seja. Aku re’e mangkoni pasi manginu, pei komi taa seja rani mangalulu Aku. Komi ojo manganto’o, ‘Lo’a tau etu! Ia madoko pasi to panginu. Pasi Ia galungiNya tau to pantagi asele pasi tau to yusa to madosa.’ Ewa see nuto’o ngkomi to tuwu ri tempo si’i mampobo’o anu to napotundeka mami dua i Yohanes. Pei saba yako lengko to matao to naika ntau to mangalulu kami dua, yako etu miyala lengko ngkatuwu mami dua etu monso pu’u yako kapande i mPue Allah.”

Lukas 18:13

“Pei to pantagi asele makore nja’u longko, pasi ia sakowa matingoa, taa rani apa ia mangepe ia taa masipato mampotango i Pue Allah. Ia ojo mangantopo-ntopo dadanya apa masoso rayanya pei manganto’o, ‘O Pue Allah, porayang aku, apa aku madosa kojo.’ Ewa wetu pokai-kai nto pantagi asele.

Lukas 15:1

Wali re’e seore ma’i to pantagi asele pasi tau to yusa to nato’o seja nsa’e tau madosa, sira siromu damangandonge gombo i Yesu.

Matius 18:17

Wali ane tau etu bo’onya seja mampodongeka yunu ngkomi etu, panewa to’oka wo’u taungKu to boros to mananya siromu nja’u lipumu. Panewa ane ia bo’onya seja mampodongeka paposia ntaungKu to boros mangkonong salanya etu, ane ewa see to tao-tao komi manga’angga ia sewaju ewa nuika ngkomi resi tau to taa mangaya bara resi tau to pantagi asele to taa nupogalungika ngkomi.

Matius 6:1

Wali yako etu i Yesu manganto’o wo’u, “Pakatao kojo naka ne’e komi mangika palaong to matao ojo damampapokitaka tau boros. Apa ane ewa wetu nuika ngkomi, komi taa damangarata ntanapa mpalaong to matao etu, ntanapa to yako resi Pa’a ngkomi to ndate saruga.

Lukas 19:7

Pei samparia tau to mangkita palaong etu, sira sakambumbu mangkonong i Yesu. Sira manganto’o, “Gete, taa matao Ia yau mawali linggona ntau to pantagi asele, tau to madosa kojo! ”

Lukas 19:2

Wali nja’u kota etu re’e tau sugi, sanganya i Sakheus. Ia samba’a kepala ntau to pantagi asele.

Matius 5:47

Pasi ane komi mangika matao ojo ri yunu ngkomi semo, ane ewa see tare pasisalanya komi pei sa’e. Apa sakowa tau to taa mangansani i Pue Allah, sira mangika seja ewa wetu.

Markus 2:15

Yako etu sira yau njo’u banua i Lewi damangkoni. Wali tempo sira mangkoni etu, ma’i boros tau to pantagi asele seja sewaju ewa i Lewi. Pasi ma’i seja tau to yusa to nato’oka seja ntau “tau madosa,” sira ma’i mangkoni sindara-ndara pei i Yesu pasi anaguruNya. Apa boros seja ri oyo nsira to mangalulu i Yesu.

Markus 2:16

Wali tempo sira mangkoni, re’e bara sawei mba’a tau ri sambali banua. Tau etu tau to mampoguru porenta i Musa pasi sira seja to Yahudi to aliran Parisi. Wali tau etu mangkita i Yesu mangkoni sindara-ndara pei tau to pantagi asele pasi tau to yusa to nato’oka ntau “tau madosa.” Wali tempo sira mangkita palaong to etu, sira manganto’oka anaguru i Yesu, “Maka pei guru ngkomi mangkoni sindara-ndara pei tau to pantagi asele pasi tau to yusa to madosa seja?”

Lukas 3:12

Wali ma’i seja tau to pantagi asele, ma’i danabaptis i Yohanes. Sira mampotanaka resi ia, sira manganto’o, “Pa’a Guru, kesaa danaika mami damampakanasa kami monso pu’u majeamo?”

Lukas 5:29

Yako etu i Lewi mangikaka i Yesu roa bae ri banuanya. Wali tempo sira mangkoni etu, ma’i boros kojo tau to pantagi asele seja sewaju ewa i Lewi, pasi boros tau to yusa, sira ma’i mangkoni sindara-ndara pei sira ri roa etu.

Lukas 5:30

Pei tempo sira mangkoni etu, re’e to Yahudi to aliran Parisi pasi tau to mampoguru porenta i Musa to joa nto Parisi etu, sira mangkita palaong to etu yako ri sambali banua. Wali sira sakambumbu, sira manganto’oka anaguru i Yesu, “Maka pei komi mangkoni pasi manginu sindara-ndara pei to pantagi asele pasi tau to yusa to nato’oka seja ntau ‘tau madosa’ etu?”

Lukas 7:29

Wali tau boros to mangandonge gombo i Yesu etu, sira samparia pasiwa tau to pantagi asele, paka singkonong pei gomboNya etu. Tau etu semo tau to roomo nabaptis i Yohanes apa manganto’o kono kojo songka i mPue Allah.

Lukas 7:34

Roo see Aku, Wiyaa nto Lino, ma’i seja. Aku re’e mangkoni pasi manginu, pei komi taa seja rani mangalulu Aku. Komi ojo manganto’o, ‘Lo’a tau etu! Ia madoko pasi to panginu. Pasi Ia galungiNya tau to pantagi asele pasi tau to yusa to madosa. Ewa see nuto’o ngkomi to tuwu ri tempo si’i mampobo’o anu to napotundeka mami dua i Yohanes.