Matius 27:4 - Tuntu i mPue ri Basa Taa

⁴ Ia manganto’o, “Aku re’e mangika dosa, apa aku roomo mamposora yau resi komi tau to tare salaNya, wali si’i-si’i nempo taa kojo re’e salanya pei Ia darapopate yau.” Wali kepala-kepala pasi tau tu’a etu manganto’o, “Taa mawei resi kami apa si’a palaong mami. Palaong ngkorom semo.”

Sura Magali Nuntu Ngkatuwu

⁴ Natoʼo, “Yaku masalamo mampobalu tau anu bereʼe salanya, rantani mabotu hukunya da ndapepate!” Paikanya mesono tau seʼe, “Incetu bareʼe kaincani kami, siko ngkaliomu anu maincani!”

Matius 27:4 Referans Kwoze

1 Yohanes 3:12

Wali ne'e kita mangika ewa to naika i ngKain tempo owi. I Kain etu ia i Kepala nto pantipu puenya pasi ia mampopate yau a'inya. Wali kesaa sabanya naka pei ia mampopate yau a'inya etu? Saba naka pei ia mampopate yau a'inya etu apa ia nansani lengko to si ia maja'a pei lengko ntua'inya etu singkonong pei i Pue Allah. See naka ia maja’a nakita a’inya etu.

1 Petrus 1:19

Pei anu to nabayarika i ngKerisitu see mangalapa kita yako ri ara ngkuasa nu ada etu, etu semo raaNya to bae kojo batuanginya. RaaNya etu raporapaka ewa raa nu ana domba to masilonga pasi tare to maya rato’o maja’a.

Ibrani 7:26

Wali to pampue to bae anggaNya to ewa wetu semo to naparluu ngkita. Apa Ia mapasing, pasi tare lengkoNya to masipato napakasala nsa’e pasi tare lengkoNya to makarika. Pasi Ia raga’a yako resi tau to madosa. Pasi Ia raokotaka nto’u tampa to bae kojo angganya, ri wawonya samparia yangi.

Titus 1:16

Wali tau to ewa wetu, sira mampongakung mangalulu i Pue Allah, pei lengkonya taa kojo singkonong pei gombonya etu. Lengkonya etu maja’a kojo ri pangkita i mPue Allah. Sira bo’onya mampalaika i Pue Allah pasi sira taa kojo nakoto mangika palaong to matao.

1 Timotius 4:2

Wali tau to manganto’o gombo to yako ri measa etu, sira tau to mawuti pasi to ojo gombonya manoto. Sira tamo mangepe sira sala, apa raya nsira room mawali yau ewa pela ntau to maronu apa kono wubu mapoi panewa mawali maroyo to makumba pasi male.

Roma 3:19

Wali etu semo to ratulis ri raya ntuntu i mPue Allah to rato’oka porentaNya. Pasi kita tansani anu to ratulis etu ratulisika kita to Yahudi to ri ara mporenta etu. Naka pei re’e porenta etu see kita manasanta samparia tau paka madosa. Wali kamonsonya tare pasi samba’a tau to maya manganto’o, “Aku tare dosangku.” Samparia to lino paka damampongakung sira masipato danahuku i mPue Allah.

Palaong mPomakau i mPue Yesu 13:28

Wali sira taa mangarata sabanya naka pei i Yesu masipato rapopate yau. Pei nempo taa narata nsira, sira tiroo maroso kojo mamporapi-rapika resi i Pilatus see i Yesu darapopate yau.

Yohanes 19:7

Wali to Yahudi etu mangansono, sira manganto’o, “Kami rani Ia rapopate yau apa Ia mampoanika Ana i mPue Allah. Wali ane ewa porenta mami tau ane manganto’o gombo etu, masipato ia rahuku mate!”

Lukas 23:47

Wali kepala ntentara to mangkepalang tentara to satu kaborosinya, ia mangkita palaong to mawali etu. Wali ojo pangkitanya etu ia mangabarong i Pue Allah, pasi ia manganto’o, “Monso pu’u tau si’i tare salaNya.”

Lukas 23:41

Pasi masipato kojo kita dua mangarata huku to si’i apa si’i semo huku to masipato narata ntau to mangika palaong to kita nangika. Pei ane tau si’i, Ia tare mangika sala.”

Lukas 23:22

Wali i Pilatus mampogomboka wo’u sira katogo ngkaninya, ia manganto’o, “Maka pei komi rani mangika palaong to etu? Kesaa anu to maja’a inikaNya? Aku taa kojo mangarata palaong to inikaNya to masipato Ia rahuku mate, wali see naka aku damanganto’oka tau mangantidas Ia panewa mangalapa muni.”

Matius 27:54

Wali kepala ntentara to mangkepalang tentara to satu kaborosinya pasi joanya to mangajagai i Yesu, sira mangepe lengko tana pasi samparia palaong to yusa to mawali tempo etu, wali sira meka kojo rayanya, sira manganto’o, “Monso pu’u tau si’i Ana i mPue Allah!”

Matius 27:19

Wali tempo i Pilatus matunda ri gadera nto pobotus damangabotus i Yesu, tempo etu indo nu ananya mampotuu resi ia, to’onya, “Ne’e kojo mangahuku tau to etu, apa Ia tare salaNya. Pasi raya mburi aku mangipi mangkonong Ia see naka masusa kojo rayangku seo si’i.” Ewa see patuu nu indo nu ana i mPilatus.

Yunus 1:14

Wali tau to mapalaong ri bangka etu, sira maroso loonya makai-kai resi i Pue Yawe, Pue to napakabae i Yunus, sira manganto’o, “O Pue Yawe, kami mamporapika resi Komi naka ne’e Komi mangahuku mate kami ane kami mangantaji yau tau si’i lo’u raya ntasi pei roo see ia damate yau. Ne’e mampakasala kami ane rapanya tau si’i tare salanya pei kami mampopate yau ia. Apa samparia palaong to si’i naka pei mawali saba yako pamporani ngKomi semo, i Pue Yawe.” Etu semo pokai-kai nsira.

Posuwunya 12:31

Wali ri raya mburi etu i Makole mampokio i Musa sira dua i Harun. Ojo karata nsira dua resi ia, ia manganto'oka sira, “Piyaimo komi! Sale samparia yunu ngkomi to Israel pei piyai yako ri tanangku si'i! Keni seja samparia domba pasi sapi ngkomi pei pakajoli piyai damangika pampue damampakabae i Pue Yawe ewa nuporapi seore. Pei pokai-kaika seja aku see i Pue Yawe damangika matao resi aku.” Wali etu semo to nato’oka i Makole sira dua.

Posuwunya 9:27

Wali i Makole mampokauka tau yau mangalo’a i Musa sira dua i Harun pei mangkeni resi ia. Ojo karata nsira dua resi ia, ia manganto'oka sira, "Tempo si’i aku mampongakung aku re’e mangika dosa. Pei anu to naika i mPue Yawe, etu semo to kono. Pei anu to inikangku pasi to naika ntaungku, palaong etu to sala.

Pangkita 11:10

Wali to lino masanang kojo rayanya saba kapate ntau dua etu. Sira mangika roa kandende ndaya pasi ri rayanya mangika roa etu, sira damangawaika sora resi yununya samba’a pei samba’a. Naka pei sira mangika ewa wetu apa ndende rayanya tau dua etu matem, apa ri tempo ruyu, ri katawanya mate yau, to pantuntu tuntu dua etu sira mangansesai kojo to lino.