Matius 5:29 - Tuntu i mPue ri Basa Taa

²⁹ Wali yako etu i Yesu manganto’o, “Ane mata ngkomi to sambali mangalo’aka anu to taa matao ralo’aka, see naka komi mawali dosa ri rayamu, ane ewa see pakadota kojo mampandooka mangika dosa etu. Kadota ngkomi etu maya raporapaka ewa tau to mangansu’i yau sambali matanya etu pei taji yau see tamo maya mangalo’aka anu to taa matao ralo’aka etu. Apa to tao-tao nempo jamo sambalija matamu sakowa korom kabaenya rataji yau lo’u apu naraka.

Sura Magali Nuntu Ngkatuwu

²⁹ Ewanceʼe seʼe rapanya; ane matamu mokana mampapopuʼu kanawumu ri raya ncalaa, juʼimo pai tajikamo! Moruana tetaji sangaya ri parewa ngkoromu painaka siko da ndatendeka ri apu naraka,

Matius 5:29 Referans Kwoze

Roma 8:13

Apa ane kita sangkani mangaluluka pampobuuka ngkita to masae etu, kita matantu damangarata kapate. Pei ane kita mangampake kuasa i Nosa Mapasing mangampobuuka kita ewa tau to matem to roomo raga’a yako ri lengko ngkoronya to maja’a, ane ewa see pampobuuka ngkita, kita datuwu.

Kolose 3:5

Wali posaka yau pamporani ngkoro ngkomi to maja’a naka ne'e damangika lengko to taa singkonong pei i Pue Allah. Lengko etu semo ewamo mangika lengko to maja'a resi tau to si'a rongomu, mampobuuka anu to balamas bara mampolengkoka lengko to makarika, pamporani ndaya to taa rata'amaka, pamporani ndaya to maja'a, pasi lengko to bamporomung. Bamporomung etu sewaju pei mampue tau-tau.

1 Korintus 9:27

Wali see naka aku manta’amaka pamporani ndayangku ewa naika ntau to damatilumba, pasi aku mangkuasang korongku. Apa aku taa rani mampakarebaka sa’e kareba matao panewa roo see tamo napake i mPue Allah aku mangika wo’u palaong to etu.

Roma 6:6

Wali kita tansani tau to masae ngkita mate yau seja rapaku ri kaju pasape sindara-ndara pei i Kerisitu. Naka pei mate yau tau to masae ngkita etu see dosa to mangkuasang koronta si’i rapakaja’a yau kuasanya. Wali dosa etu tamo re’e kuasanya mamporentang wo’u kita.

Galatia 5:24

Wali tau to i Kerisitu Puenya, tau etu mampobuuka pampobuukanya to masae ewa roomo mate rapaku ri kaju pasape sindara-ndara pei i Kerisitu. Wali anu to naporayang pasi to naporani mpampobuuka to masae etu, anu to etu tamo masipato mangkuasang ia.

Markus 8:36

Apa kesaa batuanginya resi tau nempo kasuginya ri lino samparia paka ia puenya pei ane ia taa mangarata katuwu to singkasaenya? Tare batuanginya resi ia,

Matius 19:12

Apa to langkai to taa marongo, re’e to taa nakoto marongo apa ewa see semo koronya yako ri kare’enya. Pasi re’e seja to taa nakoto saba roomo nakabiri yau nsa’e. Pasi re’e seja tau to taa marongo apa sira rani ojo mangika palaong i mPue Allah, Makolenya. Wali tau to nakurang nempo taa marongo, matao ane ia taa marongo ewa nuto’o ngkomi etu.”

Matius 10:28

“Wali ane tau, to ia nakurang mampopate yau, etu semo koro ngkomi, pei ia taa nakurang mampopate yau tonii ngkomi. Wali ne’e meka resi tau. Pei ane i Pue Allah, Ia re’e kuasa mampakaja’aka yau koro pasi tonii la’u apu naraka. Wali masipato komi mampalaika Ia pasi manga’angga Ia, pei ne’e mampokeka tau.

Matius 23:15

“Ojo kasesa danurata ngkomi to mampoguru porenta i Musa pasi komi to aliran Parisi. Komi to ojo gombomu to manoto! Komi damangarata kasesa apa saba yako lengko ngkomi see naka tau to yusa mawali maja’a kojo. Apa komi mampobuuka nempo parluu mangawote tasi pasi mangalinjak sambawo lino, komi buya seja rayamu ane maya mangarata nempo samba’aja tau to rani damawali anagurumu. Pei tempo tau etu mawalimo anaguru ngkomi, roo see ia mawali madota kojo mampolengkoka seja lengko to si komi, see naka kaja’a to si ia mawali yau dua ngkani kaparinya pei kaja’a ngkomi. Wali komi masipato rahuku la’u apa naraka, pei taa manto’o ia to dua ngkani kaja’anya etu!

Matius 16:26

Apa kesaa batuanginya resi tau nempo kasuginya ri lino samparia paka ia puenya pei ane ia taa mangarata katuwu to singkasaenya? Tare batuanginya resi ia, apa tare kesaa to maya danabayarika ntau daraolika katuwu to singkasaenya etu.

Matius 5:22

Pei Aku manganto’oka komi, tau nempo ojo maja’a rayanya resi yununya, tau etu masipato danahuku nto pobotus. Pasi i sema-sema manganto’oka yununya, ‘Bea korom!’ tau etu masipato seja danahuku nto pobotus. Pei i sema-sema to manganto’oka yununya, ‘Korom taa kojo re’e batuanginya!’ tau etu masipato darapanasok yau lo’u apu naraka.

Matius 23:33

“Wali Aku manganto’oka komi, komi ewa ule to mampeyaa mampiyaika apu nja’u pada pei ia taa nakurang. Apa ewa see seja komi. Komi taa kojo damangampiyaika huku ngkomi la’u apu naraka!

Lukas 12:5

Pei Aku mampatiendoka yami komi i sema to masipato komi mampalaika pasi manga’angga. Etu semo i Pue Allah. Apa Ia nakurang mangampopate yau koro ntau, roo see Ia re’e kuasa damamponasoka yau tau etu lo’u apu naraka. Wali Aku manganto’oka komi masipato komi mampalaika Ia saba manga’angga kuasaNya etu, pei ne’e mampokeka tau.

Matius 5:30

Pasi ane palemu to sambali mampolengkoka pamporani ndayamu to maja’a, ane ewa see pakadota kojo mampandooka mangika palaong to etu. Kadota ngkomi etu maya raporapaka wo’u ewa tau to mangampu’ak yau palenya sambali etu see tamo mangika palaong to maja’a etu. Apa to tao-tao nempo sambalija palemu sakowa korom kabaenya rataji yau lo’u apu naraka.

Matius 11:6

Pasi to’oka seja i Yohanes, ‘Masanang tau to taa mawali bata-bata rayanya mangkonong Aku. Apa monso pu’u Aku Makole parajanji i mPue Allah.’”

Matius 17:27

Pasi kamonsonya ewa see seja kita to ngana i Makole ngkita, i Pue Allah, nempo taa mangabayar asele banuaNya. Pei kita taa rani mampakasusa raya ntau si’i, wali see naka kita damangabayar asele etu. Wali inta njo’u rano pei mameka. Panewa oko bau to uyunya nupeka ngkorom pei woe nganganya. Nja’u raya nganga nu bau etu korom damangarata sangkomba doi to gana mangabayar asele ngkita dua. Wali oko doi etu pei inta waika sira mangabayar asele ngkita dua.” Wali i Petrus yau mangika ewa nato’oka i Yesu ia etu.