Matius 27:51 - Tuntu i mPue ri Basa Taa

⁵¹ Pasi gete, tempo etu semo kodi majoli rindi ronto ri raya banua i mPue Allah nja’u raya ngkota, rindi ronto etu rasia dua yau yako ndate wawonya rata la’u aranya! Pasi mawali lengko tana pasi watu-watu to bose magoa yau.

Sura Magali Nuntu Ngkatuwu

⁵¹ Ayapa makumba anu ndadindi ri raya Banua i mPue masia ungka ri wawonya tudu-tudu ri joenya, tetila radua; nakeni ngkaʼai mpolinduginya maponga waʼa mbatu ri buyu.

Matius 27:51 Referans Kwoze

Markus 15:38

Pasi tempo etu semo kodi majoli rindi ronto ri raya banua i mPue Allah nja’u raya ngkota, rindi ronto etu rasia dua yau yako ndate wawonya rata la’u aranya!

Ibrani 6:19

Wali parajanji to kita mansarumaka etu, parajanji etu raporapaka ewa watu balango to mampakainti pasi mampakarodo bangka ri wawo nue. Apa yako parajanji etu see naka raya ngkita maroso pasi rodo apa kita masingkatao pei i Pue Allah. Wali kita ewa roomo masua ri songi to mapasing kojo liu ri rindi ronto pei mampotango i Pue Allah.

Lukas 23:45

Mata nu eo tamo re’e pananya. Pasi tempo etu semo kodi majoli rindi ronto ri raya banua i mPue Allah rasia dua yau.

Pangkita 11:19

Wali ojo karoonya ketua to dua mpuyu pei opo etu magombo, panewa Banua i mPue Allah to ndate saruga tiloka. Wali tempo Banua i mPue Allah tiloka, mialamo peti to la’u parajanji i mPue Allah, peti etu nja’u raya Banua etu. Pasi kodi majoli re’emo bilak kreto, pasi re’e seja lengko tana pasi tudumo seja tiba matombo kojo.

Matius 27:54

Wali kepala ntentara to mangkepalang tentara to satu kaborosinya pasi joanya to mangajagai i Yesu, sira mangepe lengko tana pasi samparia palaong to yusa to mawali tempo etu, wali sira meka kojo rayanya, sira manganto’o, “Monso pu’u tau si’i Ana i mPue Allah!”

Matius 28:2

Tempo sira yau etu kodi majoli re’e lengko tana to maroso kojo apa rata samba’a pomakau i mPue Allah yako ndate saruga rata nja’u dayo etu. Pomakau to etu mangawewoka yau watu ba’a nu dayo panewa ia matunda ri wawonya.

Pangkita 11:13

Wali ri tempo to etu mawali lengko tana to maroso kojo. Wali santila sampuyu banua ri kota etu to mapuka yau, pasi pitu nsowu tau to rapopate yau. Pei tau to taa rapopate yau, sira meka kojo rayanya resi i Pue Allah pasi sira manganto’o, “Bae kojo kuasa i mPue Allah anu to re’e ri saruga!”

Ibrani 9:3

Panewa re’e wo’u rindi ronto. Ri sambali nu rindi etu re’e wo’u songi to kaduanya to rato’oka songi to mapasing kojo.

TADUMPANYOMBA 16:2

Wali yako etu i Pue Yawe mampogomboka wo’u i Musa, to’oNya, “Pogomboka tukakamu, i Harun, pei patiendoka ia mangkonong songi to Mapasing Kojo. Songi etu semo to re’e ri sambali nu rindi ronto ri raya nTendangKu. Wali to’oka ia ne’e masua ngkewanya nja’u raya nsongi etu naka ne’e ia mate yau. Apa nja’u ria re’e peti to la’u parajanji i mPue Allah la’u rayanya. Peti etu, bombonginya semo to rato’oka tampa to napangabombong i mPue Allah dosa. Bombong mpeti etu re’e limu to maroo ri wawonya wali Aku semo to re’e ri raya nu limu etu, see naka taa masipato ane masua ngkewanya reria.

Lukas 23:47

Wali kepala ntentara to mangkepalang tentara to satu kaborosinya, ia mangkita palaong to mawali etu. Wali ojo pangkitanya etu ia mangabarong i Pue Allah, pasi ia manganto’o, “Monso pu’u tau si’i tare salaNya.”