Matius 5:11 - Tuntu i mPue ri Basa Taa

¹¹ Masanang komi ane sa’e mampoja’a pasi mangansesai komi, pasi ane sa’e mangawutis manganto’o mpangaya-ngaya gombo to maja’a mangkonong komi apa saba komi Aku puenya.

Sura Magali Nuntu Ngkatuwu

¹¹ Yontomo kalindo ndayami komi ane ndaposari, ndajeani pai ndanuntuki ua mamponcuruka yaku.

Matius 5:11 Referans Kwoze

1 Petrus 4:14

Wali ane komi nato’o maja’a ntau apa saba komi mangaya i Kerisitu, komi tiroo mangarata rasi. Naka pei komi mangarata rasi apa Nosa to pu’u ngkayawa, etu semo Nosa i mPue Allah, Ia maroo-roo siwaka pei komi. Wali nempo sa’e manto’o maja’a i Kerisitu, pei komi mangabarong Ia.

Lukas 21:17

Pasi boros kojo tau to damaja’a nakita komi apa saba komi mangalulu Aku.

Markus 13:13

Pasi komi seja, boros kojo tau to maja’a danakita komi apa saba komi mangalulu Aku. Pei tau to mangainsoka kasesa etu sampe rata tempo kapuranya, tau etu darapalaes pei damangarata katuwu to singkasaenya.”

Matius 24:9

“Wali ane ratamo tempo kasesa etu komi darasoko pasi darawaika yau resi tau to damangansesai pasi damampopate yau komi. Pasi komi damaja’a nakita ntau samparia bansa apa saba komi mangalulu Aku.

Lukas 6:22

Masanang komi ane sa’e maja’a nakita komi, pasi bo’onya mampogalungika komi, pasi ane sira mangarowis komi pasi manganto’o maja’a komi apa saba komi mangaya Aku, Wiyaa nto Lino.

1 Petrus 2:23

Pasi tempo Ia napoja’a ntau, Ia taa mampoja’a wo’u sira. Pasi tempo Ia nasesai ntau Ia taa mamponsawak. Ia ojo mansarumakaka koroNya resi to pobotus to sangkani mangabotus singkonong pei to masipato raika. To pobotus etu, etu semo i Pue Allah.

Yohanes 15:21

Pei to lino to maja’a nakita komi, sira damangansesai komi apa saba komi Aku puenya. Naka pei sira damangika ewa wetu apa sira taa mangansani Ia to nampokau Aku.

Matius 10:22

Pasi ane komi, samparia tau damaja’a nakita komi apa saba komi mangalulu Aku. Pei i sema-sema tau to mangainsoka kasesa to ewa wetu sampe rata tempo ngkapuranya, tau etu darapalaes.

Matius 10:39

Wali re’e tau to mampobuuka katuwunya semo to bae kojo batuanginya see naka sira taa mangalulu Aku naka ne’e nasesai ntau. Pei tau etu nempo taa napopate ntau apa saba mangalulu Aku pei tiroo darata temponya sira damate yau. Pei i sema tau to buya rayanya nempo mate yau apa saba ia mangaya Aku, tau etu damangarata katuwu to monso.”

Pangkita 2:3

Aku Kunsani komi bae sabara. Komi mangarata kasusa apa saba komi mangaya Aku, pei nempo mangarata kasusa, komi taa mosa mangalulu Aku.

Matius 19:29

Wali re’e tau to roomo mampiyaika samparia saba rani mangalulu Aku. Anu to napiyaika nsira etu, etu semo banuanya, bara tukakanya pasi tua’inya, bara pa’anya, bara indonya, bara ananya, bara nawunya. Wali samparia tau to etu ane mampiyaika samparia to etu, ri raya ngkatuwu nsira to tempo si’i sira mangarata satu ngkani kaborosinya to sira mampiyaika etu. Pasi sira damangarata seja katuwu to singkasaenya.

1 Korintus 4:10

Wali kami napobuuka nto lino tau bea apa kami mampakarebaka kareba mangkonong i Kerisitu. Pei komi mampobuuka komi pande kojo apa samba’a pei i Kerisitu. Pasi kami taa maroso ane ri pangkita nto lino, pei komi mampobuuka komi maroso. Pasi kami taa na’angga ntau pei komi ra’angga.

Roma 8:36

Ane ri lino si’i, kita damangarata kojo kasusa ewa to re’e yami ratulis ri raya ntuntu i mPue Allah tempo owi. Anu to ratulis etu manganto’o, “O Pue, tare pandoonya tau rani mampopate yau kami apa saba kami mangalulu Komi. Pasi kami napobuuka ntau ewa domba to darasimbale yau.” (Masmur 44:23) Ewa wetu ratulis ri raya ntuntu i mPue.

Lukas 21:12

Wali yako etu i Yesu manganto’oka wo’u anaguruNya, to’oNya, “Ewa wetu palaong to damawali, pei tempo tawa mawali palaong to etu, komi danasoko pasi danasesai ntau. Komi darabotus nja’u banua-banua to napampotunde nto Yahudi pasi komi daratarungku. Pasi komi darakeni ri tango makole-makole pasi ri tango gubernur-gubernur apa saba komi mangaya Aku.

Lukas 9:24

Pei re’e tau to mampobuuka katuwunya semo to bae kojo batuanginya see naka sira taa mangalulu Aku naka ne’e nasesai ntau. Pei tau etu nempo taa napopate ntau apa saba mangalulu Aku pei tiroo darata temponya sira damate yau. Pei i sema tau to buya rayanya nempo mate yau apa saba ia mangaya Aku, tau etu damangarata katuwu to monso.

Markus 8:35

Pei re’e tau to mampobuuka katuwunya semo to bae kojo batuanginya see naka sira taa mangalulu Aku naka ne’e nasesai ntau. Pei tau etu nempo taa napopate ntau apa saba mangalulu Aku pei tiroo darata temponya sira damate yau. Pei i sema tau to buya rayanya nempo mate yau apa saba ia mangaya Aku pasi ia mampakarebaka kareba matao, tau etu damangarata katuwu to monso.

Matius 10:25

Wali masipato anaguru masanang ane lengkonya sewaju ewa lengko nu gurunya. Pasi masipato to papolaong masanang ane lengkonya sewaju ewa lengko ntau puenya. Wali Aku, to raporapaka ewa pue banua, Aku roomo nato’oka ntau i Beelsebul, Kepala Measa semo. Wali ane ewa see, taa manto’o komi to raporapaka ewa tau to maroo ri raya banuangKu. Maja’a wo’u sanga to danato’oka ntau komi.”

Palaong mPomakau i mPue Yesu 9:16

Wali Aku damampaponsanika ia kasesa to danarata apa saba ia mangalulu Aku.”

Markus 13:9

“Wali ane ratamo tempo kasesa etu, pakatao kojo apa tempo etu komi darasoko pasi darakenika to pobotus. Pasi tempo etu komi darapedas nja’u raya banua-banua to napampotunde nto Yahudi. Pasi komi darakeni ri tango gubernur-gubernur pasi ri tango makole-makole apa saba komi mangaya Aku. Wali tempo komi rakeni ri tango nsira, tempo etu komi maya mawali matamanasa resi sira mangkonong Aku.

Matius 27:39

Wali tempo i Yesu re’e ri kaju pasape etu, tau to liu nja’u ria paka mangantoro wo’onya mangampokore Ia pasi sira manganto’o maja’a Ia.

Matius 10:18

Pasi apa saba komi mangalulu Aku, see naka komi darakeni ri tango makole-makole pasi ri tango ntau to yusa to re’e kuasanya. Wali tempo komi rakeni ri tango nsira etu, tempo etu komi damawali matamanasa mangkonong Aku resi sira pasi resi tau to si’a to Yahudi.

Yohanes 9:28

Wali ojo pangandonge nsira gombo ngkai etu, sira mangkaengas ia, sira manganto’o, “Korom semo anaguru ngkai etu! Pei ane kami, kami anaguru i Musa!

Pilipi 1:29

Wali ane mangkonong kasesa, seore komi re’e mangkita aku mangarata kasesa apa saba mampasimbalika kareba matao. Pasi komi roomo mangandonge kareba to manganto’o tiroowa ewa wetu resi aku. Pasi tempo si’i komi seja mandasai mampasimbalika kareba matao sewaju ewa aku. Apa kita nawaika i mPue Allah sora apa saba i Kerisitu. Etu semo Ia mangawaika kita mangaya i Kerisitu. Pei si’a ojo etu soraNya. Apa Ia mangawaika seja kita mangarata kasesa apa saba kita mangaya i Kerisitu etu.