Matius 28:6 - Tuntu i mPue ri Basa Taa

⁶ Pei Ia tamo re’i rire apa Ia nambangu munimo yako ri kapateNya ewa to’oNya tempo ruyu. Wali mai lo’a wakanya Ia rapoduli.

Sura Magali Nuntu Ngkatuwu

⁶ Sira bemoreʼe ireʼi. Sira membangumo ewa anu roo ndatoʼoka komi owi. Maʼi ndipeole waka mpauli Sira.

Matius 28:6 Referans Kwoze

Markus 16:6

Pei pomakau i mPue Allah etu manganto’oka sira togo, to’onya, “Ne’e meka, apa Aku kunsani komi ma’i mangalo’a i Yesu to Nasaret anu roomo rapaku ri kaju pasape. Pei Ia tamo re’i rire apa Ia nambangu munimo yako ri kapateNya! Lo’a wakanya Ia rapoduli.

Matius 12:40

Apa i Yunus etu, ia togo mbengi kasaenya maroo ri raya ngkompo nu bau to bae kojo, roo see ia ralua yau munimo. Wali ewa see seja Aku, Wiyaa nto Lino damaroo ri raya ntana togo mbengi kasaenya panewa Aku darawangu muni yako ri kapatengKu. Wali palaong to etu semo to damawali tondong to damampakanasaka komi kuasangKu monso pu’u yako resi i Pue Allah. Pei Aku taa damangikaka komi tondong to yusa.

Matius 16:21

Wali yako ri tempo etu semo i Yesu mula mampakanasaka resi kami to anaguruNya, to’oNya, “Aku taa maya taa yau ndeku Yerusalem. Pasi nda’a ria boros kasesa to Aku damangarata yako resi tau tu’a nto Yahudi pasi kepala-kepala nto pampue pasi tau to mampoguru porenta i Musa. Wali Aku darapopate yau, pei yako etu, ri rayanya togo eo Aku darawangu muni yako ri kapatengKu.”

Lukas 24:23

pei sira taa mangarata lembaNya. Wali sira mawolili muni resi kami pei manganto’oka kami sira re’e pangkitanya, wali sira mangkita pomakau i mPue Allah to manganto’oka sira i Yesu Ia tuwu muni. Wali etu semo kareba to mampakaipu raya mami.

Lukas 24:44

Roo see Ia manganto’oka sira, “Komi mangkita monso pu’u Aku si’i roomo mambangu muni yako ri kapatengKu, wali si’i semo to Aku manganto’oka yami komi tempo Aku tiroowa re’e resi komi seore. Tempo etu Aku manganto’oka komi taa maya taa tibanang samparia to ratulis yami mangkonong Aku ri porenta i Musa pasi ri buku-buku to natulis nto pantuntu tuntu i mPue Allah tempo owi, pasi ri buku Masmur.”

Matius 27:63

Tempo sira rata resi ia, sira manganto’o, “Pa’a, kami tiroowa kuendo gombo nto pantipu etu tempo Ia tuwuwa. Tempo etu Ia manganto’o, ‘Aku damate pei ri rayanya togo eo Aku damambangu muni yako ri kapatengKu.’

Yohanes 2:19

Wali i Yesu mangansono sira, Ia mangaligi sira, to’oNya, “Pukanaka yau banua i mPue Allah si’i, panewa ri rayanya togo mbengi Aku damangawangu muni.”

Markus 8:31

Wali tempo etu semo i Yesu mula mampotundeka anaguruNya mangkonong anu to damawali resi Ia. To’oNya, “Aku, Wiyaa nto Lino, damangarata boros kasesa. Pasi Aku danapobo’o ntau tu’a nto Yahudi pasi kepala-kepala nto pampue pasi tau to mampoguru porenta i Musa. Wali Aku darapopate yau, pei yako etu, ri rayanya togo eo Aku damambangu muni yako ri kapatengKu.”

Yohanes 10:17

“Wali Pa’angKu mamporayang Aku apa Aku buya rayangKu mate yau mangkapateka tau to rato’oka dombangKu etu. Wali Aku damate yau, apa ane Aku taa damate yau Aku taa maya datuwu muni yako ri kapatengKu etu.

Lukas 24:12

Pei i Petrus mambangu pei maripo njo’u dayo. Rata nja’u ria ia madungka pei mangalo’a nja’u rayanya pei mangkita jamo kain lena semo to re’e reria. Wali yako etu ia mawolili muni njo’u kota. Ia ipu kojo rayanya mampobuuka bara kesaa to nawali etu.

Matius 20:19

Pasi sira damangawaika Aku resi tau to si’a to Yahudi panewa tau etu damampokore Aku pasi damampedas seja Aku. Roo see sira damampopate yau Aku mangampaku Aku ri kaju pasape. Pei ri rayanya togo eo Aku damambangu muni yako ri kapatengKu.”

Matius 17:23

Panewa tau etu damampopate yau Aku, pei ri rayanya togo eo Aku darawangu muni yako ri kapatengKu.” Wali ojo pangandonge mami gomboNya etu, kami mawo kojo raya mami.

Matius 17:9

Roo see sira opo malonso muni yako ri rapa ntongku malangan etu. Tempo sira malonso etu i Yesu mamporentangika sira togo, to’oNya, “Ne’e kojo mangansaritaka sa’e mangkonong anu to nukita ngkomi etu. Tempo Aku, Wiyaa nto Lino, roomo rawangu muni yako ri kapatengKu panewa maya rasarita.

Palaong mPomakau i mPue Yesu 2:24

Wali ojo karoonya komi mampopate yau i Yesu, i Pue Allah mampotuwu muni Ia yako ri kapateNya etu. I Pue Allah mangalapa Ia yako ri kuasa nu ngkapate apa kapate taa nakurang manganta’amaka Ia.