Matius 5:16 - Tuntu i mPue ri Basa Taa

¹⁶ Wali ewa naika mpansona etu mampakareme banua, ewa see seja lengko ngkatuwu ngkomi nakita ntau boros. Wali ika palaong to matao see sira damangkita pasi damangabarong Pa’a ngkomi to ndate saruga.” Wali etu semo rapa to nato’oka i Yesu sira.

Sura Magali Nuntu Ngkatuwu

¹⁶ Da ewanceʼe seʼe komi ewa reme nu lino da merara ri suara waʼa ntau, da napangkita ntau seʼe pura-pura powiami anu madago, painaka da naunde Papami anu ri suruga.”

Matius 5:16 Referans Kwoze

1 Petrus 2:12

Pei ri rayanya komi maroo-roo ri oyo ntau to taa mangaya i Pue, ika lengko ngkatuwu to matao see danakita nsira. Apa ane ewa wetu, nempo sira manto’o maja’a komi, sira tiroo damangansani kamonsonya lengko ngkomi matao. Wali nempo sira manto’o maja’a komi ri tempo si’i, ane ratamo temponya i Pue Allah ma’i damangabotus to lino, tempo etu sira damangabarong Ia apa sira roomo mangkita lengko ngkomi to matao.

Titus 2:7

Pei ne’e ojo gombomu mampotundeka sira. Pasi lengkomu seja mampotundeka sira. Ika palaong to matao see sira maya mangaluluka lengko ngkorom. Pasi tempo korom mampotundeka tau, patundeka tau ri kamonso-monsonya, pasi patundeka ewa naika ntau to na’angga nsa’e.

Yohanes 15:8

Pasi ane komi bae wua mpalaongimu, ane ewa see sa’e damangabarong Pa’angKu. Pasi re’e wo’u to damawali ane komi bae wua mpalaongimu, etu semo damanasa resi sa’e komi anagurungKu.

Epesus 5:8

Apa tempo ruyu komi tawa mangansani i Pue see naka komi ewa wuri, pei si’i-si’i komi ewa reme apa saba samba’a pei i Pue. Wali ika lengko ngkatuwu to masipato naika ntau to ri raya ngkareme.

1 Petrus 3:16

Pasi jagai kojo lengko ngkomi see raya ngkomi taa damangepe sala ri tango i mPue Allah. Apa re’e tau to manganto’o maja’a komi pei mampakasala lengko to matao to nuika ngkomi apa saba komi samba’a pei i Kerisitu. Pei ane komi mangajagai lengko ngkomi, tau to manganto’o gombo to maja’a etu damawali mea.

1 Petrus 4:14

Wali ane komi nato’o maja’a ntau apa saba komi mangaya i Kerisitu, komi tiroo mangarata rasi. Naka pei komi mangarata rasi apa Nosa to pu’u ngkayawa, etu semo Nosa i mPue Allah, Ia maroo-roo siwaka pei komi. Wali nempo sa’e manto’o maja’a i Kerisitu, pei komi mangabarong Ia.

1 Petrus 2:9

Pei kita tau to roomo napilis i mPue Allah damawali tauNya. Pasi kita semo to pampue to mangika palaong Makole ngkita. Pasi kita semo bansa to i Pue Allah Puenya pasi to tare yusa puenya. Naka pei kita napilis i mPue Allah, see kita damampakarebaka resi sa’e palaong to inikaNya to masipato rabarong. Apa Ia semo to nampokio kita damasuwu yako ri kawuri pei masua wo’u ri raya ngkaremeNya to bae kojo kayawanya.

Titus 3:14

Pasi patundeka tau to mangaya nja’u ria see sira madota kojo mangika palaong to matao, see sira maya mangansawang tau to taa kojo gana to danapake nsira. Pasi ane sira madota kojo mangika palaong to matao, bae batuanginya katuwu nsira.

1 Timotius 6:18

Wali to’oka tau sugi etu pakadota mangika palaong to matao, pasi mangansora sa’e yako ri kabuya ndaya pasi ri kanoto ndaya.

2 Korintus 9:13

Wali palaong to nuika ngkomi etu damampakanasaka resi sa’e monso pu’u komi mampolaika kareba matao mangkonong i Kerisitu. Wali see naka tau damangabarong i Pue Allah, apa sira mangangkita lengko ngkomi to mampongakung mangaya kareba matao, lengkomu etu singkonong kojo pei gombomu. Pasi sira seja damangabarong i Pue Allah apa saba kanoto ndaya ngkomi mangansora sira pasi mangansora samparia tau to yusa.

Epesus 2:10

Apa kita napapowali i mPue Allah damawali tau to bou. Apa kita samba’a pei i Kerisitu Yesu, see naka i Pue Allah mampapowali kita mawali tau to bou. Naka pei Ia mangika palaong to etu see kita maya mangika palaong to matao to napasigenaka yami i mPue Allah kita.

Ibrani 10:24

Pasi anu kita mampobuuka see tansani ewa wimba dataika masipakaroso rayanta damamporayang sa’e pasi damangika palaong to matao.

1 Petrus 4:11

Rapanya ane tau to rawaika kapande mampakarebaka sa’e, to tao-tao gombo i mPue Allah semo to ia mampakarebaka etu. Pasi ane tau to rawaika mangansawang sa’e, to tao-tao ia mangika palaong etu yako karoso to nawaika i mPue Allah ia. Wali ika ewa wetu see tau damangkita samparia to nuika ngkomi paka i Yesu Kerisitu pu’unya, see naka sira damangabarong i Pue Allah. Wali masipato ewa wetu apa Ia semo to masipato rabarong pasi to masipato maporenta rataka ri singkasaenya. Amin.

1 Tesalonika 2:12

see komi damangika lengko ngkatuwu to singkonong pei i Pue Allah. Apa Ia roomo mampokio komi damawali seja tau to Ia Makolenya pasi to mangarata seja kayawaNya.

1 Petrus 3:1

Wali ane mangkonong mampolaika, re’e seja to matao ane nuika ngkomi samparia to we’a to marongom. Etu semo, polaika songka mpa’a nu anamu samba’a pei samba’a. Apa ane bara re’e pa’a nu ana ngkomi to taa mangaluluka tuntu i mPue Allah, sira damangkita lengko ngkatuwu ngkomi to indo nu ananya matao kojo. Panewa yako lengko ngkatuwu ngkomi etu, tuwu-tuwuja sira damangaya seja nempo tare bara kesaa to nato’o ngkomi mangkonong pangaya etu.

Palaong mPomakau i mPue Yesu 9:36

Wali tempo etu, nja’u kota Yope re’e samba’a tau we’a ia anaguru i mPue Yesu seja. Tau etu sanganya i Tabita. (Sanganya etu ane ri basa Yunani rato’oka i Dorkas, Dorkas etu batuanginya “lago”.) Wali i Dorkas etu sangkani mangika palaong to matao pasi ia sangkani mangansawang tau to masiasi.

1 Timotius 5:25

Pasi ewa see seja ane palaong to matao. Re’e to miyala kojo, pei nempo taa miyala kojo palaong to matao, taa masae danansani ntau boros.

Matius 5:45

Ika ewa wetu see damiyala komi monso pu’u ngana mPa’a ngkomi to ndate saruga. Apa i Pue Allah mangika mata nu eo damangansindo samparia tau, nempo tau to maja’a bara to matao. Pasi Ia mangawaika seja uja resi samparia tau, nempo tau to mangika lengko to singkonong pei Ia bara tau to taa.

Titus 2:14

Ia semo to nangkapateka kita see mangalapas kita yako ri kuasa nu dosa pasi mampakayongo rayanta. Ia mangika palaong to etu see kita maya mawali tau to Ia Puenya, to madota kojo mangika palaong to matao.

1 Timotius 5:10

Pasi tau to napiara ntau i mPue Allah etu, ia tau to ane ri pangkita ntau boros ia madota mangika palaong to matao. Etu semo ia madota mampiara ananya tempo seore, ia madota mampalinggona tau to rata, ia madota mangansawang tau to i Pue Allah Puenya, rapanya mamposo’i yau awu ntana yako ri witi nsira, pasi ia madota seja mangansawang tau to mangarata kasusa. Pasi samparia ngaya mpalaong to matao ia madota mangika. Wali tau balu to ewa wetu lengkonya, tau etu masipato napiara ntau i mPue Allah.

Galatia 1:24

Wali ojo pangandonge nto Yudea kareba etu, sira mangabarong i Pue Allah apa saba palaong to mawali resi aku.

Titus 3:4

Pei nempo ewa see kaja’anya lengko ngkita, i Pue Allah, to Pansompo ngkita, Ia mampaponsanika kita kanotoNya pasi pamporayangiNya resi kita.

1 Korintus 14:25

Wali ewa wetu naika i mPue Allah mampakanasaka samparia pampobuuka to rawuni ri raya ntau. See naka tau etu damadungku apa majea pasi ia damampue mampakabae i Pue Allah pei manganto’o, “Monso pu’u i Pue Allah re’e ri oyo ngkomi.”

Lukas 11:2

Wali i Yesu manganto’oka sira, “Tempo komi makai-kai, ewa si’i raika. To’o, ‘Pue Allah, Pa’a mami to ndate saruga, masipato kami to lino mampakabae Komi. Biakamo Komi mawali Makole nto lino. Pasi biakamo pamporani ngKomi semo to mawali ri lino si’i sewaju ewa to mawali ndate saruga.

Matius 9:8

Wali tempo tau boros mangkita palaong to etu, sira ipu kojo rayanya. Pasi sira mangabarong i Pue Allah apa Ia roomo mangawaika resi samba’a to lino kuasa to ewa wetu kabaenya.

Matius 23:5

“Pei samparia palaong to naika nsira, naka pei sira mangika see danakita nto lino. Lo’a kasika to naika nsira danapamposaka santila tuntu i mPue Allah pei danaso’o nsira ri wo’onya pasi ri langolenya. Kasika nsira semo to bae-bae pei kasika nsa’e. Pasi sira mampakarade suno mpake nsira see marade wo’u pei to si sa’e. Palaong etu naika nsira mangampoanika mamporayang kojo i Pue Allah.

Matius 6:16

.Wali yako etu i Yesu manganto’o wo’u, “Ane komi mangorop mangalulu ada nu agama, ne’e maromong ewa naika ntau to ojo gombonya manoto to rani nabarong nsa’e. Apa sira mangawali yau ta’a nu lionya see sa’e mangansani sira re’e tongo mpangorop. Wali Aku manganto’oka komi, monso pu’u sa’e damangansani sira mangorop, pei ojo etu semo ntanapa to si sira. Tamo re’e ntanapanya to yusa to darawaika resi sira.

Matius 23:9

Pasi ne’e seja manganto’oka yunu ngkomi ri lino si’i, ‘Pa’a,’ apa samba’aja seja Pa’a ngkomi, etu semo i Pue Allah ndate saruga.

Matius 6:9

Wali tempo komi makai-kai, ewa si’i raika. To’o, ‘Pue Allah, Pa’a mami to ndate saruga, masipato kami to lino mampakabae Komi.