Matius 27:25 - Tuntu i mPue ri Basa Taa

²⁵ Wali tau boros etu sira samparia mangansono, sira manganto’o, “Biakamo. Kami pasi ngana mami semo mampongakung salanya ane Ia rapopatemo.”

Sura Magali Nuntu Ngkatuwu

²⁵ Mesono tau seʼe pura-pura, “Io, mbolimo kami pai waʼa muli mami anu da mangkoyo huku ngkapatenya!”

Matius 27:25 Referans Kwoze

Palaong mPomakau i mPue Yesu 5:28

ia manganto’o, “Kami roomo mamporentangika komi manganto’o ne’e kojo mampotundeka tau mangkonong ngkai to nululu ngkomi etu. Pei komi taa mampolaika porenta mami etu. Komi ojo mampotundeka wo’u wali tempo si’i juku tau ri Yerusalem mangandonge kareba to nupotundeka ngkomi etu. Pasi komi rani mampakasala kami apa komi manganto’o kami semo to nampopate yau ngkai etu.”

Palaong mPomakau i mPue Yesu 7:52

Tare pasi samba’a to pantuntu tuntu i mPue Allah tempo owi to taa nasesai nu bue ngkita etu. Pasi sira mampopate yau samparia tau to mampakarebaka yami manganto’o, ‘Dama’i Makole parajanji i mPue Allah, Ia to tare dosaNya.’ Wali Makole parajanji i mPue Allah to nato’o nsira etu, i Yesu semo, Ia ma’i pu’u seore pei si’i-si’i komi roomo mamposora yau pasi mampopate yau Ia.

Posuwunya 20:5

Wali ne'e madungku yau mangantabe anu to ewa wetu bara mampue reria. Apa Aku, i Pue Yawe, Aku semo Allah ngkomi, pasi Aku timopo rayangKu ane mangkita komi to taungKu mampue mampakabae pue to yusa. Wali tau to mampue pue to yusa, batuanginya tau etu mawali balingKu, wali see naka Aku damangahuku sira pasi wiyaanya rataka ri katogo pasi kaopo ntapi wiyaa nsira etu.

Matius 21:44

Pasi si’i wo’u ligi mangkonong Makole parajanji i mPue Allah. Ia raporapaka wo’u ewa watu to bae kojo batuanginya etu, to’onya, ‘Tau to masou tudu ri wawo mbatu to bae batuanginya etu, tau etu mabusak koronya. Pei ane watu etu to masou tudu ri wawo ntau, tau etu damaruna yau mawali ewa awu.’”

Palaong mPomakau i mPue Yesu 18:6

Pei to Yahudi etu sira mangewa pasi manto’o maja’a ia, wali i Paulus mantantamaka awu ntana to re’e ri pakenya mangika tondong ia taa kojo singkonong pei sira. Ia manganto’oka sira, “Ane komi mangarata huku si’a salangku, sala ngkomi semo. Wali yako tempo si’i aku dayau damampakarebaka kareba matao resi tau to si’a to Yahudi.”