Matius 4:10 - Tuntu i mPue ri Basa Taa

¹⁰ Wali i Yesu manganto’oka ia, “Gete, bo’ongku! Apa re’e porenta to ratulis ri raya ntuntu i mPue Allah to manganto’o, ‘Ne’e mampakabae anu to yusa wo’u kasimbalinya yako resi i Pue apa Ia semo Allah ngkomi. Pasi tare yusa to danupalaika kasimbalinya yako Ia.’ (Ulang 6:13) Ewa wetu ratulis ri raya ntuntu i mPue Allah, wali piyaimo Kepala Measa!”

Sura Magali Nuntu Ngkatuwu

¹⁰ Mesono i Yesu ndatoʼo, “Palai siko Seta! Lau ndaʼuki ri Sura Magali: Panyombamo i Pue Ala puemu, pai podo Sira anu nuporiokoi!”

Matius 4:10 Referans Kwoze

Lukas 4:8

Pei i Yesu manganto’oka ia, “Gete, bo’ongKu! Apa re’e porenta to ratulis ri raya ntuntu i mPue Allah to manganto’o, ‘Ne’e mampue mampakabae anu to yusa wo’u kasimbalinya yako i Pue apa Ia semo Allah ngkomi. Pasi tare yusa to danupalaika kasimbalinya yako Ia.’ (Ulang 6:13) Ewa wetu ratulis ri raya ntuntu i mPue Allah.”

Yakobus 4:7

Wali luluka songka i mPue Allah. Pei ewa i Kepala nto pantipu apa ane komi mangewa ia, ia damiyai yako resi komi.

1 Petrus 5:9

Wali ewa ia! Pasi pakaroso pangaya ngkomi tempo rasesai, apa komi mangansani si’a ojo komi to mangarata kasesa. Pasi samparia pua’i ngkita to mangaya ri sambawo lino, sira seja mangarata kasesa to sewaju pei to nurata ngkomi.

Matius 16:23

Wali i Yesu mangalekoka tangoNya resi i Petrus pei manganto’oka ia, “Gete, piyaimo yako resi Aku, korom to mangika lengko to ewa lengko ngKepala Measa! Apa tempo korom manganto’o gombo etu, korom ojo mangewa to Aku manganto’o! Wali korom taa mampobuuka pamporani i mPue Allah. Korom ojo mampobuuka pamporani ngkomi to lino semo.”

Lukas 10:18

Wali i Yesu manganto’oka sira, “Monso pu’u. Naka pei sira mampalaika komi apa nangi kepalanya, apa Aku re’e mangalo’a tempo Kepala Measa rasounaka yako ndate saruga. Kasounya etu ewa bilak kagasinya. Wali ia nangimo kuasanya.

Lukas 11:18

Wali ewa see seja resi Kepala Measa. Komi manganto’o Aku mangampake kuasa i Beelsebul mangarubak measa, pei taa mawali ane ewa see, apa ane Kepala Measa mangarubak joanya, taa masae sira samparia damasimusu yau panewa Kepala Measa tamo re’e joanya to ia mangkuasang. Wali manasa si’a kuasa i ngKepala Measa to mangarubak measa.”

Lukas 13:16

Wali taa manto’o tau we’a si’i! Ia wiyaa i Abraham, pasi sampuyu pei wayu nto’umo ia ewa nataka i ngKepala Measa apa ia naposuak measa. Wali gete, bara taa masipato ia ralapa muni yako ri takanya etu ri Eo Rapandoo?”

Lukas 22:3

Wali tempo etu i Kepala Measa mamposuak samba’a anaguru i Yesu to sampuyu pei dua etu. Sanga ngkai to raposuak etu i Yudas to rato’oka seja Iskariot.

Lukas 22:31

Wali yako etu i Pue Yesu manganto’oka i Petrus, Ia manganto’o, “O Simon, Simon, padongeka gombongKu si’i. Apa i Kepala Measa roomo marapi damangansoba komi samparia. Pasi ia nawaika i mPue Allah mangika palaong to etu. Wali tempo ia mangansoba komi etu, pansoba etu maya raporapaka ewa mangantapis pae, apa yako pansoba etu damiyala pangaya ngkomi bara ewa wea bara ojo ewa otanya.

Yohanes 13:27

Pei ojo pangoko i Yudas roti etu, i Kepala Measa mamposuak ia. Wali i Yesu manganto’oka i Yudas, “Intamo nakajoli pei ika palaong to danuika etu.” Ewa wetu nato’oka i Yesu i Yudas.

Palaong mPomakau i mPue Yesu 5:3

Pei i Petrus manganto’oka i Ananias, “Gete, Ananias, maka pei korom ojo mangaluluka yau pampobuuka ndaya to nawaika i ngKepala Measa korom see korom mangawutis i Nosa Mapasing? Apa korom rani mangantipu kami see kami mampobuuka si’i sampariamo oli ntana etu, pei kamonsonya re’ewa singga’a to nusayaka yau ngkorom.

Palaong mPomakau i mPue Yesu 26:18

Naka pei Aku damampokau korom dayau resi sira see korom damampotundeka sira mangkonong Aku. Apa ane sira mangandonge mangkonong Aku, panewa sira damangansani damangandolika tangonya resi Aku. Pasi ane ewa see sira damawali ewa tau to tempo ruyu tuwu ri raya mburi pei tempo si’i ralepa matanya see maya mangkita reme. Pasi sira daralapa yako ri ara ngkuasa i ngKepala Measa pei damangandolika tangonya resi i Pue Allah. Apa ane ewa see sira tamo danakitanaka i mPue Allah dosanya pasi sira damawali seja tau to Aku puenya apa saba sira mangaya Aku.’ Wali etu semo to nato’oka i mPue aku seore.

1 Korintus 5:5

naka pei paposuwu tau etu yako ri oyo ngkomi, pei waika yau ia resi Kepala Measa danasesai koronya sampe rata temponya ia mangansani taa matao ane mangaluluka yau pampobuukanya to masae. Apa ane ia tamo mangaluluka yau pampobuukanya to masae etu, ane ewa see toniinya maya rapalaes yako ri kuasa nu pampobuuka to etu ane ratamo temponya i Pue Yesu dama’i wo’u.

1 Korintus 7:5

Wali ne’e masita’amaka raya samba’a pei samba’a. Pei ane re’e komi to samboko to samba’a pampobuuka rani masita’amaka raya see yoa mangorop pasi makai-kai, ane ewa see taa mawei. Pei ne’e masae kojo panewa siwaka muni. Apa ane masae kojo komi samboko taa siwaka, komi bara danagoda i ngKepala Measa mangika palaong to maja’a apa saba tamo nukoto manganta’amaka raya ngkomi.

2 Korintus 2:11

Apa ane kita tiroo mangkitanaka sala nu yununta, ane ewa see i Kepala nto pantipu re’e jaya manganangi kita. Apa kita tansani ewa wimba songka-songka i ngKepala nto pantipu. Wali see naka aku manganto’oka komi to tao-tao ne’emo mangkitanaka sala ntau etu.

2 Korintus 11:14

Pei palaong etu taa mampakaipu rayanta apa ewa wetu seja naika i ngKepala nto pantipu. Ia seja maya mangawuni lengko to si ia pei mampotumbu pomakau i mPue Allah to mareme ta’anya.

2 Korintus 12:7

Wali apa saba boros kojo anu to magaya to napaponsanika i mPue Allah aku etu, see naka i Pue Allah mangajagai naka ne’e aku damawali mangei. Wali see naka aku rawaika panyaki to raporapaka ewa rui to nja’u raya nu wombongku to taa maya rayali yau. Pasi panyaki to etu napake i ngKepala nto pantipu mangansesai aku. Wali ewa wetu naika i mPue Allah mangajagai naka ne’e aku damawali mangei.