Matius 5:12 - Tuntu i mPue ri Basa Taa

¹² Apa ewa see seja nawali resi to pantuntu tuntu i mPue Allah tempo owi. Sira seja nasesai ntau. Wali nempo komi rasesai seja, pakasanang. Masipato komi ndende kojo raya ngkomi, apa bae kojo ntanapa to danawaika i mPue Allah komi ndate saruga.”

Sura Magali Nuntu Ngkatuwu

¹² Maka waʼa nabi anu mamporiukamo komi, roomo mangkoyo kapari mpejeani anu ewancetu. Ndipakawongko-wongkomo rayami, maka bangke silinya anu ndapatokaka komi i mPue.”

Matius 5:12 Referans Kwoze

Lukas 6:23

Apa ewa wetu seja naika bue-bue ntau etu resi to pantuntu tuntu i mPue Allah tempo owi. Wali nempo palaong etu mawali resi komi, pakasanang. Masipato ndende kojo raya ngkomi, apa bae kojo ntanapa to danawaika i mPue Allah komi ndate saruga.

Yakobus 1:2

Wali a’i-a’ingku, ane komi mangarata soba mpangaya-ngaya, to tao-tao komi mampobuuka soba etu ewa palaong to ojo mampakandende kojo raya ngkomi.

Kolose 3:24

Apa komi mangansani i Pue Allah semo damangawaika komi ntanapa, wali komi damangarata seja anu to Ia roomo mamparajanjika tauNya. Apa kamonsonya i Pue Kerisitu semo Pue ngkomi, wali komi mangika palaong to si Ia.

1 Petrus 4:13

Pei to tao-tao ndende raya ngkomi apa komi mangarata seja santila kasesa to narata i ngKerisitu seore. Pasi ane ewa see, bae wo’u kandende ndaya ngkomi ane ratamo temponya kayawa i ngKerisitu darapapokitaka.

Kolose 1:24

Wali si'i-si'i aku mangarata kasesa saba mangika palaong to etu resi komi. Pei nempo korongku rasesai, aku tiroo ndende rayangku. Apa i Kerisitu mangkasesaka tau to rato'oka koronya. Etu semo samparia tau to mangaya Ia. Wali aku mangarata seja santila kasesa to narata i ngKerisitu etu, pasi to tiroowa narata ngkita.

Roma 5:3

Pei si’a ojo pansarumakanta etu naka pei kita ndende rayanta. Kamonsonya nempo mangarata kasusa kita ndende seja rayanta, apa kita tansani yako ri kasusa to kita mangarata etu kita mawali maroso wo’u rayanta manta’amaka pansoba.

Matius 16:27

Wali lulu Aku apa Aku, Wiyaa nto Lino, Aku dama’i sindara-ndara pei pomakaungKu yako ri saruga. Tempo etu kuasa pasi kayawangKu sewaju pei kuasa pasi kayawa mPa’angKu. Pasi tempo Aku dama’i etu Aku damangawaika samparia tau ntanapa to singkonong pei palaong to naika nsira samba’a pei samba’a.

Ibrani 11:6

Wali manasa ia mangaya apa tare tau to maya mampakasanang i Pue Allah ane tare pangayanya. Apa i sema-sema tau to rani mangampago i Pue Allah, tau etu taa maya taa mangaya i Pue Allah Ia re’e, pasi mangaya i Pue Allah semo to mangawaika ntanapa resi tau to rani kojo mangansani Ia.

1 Tesalonika 2:15

Pei si’a ojo sira to nasesai nto Yahudi etu. Apa to Yahudi semo to mampopate yau i Pue Yesu seore, pasi mampopate yau seja to pantuntu tuntu i mPue Allah to napokau i mPue Allah resi sira tempo owi. Pasi sira mangarubak seja kami. Wali tau etu taa kojo mampakasanang i Pue Allah pasi sira mangewa samparia tau.

Pilipi 2:17

Wali pangaya ngkomi maya raporapaka ewa pampue to nupampueka ngkomi resi i Pue Allah. Pasi aku maya raporapaka ewa anu to rainu to biasa nawubu nto pampue ri wawo mpampue to rapampueka, apa aku tamo masae bara darapopate yau pei tiwubu raangku. Pei nempo ewa wetu, aku masanang rayangku pasi ndende rayangku sewaju ewa komi masanang pasi ndende raya mampampueka pampue ngkomi etu resi i Pue Allah.

2 Korintus 4:17

Apa kasusa to kami mangarata taa mabeu ane rapasewajuka pei kayawa to kami damangarata ri tempo to darata. Kayawa etu semo to bae-bae pei kasusa to kami mangarata tempo si’i. Kasusa etu taa masae pei kayawa etu singkasaenya.

Palaong mPomakau i mPue Yesu 5:41

Wali pomakau etu masuwu muni yako ri tango nto pobotus etu. Sira ndende rayanya mampobuuka i Pue Allah manga’angga kojo sira see naka Ia mangabiaka sira narunes nsa’e apa saba mangalulu i Yesu.

Matius 6:16

.Wali yako etu i Yesu manganto’o wo’u, “Ane komi mangorop mangalulu ada nu agama, ne’e maromong ewa naika ntau to ojo gombonya manoto to rani nabarong nsa’e. Apa sira mangawali yau ta’a nu lionya see sa’e mangansani sira re’e tongo mpangorop. Wali Aku manganto’oka komi, monso pu’u sa’e damangansani sira mangorop, pei ojo etu semo ntanapa to si sira. Tamo re’e ntanapanya to yusa to darawaika resi sira.

1 Korintus 3:8

Ane tau to mampomuya pasi tau to mangues, sira tare pasisalanya. Sira damangarata ntanapa singkonong pei palaong nsira samba’a pei samba’a.

Lukas 6:35

Pei Aku manganto’oka komi porayang balimu pasi ika matao resi sira. Pasi ane sira rani mangada bara kesaa, papongadaka sira, nempo komi taa mansarumaka sira damampawolili muni anu to naada nsira etu. Ika ewa wetu apa ane ewa see komi damangarata ntanapa to bae kojo pasi damiyala monso pu’u komi ngana i mPue Allah to makuasa kojo. Apa i Pue Allah, Ia seja manoto resi tau sakowa tau to taa mangansani manganto’o tarima matao, pasi sakowa tau to maja’a.

Pomulanya 15:1

Wali yako etu, re’e seore i Pue Yawe mampogomboka i Abram ri raya mpangkitanya, i Pue Yawe manganto’o, “Ne’e meka Abram, apa Aku mangararamaka korom ewa naika ngkantar mangararamaka tau tempo yau mamusu. Pasi Aku damangawaika korom ntanapa to bae kojo.” Etu semo gombo i mPue Yawe resi i Abram.

Palaong mPomakau i mPue Yesu 16:25

Yako etu, bara ntongo wuri, i Paulus sira dua i Silas sira tongonya makai-kai pasi manyanyi nyanyi to mangabarong i Pue Allah. Pasi samparia tau to ri raya ntarungku etu mampodongeka sira dua.

Lukas 13:34

Wali yako etu i Yesu magombo wo’u, Ia mawo rayaNya manganto’o, “Kuporayang kojo komi to Yerusalem! Komi yako tempo owi rataka ri tempo si’i komi mampopate yau to pantuntu tuntu i mPue Allah. Pasi tau to napokau i mPue Allah resi komi, tau etu natasoka yau ngkomi watu. Pei nempo ewa see, mandudu ngkani Aku rani mampasiromunaka samparia komi ri awengKu ewa naika manu mampasiromunaka ananya ri ara mpaninya. Pei komi taa rani.

Ibrani 11:26

Apa ia mampobuuka to bae-bae batuanginya ane nakaengas ntau apa saba mangaya i Kerisitu, Makole parajanji i mPue Allah, sakowa mangarata samparia kasugi to re’e ri tana Mesir. Ia mampobuuka ewa wetu apa ia sangkani mampobuuka ntanapa to danawaika i mPue Allah ia.

Pilipi 1:29

Wali ane mangkonong kasesa, seore komi re’e mangkita aku mangarata kasesa apa saba mampasimbalika kareba matao. Pasi komi roomo mangandonge kareba to manganto’o tiroowa ewa wetu resi aku. Pasi tempo si’i komi seja mandasai mampasimbalika kareba matao sewaju ewa aku. Apa kita nawaika i mPue Allah sora apa saba i Kerisitu. Etu semo Ia mangawaika kita mangaya i Kerisitu. Pei si’a ojo etu soraNya. Apa Ia mangawaika seja kita mangarata kasesa apa saba kita mangaya i Kerisitu etu.

Ibrani 10:34

Raya ngkomi bae pamporayang ngkomi mampobuuka yunu ngkomi to ratarungku apa saba sira mangalulu i Pue Yesu. Pasi tempo ngaya-ngaya ngkomi naoko yau ntau, komi ojo mangabiaka pasi ndende raya ngkomi. Naka pei ndende raya ngkomi apa komi mangansani anu to komi puenya to ndate saruga, anu to etu to tao-tao pei ngaya-ngaya to ri lino si’i, pasi anu to ndate saruga etu tare kapuranya.

Ibrani 11:33

Boros kojo to mawali yako pangaya nsira. Apa re’e sira to manganangi makole-makole sindara-ndara pei joa nsira. Re’e to maporenta singkonong pei i Pue Allah pasi mangarata anu to naparajanjika i mPue Allah. Pasi re’e sira to manganangi singa.

Yakobus 5:10

Wali a’i-a’ingku, anu kita mangansabaraka tempo mangarata soba. Pobuuka ruyu to pantuntu tuntu i mPue Allah tempo owi, to magombo to mamponsaruka i Pue. Tau etu maya mawali tondong resi kita mangkonong ewa wimba daraika mangansabaraka tempo mangarata kasesa.