Matius 5:25 - Tuntu i mPue ri Basa Taa

²⁵ “Wali si’i wo’u rapa. Bara re’e tau to masusa rayanya apa saba palaong to nuika ngkomi resi ia, pasi tau etu rani mangkeni palaong etu resi to pobotus. Ane ewa see, pakajoli masingkatao muni resi ia tempo tiroowa ri raya mpalinja yau mampago to pobotus naka ne’e ia damangkeni korom ri tango nto pobotus etu. Apa ane mampotango to pobotus, to pobotus etu bara damangawaika komi resi tau daratarungku.

Sura Magali Nuntu Ngkatuwu

²⁵ Ane rapanya reʼe anu mampekalaka komi ri Topobotusi, pai ane reʼepa tempo, pepalika jayanya da naka simadago muni komi ri kabareʼepanya jela ri suara nTopobotusi. Maka ane bareʼe, tau setu da mampepombaika komi ri Topobotusi, anu da mampepombaika komi ri pale mPolisi. Nepa Polisi da mampapesua komi ri raya ntarunggu.

Matius 5:25 Referans Kwoze

Ibrani 3:13

Wali si’i-si’i, tempo tiroowa re’e tempo to nawaika i mPue Allah, to tao-tao komi ponto eo masipakaroso raya ngkomi see tare komi to mawali mako’o wo’o apa natipu nu dosa.

Ibrani 3:7

Wali padongeka paposia i Nosa Mapasing to ratulis ri raya nTuntu i mPue, to’oNya, “Seo si’i ane komi mangandonge loo i mPue Allah,

Ibrani 12:17

Wali komi nunsani sarita etu. I Esau re’e mampobalu yau panta to masipato ia damangantima, pei roo see ia tiroo rani damangantima yako resi pa’anya, pei pa’anya tamo mangawaika ia. Nempo tumangi ia mamporapi panta etu, tamo re’e jaya to mangawali pampobuuka mpa’anya. Wali ne’e ewa i Esau to mampobuuka panta yako resi pa’anya taa bae batuanginya.

2 Korintus 6:2

Apa re’e gombo i mPue Allah to ratulis ri raya ntuntuNya to manganto’o,“Ri tempo to singkonong pei Aku, ri tempo etu Aku manoto resi korom; pasi tempo etu Aku mangansono pokai-kaimu. Pasi ri tempo to masipato Aku mampalaes korom, tempo etu Aku mangansawang korom.” (Yesaya 49:8) Ewa wetu gombo i mPue Allah tempo owi. Wali padongeka! Apa si’i semo temponya. Si’i semo temponya i Pue Allah damampaponsanika kita to lino kanotoNya. Pasi si’i semo temponya Ia mampalaes kita. Wali ne’e kita mangabiaka kanotoNya etu damawali yau tare batuanginya resi kita!

Matius 26:58

Pasi tempo i Yesu rakeni etu, i Petrus mangalulu Ia pei ia longko yako ri payuNya. Wali ia rata ri tango banua i ngKayapas, panewa masua ri tongonata pei matunda ri oyo nsawei mba’a to papolaong i ngKayapas etu. Yako etu i Petrus ojo mangampeas damangalo’aka ewa wimba palaong to damawali.