Matius 4:25 - Tuntu i mPue ri Basa Taa

²⁵ Wali boros kojo tau to mangalulu-lulu Ia. Tau etu yako Galilea, pasi yako lipu to sampuyu kota, lipu etu sanganya Dekapolis. Pasi re’e seja tau to yako Yerusalem, yako propinsi Yudea pasi yako ri lipu ntau to sambote ngkoro Yordan.

Sura Magali Nuntu Ngkatuwu

²⁵ Ri tempo setu maria kojo tau anu malulu i Yesu, reʼe anu rata ungka ri Galilea, reʼe anu ungka ri Dekapoli (Sampuyu Kota), reʼe anu ungka ri Yerusale, ungka ri Yudea, pai reʼe anu ungka ri sambote ngkoro Yarade.

Matius 4:25 Referans Kwoze

Lukas 6:17

Wali ojo karoonya i Yesu mangampilis tau sampuyu pei dua etu, Ia malonso yako ri rapa mpantana etu sindara-ndara pei sira. Sira rata ri tampa to lempe to nja’u tau boros kojo. Tau boros etu singga’a anaguru i Yesu seja pasi re’e seja tau to yako sambawo propinsi Yudea, pasi to yako ri kota Yerusalem, pasi to yako ri kota Tirus pasi Sidon to nja’u wii ntasi.

Markus 5:20

Wali ngkai etu yau muni njo’u lipu to sampuyu kota, lipu etu sanganya Dekapolis. Rata nja’u ria, ia mangansaritaka tau mangkonong samparia to naika i Yesu resi ia. Wali tempo ia mangansaritaka tau etu, samparia tau to mangandonge anu to nato’o ngkai etu sira ipu kojo rayanya.

Markus 7:31

Wali i Yesu pasi anaguruNya mayoko yako ri awe ngkota Tirus yau lo’u rano Galilea. Sira mangalulu jaya to liu ri Sidon pasi lipu to rato’oka Sampuyu Kota.

Lukas 6:19

Wali samparia tau boros etu rani mampotaka i Yesu, apa re’e kuasa to masuwu yako ri koroNya, kuasa etu mampakatao muni panyaki nsira samparia.

Markus 6:2

Wali yako etu, ojo karatanya Eo Rapandoo, Ia yau ri banua to napampotunde nto Yahudi. Rata nja’u ria Ia masua ri raya banua etu panewa yako etu Ia mula mampotundeka tau. Wali boros tau to mangandonge gombo i Yesu etu, sira ipu kojo rayanya. Sira manganto’o, “Yako imbare pangarata ntau si’i samparia to to’oNya etu? Kapande kesaa to rawaika Ia? Pasi maka pei Ia nakoto mangika palaong to taa rapobiasa?

Matius 12:15

Wali i Yesu mangandonge mangkonong songka nto Yahudi to aliran Parisi etu, see naka Ia mayoko yako ri lipu etu. Tempo Ia mayoko boros tau mangalulu Ia. Pasi samparia sira to masaki, Ia mampakatao muni,

Matius 8:1

Wali ojo karoonya i Yesu mampotundeka tau boros ri woto mpantana, Ia malonso muni yako re ria. Pasi boros kojo tau to mangalulu ri payuNya.

Matius 5:1

Wali tempo i Yesu mangkita tau boros etu, Ia mandake sangkodi nto’u woto mpantana see tau boros maya mangkita pasi mangandonge Ia. Roo see Ia matunda. Pasi anaguruNya yau ri aweNya.

Matius 4:15

“Re’e to damawali nja’u lipu nto Sebulon pasi lipu nto Naptali ri sambote koro Yordan, lipu-lipu to naka liu ntau dayau ri rano. Lipu etu rato’oka Galilea, pasi tau to maroo nja’u ria kaborosinya tau to si’a to Yahudi.