Matius 4:24 - Tuntu i mPue ri Basa Taa

²⁴ Wali kareba to mangkonong palaong to naika i Yesu nja’u Galilea etu napakarebaka ntau ri propinsi to ri awe mpropinsi Galilea, etu semo propinsi Siria. Wali kareba mangkonong i Yesu natikareba-rebamo seja juku ri propinsi Siria etu. See naka tau mangkenika Ia samparia yunu nsira to kono panyaki mpangaya-ngaya, pasi tau to narata ntida to mapari kojo. Pasi sira mangkenika seja Ia tau to naposuak measa, tau to kanjonjo-njonjo, pei tau to malulu koronya. Wali i Yesu mampakatao muni samparia tau to rata etu.

Sura Magali Nuntu Ngkatuwu

²⁴ Potetala-A seʼe tebambarimo jela-jela ri sambawo ntana Siria, painaka maria tau anu rata ri Sira. Tau seʼe rata mangkeni waʼa ntau anu majuʼa mpengaya-ngaya, pai mpengaya-ngaya kapari ndaya; waʼa ntau anu napesuaki inosa majaʼa, anu mate-mate wula, pai anu pungku, pura-pura ndapakaʼosa i Yesu.

Matius 4:24 Referans Kwoze

Matius 17:15

Ngkai etu manganto’o, “O Pue, porayang anangku to langkai. Masesa kojo ia apa re’e panyaki poso resi ia. Wali mandudu ngkani ia poso pei mapuka yau ri raya nu apu bara ri raya nu ue.

Matius 8:6

to’onya, “Pue, to papolaongingku ojo maturu-turu ri banua apa malulu koronya pasi masesa kojo naepe.”

Lukas 5:15

Pei nempo Ia manganto’oka ngkai etu ne’e mangansaritaka sa’e mangkonong palaong etu, pei kareba to mangkonong i Yesu kanjo’u-njo’u natikareba-reba wo’u resi tau. See naka boros kojo tau to mangampago Ia damangandonge gomboNya pasi darapakatao muni yako ri panyaki.

Lukas 2:2

Wali etu semo pangantulis sanga to uyunya kojo. Tempo etu i Kirenius semo gubernur ri propinsi Siria.

Matius 17:18

Wali ojo pangkeni ntau ana etu resi i Yesu, Ia manganseko measa to pu’u mpanyaki etu pasi mangarubak ia. Roo see measa etu miyai muni yako ri ana etu. Wali tempo etu semo ana etu rapakatao muni. Tamo re’e panyaki poso resi ia.

Matius 15:22

Wali nja’u samba’a lipu etu re’e samba’a tau we’a to yako tana Kana’an. Wali tempo tau we’a etu mangansani i Yesu naratamo ri lipu etu, ia ma’i mangampago kami. Panewa rata resi i Yesu ia kaboo-boo manganto’o, “O Pue, Wiyaa i Daud, porayang aku! Apa anangku to we’a masesa kojo naepe naika measa to mamposuak ia.”

Matius 12:22

Wali yako etu ma’i tau mangkenika i Yesu samba’a tau to buta pasi bea naika measa to mamposuak ia. Wali i Yesu mampakatao muni ngkai etu see naka ia maya muni magombo pasi mangkita muni rao.

Palaong mPomakau i mPue Yesu 10:38

Wali komi mangansani mangkonong i Yesu to Nasaret. I Pue Allah mangampilis Ia pasi mangawaika Ia i Nosa Mapasing pasi mangawaika seja Ia kuasa. Wali i Yesu etu mangalinjak tana Israel pasi imba nakanjo’u Ia mangika palaong to matao, pasi Ia mampakatao muni samparia tau to nakuasang i maja’a. Samparia to nikaNya etu Ia nangika apa i Pue Allah re’e resi Ia.

Palaong mPomakau i mPue Yesu 15:23

Wali tau dua etu damangkenika tau ri Antiokhia sura ane roomo ratulis. Wali sura to natulis i Yakobus pasi yununya etu manganto’o, “Kami mantabea komi to a’i-a’i mami to samba’a pangaya. Wali sura si’i yako resi kami to pomakau i mPue Yesu pasi to ketua-ketua ntau to mangaya ri Yerusalem sire. Kami mangantulisika komi to si’a to Yahudi to maroo ri kota Antiokhia pasi ri propinsi Siria pasi Kilikia.

Markus 2:3

Panewa tongo-tongonya Ia magombo etu, ma’i sawei mba’a tau mangkenika Ia ngkai to malulu koronya. Ngkai etu nalempa ntau opo mba’a ri wawo lima-lima.

Markus 1:32

Wali yako etu, ojo kawurinya rao, nasiromumo songonya tau ri kota etu ri tango banua i nSimon sira dua i Andreas. Tau boros etu mangkenika i Yesu samparia tau to masaki pasi tau to naposuak measa.

Matius 4:23

Wali yako etu i Yesu mangalinjak propinsi Galilea. Ia mampotunde nja’u banua-banua to napampotunde nto Yahudi, pasi Ia mampakarebaka resi samparia tau kareba matao mangkonong ewa wimba i Pue Allah damawali Makole nto lino. Pasi Ia mampakatao muni tau boros nempo panyaki kesaa to re’e resi sira.

Palaong mPomakau i mPue Yesu 15:41

Wali yako etu i Paulus sira dua i Silas yau mangalinjak propinsi Siria pasi Kilikia. Sira dua mampakaroso raya ntau to mangaya i Pue Yesu to siromu ri lipu-lipu to nja’u ria.

Lukas 4:14

Wali yako etu i Yesu mawolili muni njo’u propinsi Galilea. Tempo Ia mawolili etu, re’e kuasa i Nosa Mapasing resi Ia. Pasi kareba mangkonong palaong to inikaNya natikareba-rebamo juku ri lipu ntau nja’u ria.

Markus 1:28

Wali kareba mangkonong kuasa i Yesu etu majoli kojo natikareba-rebamo juku ri lipu ntau ri propinsi Galilea.

Matius 14:1

Wali ri tempo etu boros kojo tau to mangansarita mangkonong palaong to naika i Yesu. Pasi i Makole Herodes mangandonge seja sarita to etu.

Yohanes 10:21

Pei re’e wo’u sira to manganto’o, “Gombo to Ia manganto’o si’a ewa gombo ntau to naposuak measa! Pasi Ia roomo mampakatao mata ntau to buta. Ane measa, gete, taa kojo mawali mangika palaong to ewa wetu!”

Matius 9:35

Wali yako etu i Yesu yau malinja-linja njo’u samparia kota-kota pasi kampu-kampu nja’u ria. Ri raya mpalinjaNya etu Ia mampotundeka tau ri banua-banua to napampotunde nsira. Ia mampakarebaka sira kareba matao mangkonong ewa wimba i Pue Allah damawali Makole nto lino. Pasi Ia mampakatao muni samparia tau to masaki pasi to mayu’u wukunya, nempo panyaki to kesaa to re’e resi sira.

Matius 9:26

Wali yako etu, kareba mangkonong palaong to nawali etu natikareba-reba juku ri lipu etu.

Matius 8:28

Wali yako etu sira dongka nja’u sambote ndano, nja’u lipu nto Gadara. Ojo kadongka nsira etu, ma’i dua mba’a tau to naposuak measa. Sira masuwu yako nja’u oyo nu dayo pei mangampago i Yesu. Tau dua etu maja’a kojo kiranya, see naka rapomoruka, wali tamo mawali tau to maroo ri lipu etu malinja liu ri tampa nu dayo etu.

Matius 8:33

Wali ojo kalodong yau mbawu, to pangkampang wawu etu sira miyai. Sira maripo lo’u kota. Rata la’u ria sira mampakarebaka resi tau mangkonong samparia palaong to nawali etu. Pasi sira mampakarebaka seja mangkonong anu to nawali resi tau dua to naposuak measa.

Markus 2:4

Pei tempo sira rata nja’u banua etu, sira taa mawali mampakamosu resi i Yesu apa tau boros kojo. Wali see naka sira mapone ri wawo banua panewa mangayali yau sangkodi ata tondo ri wawo i Yesu. Panewa yako ri wayau ri ata to nayali nsira etu, sira manguyu tau to malulu koronya etu sigalo lima-limanya ri tango i Yesu.

Markus 2:9

Panewa i Yesu manganto’oka wo’u sira, “Kamonsonya ane manganto’oka ngkai to malulu koronya si’i, ‘Dosamu roomo ralapas yau,’ sewaju kasulinya pei manganto’oka ia, ‘Pakore pei palinja.’ Naka pei sewaju kasulinya apa paka taa mawali ane tau to manganto’o gombo etu pei tare kuasanya damangika palaong to nato’o etu.

Lukas 4:38

Wali i Yesu masuwu muni yako ri banua napampatunde nto Yahudi, panewa Ia yau njo’u banua i nSimon. Nja’u banua etu re’e temanua i nSimon to we’a, ia wojo mapari kojo. Wali tempo i Yesu masua, tau to nja’u raya banua etu, sira mamporapika resi Ia see Ia mangansawang tau we’a etu.

Lukas 5:24

Wali Aku semo to rapokau yako ndate saruga danapoanaka nto lino see maya rato’oka Wiyaa nto Lino. Wali monso pu’u Aku re’e kuasa ri lino damangalapas dosa ntau. Pasi palaong to maya mampakanasaka komi kuasangKu etu, etu semo Aku damampakatao muni ngkai si’i.” Wali yako etu i Yesu manganto’oka ngkai malulu koronya, “Pakore pei okotaka lima-limamu pei pawolili muni ri banuamu.”

Palaong mPomakau i mPue Yesu 8:7

Apa ia mangarubak yau measa yako boros tau to naposuak measa. Tempo measa narubak i mPilipus etu, tau to naposuak maroso loonya kaboo-boo naika measa etu. Pasi i Pilipus ia re’e seja mampakatao muni boros tau to malulu koronya pasi to sampungku.

Lukas 7:17

Wali palaong to naika i Yesu etu natikareba-reba juku ri propinsi Yudea pasi ri lipu-lipu to ri awenya.

Palaong mPomakau i mPue Yesu 28:9

Wali yako etu samparia tau ri pulo etu to re’e panyaki sira mampago seja i Paulus panewa sira rapakatao muni seja.