Matius 5:22 - Tuntu i mPue ri Basa Taa

²² Pei Aku manganto’oka komi, tau nempo ojo maja’a rayanya resi yununya, tau etu masipato danahuku nto pobotus. Pasi i sema-sema manganto’oka yununya, ‘Bea korom!’ tau etu masipato seja danahuku nto pobotus. Pei i sema-sema to manganto’oka yununya, ‘Korom taa kojo re’e batuanginya!’ tau etu masipato darapanasok yau lo’u apu naraka.

Sura Magali Nuntu Ngkatuwu

²² Paikanya seʼi-seʼi Kutoʼoka komi, bara isema anu pasengke ri tau ntaninya da ndahuku; pai bara isema anu mampepepara yunu, sangaya-ngaya siʼa da ndapekibotusi ri suara Majalisi Agama. Pai bara isema anu mantoʼoka yunu, ‘Tengo asu’, siʼa da ndahuku i mPue Ala pai da ndatendeka ri apu naraka.

Matius 5:22 Referans Kwoze

1 Yohanes 2:9

Wali i sema-sema tau to manganto'o, "Aku seja maroo ri raya ngkareme," pei tau etu maja'a nakita a'inya to samba'a pangaya, batuanginya tau etu tiroowa re'e ri raya ngkawuri.

Yakobus 3:6

Wali nganganta maya raporapaka ewa apu etu. Apa ane saga ngkoronta, nganganta semo to bae kojo kaja’anya. Apa yako ri gombo to nato’o nu nganganta, see naka juku koro ngkita pasi raya ngkita mawali maja’a. Pasi nganganta raporapaka ewa apu to rapotuwu yako apu naraka semo, apa gombo to ito’onya maya mampakaja’aka yau katuwu ngkita to lino.

Titus 3:2

To’oka seja sira taa matao manto’o maja’a sa’e, pasi taa seja matao ane batingka bara makasar magombo resi sa’e. Ika to manoto pasi to matao resi tau samparia.

Matius 10:28

“Wali ane tau, to ia nakurang mampopate yau, etu semo koro ngkomi, pei ia taa nakurang mampopate yau tonii ngkomi. Wali ne’e meka resi tau. Pei ane i Pue Allah, Ia re’e kuasa mampakaja’aka yau koro pasi tonii la’u apu naraka. Wali masipato komi mampalaika Ia pasi manga’angga Ia, pei ne’e mampokeka tau.

Matius 18:35

“Wali ewa wetu seja Pa’angKu to ndate saruga damangika resi komi ane komi taa buya rayamu mangalapa sala nu yunumu apa bae kojo sala ngkomi to Ia roomo mangalapas.”

1 Petrus 3:9

Ne’e mamponsawak ane re’e tau to mangika maja’a resi komi. Pasi ne’e seja mampoja’a tau to re’e mampoja’a komi. Kasimbalinya yako etu, matao ane komi makai-kai mamporapika resi i Pue Allah see Ia mangawaika tau to mampoja’a komi etu rasi. Wali ane komi mangika ewa wetu, komi danawaika seja i mPue Allah rasi, apa etu semo naka pei komi napokio i mPue Allah, see komi maya damangarata seja rasi to Ia damangawaika kita to anaNya.

Roma 12:10

Anu kita mamporayang sa’e ewa taika mamporayang tua’i ngkoronta. Pasi anu kita pakadota mampobuuka sa’e to bae-bae angganya pei kita.

1 Petrus 2:23

Pasi tempo Ia napoja’a ntau, Ia taa mampoja’a wo’u sira. Pasi tempo Ia nasesai ntau Ia taa mamponsawak. Ia ojo mansarumakaka koroNya resi to pobotus to sangkani mangabotus singkonong pei to masipato raika. To pobotus etu, etu semo i Pue Allah.

Matius 18:21

Wali roo see i Petrus yau resi i Yesu pei mampotanaka resi Ia, to’onya, “Pue, ane yunungku mandudu ngkani mangika sala resi aku, sawei ngkani to masipato aku mangalapa salanya etu? Wimba bara gana ane pitu ngkani?”

I Yudas 1:9

Sakowa kepala mpomakau i mPue Allah, i Mikhael, ia mangepe taa masipato ia manto’o maja’a sa’e. Tempo ia masibanta pei Kepala Measa mangkonong lemba i Musa, ia mampobuuka, “Taa masipato ane aku manto’o maja’a i Kepala Measa pasi mangahuku ia.” Wali ia ojo manganto’o, “Biakamo i Pue semo damanganseko korom.”

1 Yohanes 3:10

Wali kita to mampopa’a i Pue Allah, yako ri pamulanya kita mangaya kita re’e mangandonge porenta to manganto’o to tao-tao kita masiporayang. Wali etu semo palaong to mampakanasaka kojo resi kita bara i sema kamonsonya pu’u nu lengko ngkita, bara i Pue Allah, Pa’a ngkita, bara i Kepala nto pantipu. Pei tau to ana i mPue Allah pei taa mamporayang a’inya to samba’a pangaya pasi mangika lengko to taa singkonong pei i Pue Allah, manasa tau to etu taa maroo masingkatao pei i Pue Allah. Wali lengko ntau etu manasa kojo i Kepala nto pantipu semo pu’unya.

Palaong mPomakau i mPue Yesu 17:18

Wali ri kota etu re’e seja tau to aliran Epikuros pasi aliran Stoa. Tau to mampoguru aliran etu re’e masibanta pei i Paulus. Panewa re’e tau to manganto’o mangkonong i Paulus, sira manganto’o, “Gete! Kesaa nansani ntau si’i? Gombonya boros kojo, pei tare batuanginya.” Pasi re’e wo’u tau to manganto’o, “Bara pue ntau to yusa to ia mampakarebaka kita ta’anya.” Naka pei sira manganto’o ewa wetu apa i Paulus re’e mampakarebaka sira mangkonong i Yesu pasi ia manganto’oka sira, “I Yesu nambangu muni yako ri kapateNya pasi samparia tau to mate darawangu muni seja yako ri kapatenya.”

1 Tesalonika 4:6

Wali ane mangkonong palaong to etu, ne’e re’e pasi samba’a kita to mangampake to we’a to si’a rongonya, bara mangika sala resi a’i ngkita to samba’a pangaya. Apa i Pue semo to mampakakonoka samparia palaong to ewa wetu, ewa kami roomo manganto’oka pasi mampatiendoka yami komi seore.

Markus 14:55

Wali kepala-kepala nto pampue pasi songonya to pobotus nto Yahudi, sira mangaliwu matamanasa to taa monso to damampakasala i Yesu see sira maya mampopate yau Ia. Pei sira taa mangarata.

Matius 26:59

Wali kepala-kepala nto pampue, pasi tau tu’a nto Yahudi pasi songonya to pobotus nto Yahudi, sira mangaliwu matamanasa to taa monso to damampakasala i Yesu see sira maya mampopate yau Ia.

Yohanes 11:47

See naka to Parisi pasi kepala-kepala nto pampue siromu sindara-ndara pei songonya to pobotus nto Yahudi. Sira manganto’o, “Kesaa to dataika? Apa boros kojo palaong to taa rapobiasa to naika ngKai etu.

Palaong mPomakau i mPue Yesu 7:37

Wali i Musa manganto’oka seja to Israel etu, to’onya, ‘I Pue Allah damangampilisika komi samba’a to pantuntu tuntuNya to yako ri oyo nu yunu ngkita seja. To pantuntu tuntuNya etu Ia damangampilis ewa nikaNya nangampilis aku. Wali komi damampodongeka ia.’ Ewa see to’oka i Musa to Israel.

Lukas 12:5

Pei Aku mampatiendoka yami komi i sema to masipato komi mampalaika pasi manga’angga. Etu semo i Pue Allah. Apa Ia nakurang mangampopate yau koro ntau, roo see Ia re’e kuasa damamponasoka yau tau etu lo’u apu naraka. Wali Aku manganto’oka komi masipato komi mampalaika Ia saba manga’angga kuasaNya etu, pei ne’e mampokeka tau.

Matius 5:44

Pei Aku manganto’oka komi, porayang seja balimu, pei matao raika magombo resi tau to mampoja’a komi. Pasi ika matao resi tau to maja’a nakita komi, pasi pokai-kaika tau to mampakasala pasi to mangansesai komi.

Matius 5:34

Pei Aku manganto’oka komi ane mangika parajanji ne’e kojo mangampake gombo to ewa si’i mampakatantu parajanji etu. Ne’e manganto’o, ‘Anu to ndate saruga semo mawali matamanasangku.’ Ne’e manganto’o ewa see, apa saruga etu semo to rato’oka gadera to napotunda i mPue Allah maporenta.

Matius 3:17

Pasi tempo etu re’e radonge loo to yako ndate saruga, loo etu manganto’o, “Si’i semo AnangKu to kuporayang kojo. Aku masanang kojo resi Ia.”

Pomulanya 37:4

Wali tukaka i Yusup mangkita pa’a nsira mamporayang kojo a’inya etu, see naka sira timopo rayanya pasi maja’a nakita ia. Wali sira tamo mangika gombo to matao resi ia.

1 Yohanes 5:16

Wali i sema-sema tau to mangkita a'inya to samba'a pangaya to mangika dosa, pei tawa sampe mate, ane ewa see to tao-tao ia makai-kai resi i Pue Allah mampokaikaika a'inya etu. Wali i Pue Allah semo damangansawang tau etu see ia taa damate. Pei re'e seja dosa to mate tau mangika, wali si'a palaong to etu to kuto'oka komi mangampokaikaika.

Yakobus 2:20

Pasi aku manganto’oka wo’u tau etu, “O tau bea! Wimba, korom bara rani aku mampakanasaka korom monso pu’u pangaya ntau tare batuanginya ane taa rapolengkoka? Pangaya ntau etu raporapaka ewa tau to matem.

Ibrani 12:25

Wali pakatao kojo naka ne’e kita mampobo’o mangandonge Ia to mampogomboka kita si’i-si’i. Apa ewa wetu naika nto Israel tempo owi. Sira bo’onya mampodongeka Ia to mampogomboka sira ri lino si’i, wali sira tare jaya miyai tempo Ia mangahuku sira. Wali taa manto’o kita. Kareba to Ia manganto’oka kita semo to bae-bae batuanginya, apa tempo si’i Ia mampogomboka kita yako ndate saruga semo. Wali ane kita mampobo’o Ia, kita taa kojo re’e jaya mampiyaika huku.

Ibrani 5:9

Wali apa saba i Yesu mangarata kasesa ewa wetu, see naka Ia masipato kojomo mawali to pampue to bae anggaNya. Apa Ia roomo mangepe to naepe nto lino. Wali Ia nato’oka i mPue Allah to pampue to bae angganya sewaju ewa i Melkisedek tempo owi. Pasi Ia semo to mangika jaya see samparia tau to mampolaika Ia maya rapalaes rataka ri singkasaenya.

1 Korintus 6:10

tau to malima, tau to bamporomung, tau to banginu, tau to mampoja’a sa’e, pasi tau to manipu, samparia tau to ewa wetu taa damangarata anu to matao to rawaika resi tau to Makolenya i Pue Allah.

1 Korintus 6:6

Pei komi taa mangika ewa see. Ane re’e tau to masusa resi pua’inya to samba’a pangaya ia mansaka mangkeni palaong etu resi to pobotus, wali gete, tau to taa mangaya semo to mangabotus sira.

Palaong mPomakau i mPue Yesu 5:27

Wali sira mangkeni pomakau etu mampotango samparia to pobotus nto Yahudi. Yako etu kepala nto pampue to bae angganya manganseko sira,

Yohanes 15:25

Wali palaong etu mangabanang gombo to ratulis yami ri raya mporenta to rawaika resi sira tempo owi. Gombo etu manganto’o, ‘Nempo tare to inikangKu to masipato maja’a nakita nsira, pei sira tiroo maja’a nakita Aku.’ (Masmur 35:19; 69:4) Ewa wetu gombo to rabanang.

Yohanes 8:48

Wali ojo karoonya i Yesu manganto’o gombo etu, re’e to Yahudi to manganto’oka Ia, sira manganto’o, “Monso pu’u gombo mami tempo kami manganto’oka Korom si’a kamonsonya to Yahudi, ojo to Samaria semo. Pasi Korom kameasa!”

Yohanes 7:20

Pei ojo pangandonge ntau boros gombo i Yesu etu, sira manganto’o, “Gete! Kameasa Korom! Tare tau to mansongka damampopate yau Korom!”

Markus 15:1

Wali yako etu, ojo kaeonya rao, kepala-kepala nto pampue pasi tau tu’a nto Yahudi pasi tau to mampoguru porenta i Musa, sira siromu sindara-ndara pei songonya to pobotus nu agama nto Yahudi. Sira siromu damagombo-gombo mangkonong bara kesaa to danaika nsira resi i Yesu. Wali tempo sira re’emo songka nsira, tempo etu sira mampungu i Yesu panewa mangkeni Ia damampotango gubernur nto Roma, i Pilatus.

Matius 25:41

“Wali yako etu Aku damanganto’oka wo’u tau to re’e ri sambalingKu tondo ngkii, Aku damanganto’o, ‘Piyaimo yako resi Aku, komi to roomo natanaa yau i mPue Allah. Inta njo’u apu to singkasaenya mawea, to rapasigenaka i Kepala nto pantipu pasi pomakaunya.

Matius 23:33

“Wali Aku manganto’oka komi, komi ewa ule to mampeyaa mampiyaika apu nja’u pada pei ia taa nakurang. Apa ewa see seja komi. Komi taa kojo damangampiyaika huku ngkomi la’u apu naraka!

Matius 23:15

“Ojo kasesa danurata ngkomi to mampoguru porenta i Musa pasi komi to aliran Parisi. Komi to ojo gombomu to manoto! Komi damangarata kasesa apa saba yako lengko ngkomi see naka tau to yusa mawali maja’a kojo. Apa komi mampobuuka nempo parluu mangawote tasi pasi mangalinjak sambawo lino, komi buya seja rayamu ane maya mangarata nempo samba’aja tau to rani damawali anagurumu. Pei tempo tau etu mawalimo anaguru ngkomi, roo see ia mawali madota kojo mampolengkoka seja lengko to si komi, see naka kaja’a to si ia mawali yau dua ngkani kaparinya pei kaja’a ngkomi. Wali komi masipato rahuku la’u apa naraka, pei taa manto’o ia to dua ngkani kaja’anya etu!

Matius 17:5

Pei tempo i Petrus tongo mpagombonya etu, tempo etu re’e limu to makilo to tudu mangangkumuti yau sira ndate rapa ntongku etu. Pasi kodi majoli sira mangandonge loo yako ri raya limu etu, loo etu manganto’o, “Si’imo anangKu. Aku mamporayang kojo Ia pasi Aku masanang kojo resi Ia. Wali padongeka kojo gomboNya.”

Matius 12:24

Pei tempo to Yahudi to aliran Parisi mangandonge to nato’o ntau boros etu, sira manganto’o samba’a pei samba’a, “Ojo yako kuasa i ngKepala Measa to rato’oka seja i Beelsebul, yako kuasa to si ia semo naka pei ngkai si’i nakurang mangarubak measa yako resi tau.”

Matius 10:17

Pei jagai kojo tau, apa re’e tau to mangewa anu to nupakarebaka ngkomi, see naka sira damamposora komi resi kepala-kepala nu agama. Pasi sira damangansamparika komi kayoro nja’u banua-banua to napampotunde nsira.

Masmur 69:4

Wali tare palaong to inikangku to masipato tau maja’a nakita aku. Pei nempo ewa see, tiroo boros tau to maja’a nakita aku. Tau etu semo to boro-boros pei toko mbayua ndate wo’ongku.

Pomulanya 37:8

Sira manganto’oka ia, “Gete! Wimba, korom bara rani mawali yau makole damangkuasang kami?” Etu semo to nato’oka ntukaka i Yusup ia. Wali sira tidugang wo’u kaja’a ndayanya resi ia apa saba pangipinya pasi apa saba to to’onya mangkonong pangipinya etu.

Lukas 22:66

Wali yako etu ojo kaeonya rao samparia tau tu’a nto Yahudi pasi kepala-kepala nto pampue pasi tau to mampoguru porenta i Musa sira siromu apa sira semo to biasa mangabotus tau to mangewa porenta-porenta nto Yahudi. Wali i Yesu rakeni mampotango sira.

Palaong mPomakau i mPue Yesu 4:15

Wali sira manganto’oka i Petrus sira togo, “Piyai ruyu yako ri tampa nto pabotus si’i.” Pei ojo kayako ntau togo etu sira magombo-gombo samba’a pei samba’a.

Palaong mPomakau i mPue Yesu 5:21

Wali sira mampolaika gombo mpomakau i mPue etu. Ojo kaeonya rao sira yau njo’u banua i mPue Allah panewa mampotundeka tau nja’u ria. Tongo-tongonya sira mangika palaong etu, kepala nto pampue to bae angganya pasi joanya mampasiromunaka songonya to pobotus nto Yahudi pasi samparia tau tu’a nto Yahudi. Panewa sira mampokau to papolaonginya njo’u tarungku, to’onya, “Inta pei oko tau to soko mami wengi pei kenika kami.” Sira manganto’o ewa see apa sira mampobuuka nja’uwa tau etu nja’u tarungku.

Palaong mPomakau i mPue Yesu 6:12

Wali gombo nsira etu mampakaja’a kojo raya ntau boros pasi tau tu’a nto Yahudi pasi tau to mampoguru porenta i Musa. Maja’a kojo raya nsira resi i Stepanus, see naka sira mangampago pei mangansoko ia. Panewa sira mangkeni ia mampotango to pobotus nto Yahudi.

Palaong mPomakau i mPue Yesu 6:15

Wali ojo karoonya matamanasa to taa monso etu magombo, samparia to pobotus to nasiromu nja’u ria, sira mangalo’aka resi i Stepanus. Tempo sira mangalo’aka ia etu, sira mangkita lionya mareme ewa lio mpomakau i mPue Allah.

Palaong mPomakau i mPue Yesu 22:30

Wali kepala ntentara etu rani kojo mangansani sabanya to monso naka pei to Yahudi mampakasala i Paulus. Wali see naka eo rao wo’u ia mampotuu resi kepala-kepala nto pampue pasi resi samparia to pobotus see sira dasiromu. Pasi ia mampokauka tau yau mangalapa i Paulus pei mangkeni ia mampotango tau to siromu etu.

Palaong mPomakau i mPue Yesu 23:1

Wali ojo karata i mPaulus ri tango nto pobotus etu, ia mangalo’aka kojo resi sira panewa ia manganto’o, “A’i-a’ingku, yako tempo ruyu rataka seo si’i rayangku tare mangepe sala ri tango i mPue Allah mangkonong lengko ngkatuwungku.”

Palaong mPomakau i mPue Yesu 24:20

Pei ane taa ma’i sira, biakamo tau si’i semo manganto’o salangku to narata nsira tempo aku mampotango to pobotus nto Yahudi seore.