Matius 5:37 - Tuntu i mPue ri Basa Taa

³⁷ Wali to tao-tao komi ojo manganto’o, ‘Iya,’ ane masipato rato’o iya. Pasi manganto’o, ‘Taa,’ ane masipato rato’o taa. Ewa see raika apa ane kita mangadugangika parajanji, to etu yako resi i Kepala nto pantipu semo.”

Sura Magali Nuntu Ngkatuwu

³⁷ Ganamo ane nditoʼo ‘Io’ bara ‘Bareʼe’ – maka pau anu meruu ungka njairia inceʼe ungka ri Majaʼa popuʼunya.”

Matius 5:37 Referans Kwoze

Yakobus 5:12

Wali a’i-a’ingku, si’i semo gombongku to bae kojo batuanginya. Ane komi damangika bara kesaa, to tao-tao komi ojo manganto’o, “Iya, dakuika.” Pasi ane komi taa damangika, to tao-tao ojo manganto’o, “Taa dakuika.” Ne’e mampokio matamanasa, nempo anu ri lino, bara ri yangi, bara to yusanya, damampatimonso parajanjimu etu. To tao-tao ojo ika to komi room manganto’o etu. Apa ane taa mangika pei re’e to mawali matamanasa mparajanjimu etu, ane ewa see, huku to danurata ngkomi mapari wo’u apa saba re’e matamanasa etu.Wali to tao-tao tare matamanasa naka ne’e komi darahuku.

Kolose 4:6

Pasi tempo komi mampogomboka tau to taa mangaya etu, to tao-tao komi sangkani manganto'o gombo to manoto pasi gombo to bae batuanginya to raporapaka ewa bure. Pasi pobuuka kojo ewa wimba danuika ngkomi mangansono gombo nsira samba'a pei samba'a see komi damanganto'o sono to masipato danuto'o ngkomi.

Kolose 3:9

Pasi ne'e masiwutis apa komi roomo mamposaka yau tau ngkomi to masae sindara-ndara pei lengkonya, ewa naika ntau mangawonsu yau baju to masae.

Yohanes 8:44

Naka pei komi ewa wetu apa i Kepala nto pantipu semo pa’a ngkomi. Pasi komi rani mangalulu pamporani to si ia. Yako ri pamulanya ia mampopate tau. Pasi ia taa mampasimbalika anu to monso apa tare anu to monso resi ia. Pasi ia biasa kojo mawuti apa ewa wetu semo lengkonya. Ia to pawutis pasi samparia wuti ia semo pu’unya.

Epesus 4:25

Wali posaka yau lengko ngkomi to tempo ruyu. Ne’emo mawuti, pei to’o anu to monso resi yunu ngkomi samba’a pei samba’a. Apa kita samparia paka saga ngkoro i ngKerisitu.

2 Tesalonika 3:3

Pei i Pue masipato rasarumaka, pasi Ia damampakaroso pangaya ngkomi pasi damangararamaka komi yako resi Kepala nto pantipu.

Matius 13:19

Wali liano etu batuanginya kareba mangkonong ewa wimba i Pue Allah damawali Makole nto lino. Wali tempo tau mangandonge kareba etu pei taa manasanya, tempo etu ma’i i Kepala nto pantipu pei mangoko yau kareba etu yako ri pampobuuka nsira. Wali palaong to etu semo to raporapaka ewa liano to rasawu to kono ri jaya pei to natungku yau ntonsi.

Matius 13:38

Wali nawu, etu semo lino si’i, pasi pae to matao, batuanginya tau to mawali Makolenya i Pue Allah. Pasi bali nto panawu to mangansawu wua nu lee, ia semo i Kepala nto pantipu. Panewa lee etu batuanginya tau to naporentang i ngKepala nto pantipu etu. Wali temponya mamota, batuanginya tempo danakarata i mPue damampasiromunaka samparia tau darabotus, pasi tau to mamota batuanginya pomakau i mPue Allah yako ri saruga.

1 Yohanes 5:18

Wali kita tansani i sema-sema tau to nawaika i mPue Allah katuwu to bou pasi to maroo masingkatao pei Ia, tau etu taa mangika dosa. Pasi tau etu, katuwunya nararamaka kojo i Yesu, Ana i mPue Allah, see naka tare to maya danaika i ngKepala nto pantipu resi ia.

Matius 6:13

Pasi kami marapi seja see Komi mangansawang kami ane mangarata soba, pasi lapa kami yako resi ia to pu’u nsamparia anu to maja’a. (Kami mamporapika ewa wetu apa Komi semo to masipato mawali Makole pasi to re’e kuasa pasi to masipato rabarong rataka ri singkasaenya. Amin.) Wali ewa wetu semo raika makai-kai.

1 Yohanes 2:13

Pasi komi to bose tu’a, naka pei aku mangantulisika komi damampatiendoka komi, komi roomo mangansani kojo i Kerisitu. I Kerisitu etu, Ia re'emo tempo mpamula nu lino si'i. Pasi komi to mangurawa, naka pei aku mangantulisika komi damampatiendoka komi, komi roomo manganangi i Kepala nto pantipu. Pasi komi to ngana mayunu, naka pei aku mangantulisika komi damampatiendoka komi, komi roomo mangansani kojo Pa'a ngkita.

1 Yohanes 3:12

Wali ne'e kita mangika ewa to naika i ngKain tempo owi. I Kain etu ia i Kepala nto pantipu puenya pasi ia mampopate yau a'inya. Wali kesaa sabanya naka pei ia mampopate yau a'inya etu? Saba naka pei ia mampopate yau a'inya etu apa ia nansani lengko to si ia maja'a pei lengko ntua'inya etu singkonong pei i Pue Allah. See naka ia maja’a nakita a’inya etu.

Yohanes 17:15

Wali Aku makai-kai resi Komi si’a marapi see Komi damangkeni yau sira yako ri lino si’i. Aku ojo marapi see Komi damangararamaka sira naka ne’e sira dananangi i maja’a, etu semo i Kepala nto pantipu.

Matius 15:19

Apa ri raya sia ntau re’e mampobuuka anu to maja’a sampe napolengkoka anu to maja’a etu, ewamo mampopate sa’e, masala, magoyal, malima, mawali matamanasa to taa monso, pasi manto’o maja’a sa’e.

Matius 5:36

Pasi ne’e seja manganto’o, ‘Wo’ongku semo mawali matamanasangku.’ Ne’e manganto’o ewa see apa komi tare kuasa mangawali sakowa santoko wayuamu mawali buya bara meta. Ojo i Pue Allah semo to re’e kuasa mangika palaong to etu.

Epesus 6:16

Pasi nempo bara kesaa to mawali, aya i Pue Allah, apa pangaya ngkita raporapaka ewa kantar. Apa tempo kita mangamusung i Kepala nto pantipu, panggodanya raporapaka ewa mata mpana to mawea napanaka kita. Wali ane kita mangampake pangaya ngkita ewa kantar, mata mpana i Kepala nto pantipu etu taa dakono kita.