Matius 4:3 - Tuntu i mPue ri Basa Taa

³ Wali yako etu rata i panggoda resi Ia. Panggoda etu manganto’oka Ia, “Ane monso pu’u Komi Ana i mPue Allah, to’oka watu si’i, ‘Powali yau roti.’”

Sura Magali Nuntu Ngkatuwu

³ Rata i Majaʼa nepa natoʼo, “Ara banya komi Ana i mPue Ala? Pokaumo waʼa mbatu seʼi napewali roti.”

Matius 4:3 Referans Kwoze

1 Tesalonika 3:5

Wali see naka aku mampokau i Timotius yau resi komi seore, apa aku tamo kukoto manta’amaka kamoru ndayangku mampobuuka komi. Aku mampokau ia yau mangalo’a bara wimba pangaya ngkomi, bara tiroo maroso, bara tamo. Apa aku moru mampobuuka i Kepala Measa to rato’oka seja i Panggoda bara roomo mangagoda yau komi see komi mangandolika yau tangomu yako ri pangaya ngkomi. Apa ane ewa see, tamore batuanginya palaong mami resi komi seore.

Pangkita 2:10

Wali komi darasesai, pei ne’e meka mampobuuka kasesa to danurata ngkomi etu. Padongeka gombo si’i. I Kepala Measa damangantarungku singga’a komi see komi daraparesa. Pasi komi darasesai sampuyu mbengi kasaenya. Wali pakaroso raya ngkomi mangalulu Aku nempo rapopate yau apa saba komi mangalulu etu. Apa ane komi mangika ewa see, Aku damangawaika komi katuwu to raporapaka ewa so’o mbo’o to meyawa.

Matius 3:17

Pasi tempo etu re’e radonge loo to yako ndate saruga, loo etu manganto’o, “Si’i semo AnangKu to kuporayang kojo. Aku masanang kojo resi Ia.”

Ibrani 12:16

Wali pakatao seja see tare komi to masala bara magoyal. Pasi pakatao seja see tare lengko ngkomi to ewa lengko i Esau. I Esau etu ia bo’onya manga’angga i Pue Allah. Pasi panta to ia masipato danawaika mpa’anya apa saba ia semo ana to tu’anginya, panta to etu ia mampobalu yau resi tua’inya mangoli sampinggaja pangkoni.

Posuwunya 16:3

Sira manganto'oka i Musa sira dua, to’onya, “To tao-tao ane i Pue Yawe nampopate yau kami tempo kami la'uwa la’u Mesir seore, apa la'u ria gana pangkoni mami. Wali tempo etu kami re’e mangkoni nae pasi mangkoni roti paka mabosu. Pei si’i-si’i komi roomo mangangkeni yau kami ri pada bone si'i see kami samparia damate moro yau.” Etu semo to nato’oka ntau Israel mangkambumbuka i Musa sira dua i Harun.

Palaong mPomakau i mPue Yesu 9:20

Pasi ia mansaka yau ri banua-banua to napampotunde nto Yahudi, panewa ia mampakarebaka tau nja’u ria mangkonong i Yesu, Ia semo ana i mPue Allah.

Lukas 4:9

Wali yako etu i Kepala nto pantipu mangkeni wo’u i Yesu ndeku Yerusalem. Rata nda’a ria, ia mangkeni i Yesu ndate wumbu to malangan kojo ri banua i mPue Allah panewa manganto’oka Ia makore ndate ria. Ia manganto’oka i Yesu, “Ane monso pu’u Komi Ana i mPue Allah, patimbesi lo’u aranya,

Lukas 4:3

Wali i Kepala nto pantipu manganto’oka Ia, “Ane monso pu’u Komi Ana i mPue Allah, to’oka watu si’i, ‘Powali yau roti.’”

Matius 14:33

Wali kami to anaguru i Yesu to re’e seja ri raya bangka etu, kami mampue mampakabae Ia, kami manganto’o, “Monso pu’u Komi ana i mPue Allah.”

Matius 16:16

Wali i Simon Petrus mangansono, to’onya “Komi semo i Kerisitu, Ana i Allah to tuwu singkasaenya.”

Matius 26:63

Pei i Yesu Ia ojo maroti. Wali i Kayapas manganto’oka wo’u Ia, to’onya, “Korom mangansani i Pue Allah anu tuwu, Ia re’e mangandonge gomboMu si’i-si’i. Wali see naka ne’e mawuti, pei to’oka kami ane monso pu’u Korom i Kerisitu, Makole parajanji i mPue Allah, Ana i mPue Allah semo, bara si’a.”

Markus 1:1

Si’i semo pamulanya kareba matao mangkonong i Yesu Kerisitu, Ana i mPue Allah.

Markus 3:11

Pasi ane measa, tempo sira mangkita i Yesu, sira mapuka yau ri tangonya pei sakaboo, sira manganto’o, “Komi semo Ana i mPue Allah.”

Markus 5:7

Panewa i Yesu manganto’oka measa to mamposuak tau etu, to’onya, “Measa, piyaimo yako resi ngkai si’i!” Wali ngkai to naposuak measa etu maroso loonya kaboo, to’onya, “O Yesu, Ana i mPue Allah anu makuasa kojo, kesaa ma’i Nupali resi aku?” Panewa ia manganto’o wo’u, “Ri tango i mPue Allah, matamanasa ngkita, kuporapika resi Komi ne’e mangansesai aku!”

Lukas 1:35

Wali pomakau etu mangansono, ia manganto’o, “I Nosa Mapasing yako resi i Pue Allah darata resi korom, pasi kuasa i mPue Allah damangika see damawali. Ia darata resi korom, pei kuasa i mPue Allah to bae kojo anggaNya damangantorung korom. Wali see naka Ana to danupoanaka ngkorom etu darato’oka mapasing pasi see naka Ia darato’oka seja Ana i mPue Allah.

Lukas 4:41

Pasi boros seja tau to naposuak measa, Ia mangarubak yau measa yako resi sira. Pei tempo measa etu miyai, sira maroso loonya kaboo, to’onya, “Komi semo i Kerisitu, Ana i mPue Allah!” Naka pei sira manganto’o gombo etu apa sira mangansanika Ia semo i Kerisitu, Makole parajanji i mPue Allah. Pei i Yesu manganseko measa etu pasi taa mangabiaka sira magombo wo’u.

Lukas 22:70

Wali ojo pangandonge nsira gombo i Yesu etu, sira samparia mampotanaka wo’u resi i Yesu, sira manganto’o, “Ane ewa see, bara monso pu’u Korom bara Ana i mPue Allah? Panewa i Yesu mangansono, Ia manganto’o, “Monso pu’u ewa nuto’o ngkomi.”

Yohanes 1:34

Wali palaong to aku mangkita etu mangabanang gombo i mPue Allah resi aku, see naka aku maya mampatimonso tau etu semo Ana i mPue Allah.”

Yohanes 1:49

Wali i Natanael ipu kojo rayanya mangandonge gombo i Yesu etu apa tempo ia ri ara kaju ara etu, tempo etu i Yesu taa nja’u nja’u ria. Wali see naka ia manganto’o, “Pa’a Guru, monso pu’u Komi Ana i mPue Allah! Komi Makole mami to Israel!”

Yohanes 9:35

Wali i Yesu mangandonge kareba mangkonong ewa wimba naika ngkepala-kepala etu mangarubak ngkai etu. See naka Ia yau mangaliwu ngkai etu. Ojo pangarata i Yesu ngkai etu, i Yesu mampotanaka resi ia, to’oNya, “Wimba, korom bara mangaya i Wiyaa nto Lino?”

Yohanes 20:31

Pei palaong to re’e ratulis, naka pei ratulis see komi maya mangaya i Yesu Ia Ana i mPue Allah, pasi Ia semo i Kerisitu, Makole parajanji i mPue Allah. Panewa yako pangayamu etu, see naka komi maya mangarata katuwu apa saba komi Ia puenya.

2 Korintus 1:19

Wali naka pei kami tare mangawutis komi apa saba kami mangalulu lengko i Yesu Kerisitu, Ana i mPue Allah, to roomo napakarebaka mami togo i Silas pei i Timotius resi komi. I Yesu Kerisitu Ia masipato rasarumaka apa Ia taa seja mangika parajanji to Ia taa damangabanang. Samparia gombo to si Ia paka monso pasi Ia sangkani mangika ewa wimba to Ia roomo manganto’o.

Galatia 2:20

Wali aku raporapaka ewa matemo, see naka si’amo aku to tuwu si’i, i Kerisitu semo to tuwu ri rayangku. Pasi ri raya ngkatuwungku ri lino si’i aku mangika lengko ngkatuwu to singkonong pei pangayangku resi Ana i mPue Allah. Apa Ia mamporayang aku pasi nangkapateka aku.

Ibrani 4:14

Wali anu kita mampakaroso pangaya to kita mampongakung, apa kita re’e samba’a to pampue to bae kojo anggaNya. Etu semo i Yesu, Ana i mPue Allah. Ia yau polas nto’u yangi rataka ndate saruga.

Ibrani 7:3

Wali ane mangkonong i Melkisedek etu, tare ratulis mangkonong pa’anya pei indonya pei wiyaanya. Pasi taa seja re’e bara kesaa ratulis mangkonong kare’enya bara kapatenya. Pei ia ewa Ana i mPue Allah, apa ia tiroowa to pampue rataka singkasaenya.

1 Yohanes 3:8

Pei tau to mangika dosa, tau etu maroo masingkatao pei i Kepala nto pantipu, apa i Kepala nto pantipu re'e mangika dosa yako ri pamulanya. Wali etu semo sabanya naka pei Ana i mPue Allah ma’i ri lino seore see Ia maya mampakaja'aka yau samparia palaong i ngKepala nto pantipu etu.