Matius 26:36 - Tuntu i mPue ri Basa Taa

³⁶ Wali yako etu i Yesu pasi kami to anaguruNya polas wo’u njo’u tampa to rasangaka Getsemani. Rata nja’u ria i Yesu manganto’oka kami, “Patunda-tundamo ruyu komi rire mangampeas Aku dayau makai-kai nja'uture.

Sura Magali Nuntu Ngkatuwu

³⁶ Ungka lairia njoʼumo i Yesu pai waʼa anaguru-A ri bonde Jatisemane. Jela njairia ndatoʼoka tau seʼe, “Ndikaroo-roomo ireʼi sindara Yaku njoʼu mekakai.”

Matius 26:36 Referans Kwoze

Matius 26:42

Wali ojo karoonya i Yesu mampogomboka i Petrus etu, Ia yau wo’u makai-kai kadua ngkaninya. Ia manganto’o, “O Pa’angKu, ane tare jaya yusa rapangalimba kasesa dakurata si’i, pei taa maya taa Aku damangarata, ane ewa see biakamo pamporani ngkomi semo damawali.”

Matius 26:39

Wali i Yesu Ia mampiyaika sira togo, Ia yau longko wo’u njo’u sangkodi. Roo see Ia mamo’o yau ri wawo ntana pei makai-kai, Ia manganto’o, “O Pa’angKu, ane bara re’e jaya, limba kasesa to daKurata si’i. Pei ne’e raluluka pamporaningKu. Biakamo pamporani ngKomi semo damawali.”

Ibrani 5:7

Wali ri rayanya i Yesu tuwu ri lino, Ia kaboo-boo pei tumangi makai-kai pasi mamporapi sawang resi i Pue Allah. Ia nansani i Pue Allah re’e kuasa mampalaes Ia yako ri kapate, pei Ia mampalaika i Pue Allah saba manga’angga Ia, wali Ia mangalulu pamporaniNya. Wali see naka i Pue Allah mangandonge pokai-kaiNya etu.

Matius 6:6

Pei ane komi makai-kai, inta njo’u songimu samba’a pei samba’a pei ba’a wombonya panewa roo see pokai-kai resi Pa’a ngkomi. Ika ewa wetu see sa’e taa mangkita. Pei nempo taa nakita nsa’e, pei re’e to mangkita palaong ngkomi etu. Etu semo Pa’a ngkomi to ndate saruga semo. Ia taa maya rakita, pei Ia mangkita komi. Wali Ia semo damangawaika komi ntanapa ri tango ntau boros.