Matius 26:26 - Tuntu i mPue ri Basa Taa

²⁶ Wali yako etu, tongo-tongonya kami mangkoni, i Yesu mangoko roti pei manganto’oka i Pue Allah, “Tarima matao.” Roo see Ia mangampesu-mpesutimo roti etu panewa Ia mangantilaka kami to anaguruNya. Ia manganto’o, “Oko pei koni, apa si’i korongKu.”

Sura Magali Nuntu Ngkatuwu

²⁶ Ri pangkoni ntau seʼe, ndatima i Yesu roti, nepa ndapekakaika. Roo setu ndaripu-ripusi roti setu nepa ndawaika waʼa anaguru-A, ndatoʼo, “Nditima, pai ndikonimo, inceʼimo koro-Ku.”

Matius 26:26 Referans Kwoze

Palaong mPomakau i mPue Yesu 20:7

Wali tempo etu rata wuri Minggu kami siromu mangkoni sindara-ndara mangendo kapate i mPue Yesu. Tempo etu i Paulus mampogomboka kami. Ia masae kojo magombo rata ntongo wuri, apa eo rao ia dameyoko wo’u. Wali tempo kami siromu etu, kami re’e ri juya to katogo ntampenya pasi boros lampu to mampakareme ndate ria.

1 Korintus 10:4

Pasi sira manginu ue to nawaika seja i mPue Allah sira yako ri kuasaNya. Ue to nainu nsira etu Ia nampaposuwu yako ri woto mbatu. Wali watu etu tondong i ngKerisitu semo. Wali Ia re’e sinjaya pei sira ri raya mpalinjanya etu.

Palaong mPomakau i mPue Yesu 2:46

Wali ponto eo sira siromu mampue mampakabae i Pue Allah ri banuaNya. Pasi sira seja masanang kojo pasi buya raya nsira mangkoni sindara-ndara ri banua nsira samba’a pei samba’a, mangendo kapate i mPue Yesu.

Lukas 24:30

Rata nja’u ria sira matunda damangkoni sindara-ndara. Tempo sira damangkoni etu, i Yesu mangoko roti pei makai-kai manto’oka i Pue Allah, “Tarima matao.” Roo see Ia mangampesutimo roti etu pei mangawaika resi sira.

Markus 6:41

Wali roo see i Yesu mangoko roti lima mpa’i pasi bau dua mba’a etu, panewa Ia matingoa pei makai-kai manganto’oka i Pue Allah tarima matao. Ojo karoonya Ia makai-kai Ia mangampesu-mpesutimo roti etu panewa mangawaika anaguruNya. Wali sira mangoko roti etu panewa mangampookoka resi tau boros. Pasi bau dua mba’a Ia mangantilaka seja anaguruNya panewa sira mangantilaka tau boros.

Matius 14:19

Roo see Ia manganto’oka tau boros matunda ri wawo ntarempas. Wali sira matunda. Yako etu i Yesu mangoko roti lima mpa’i pasi bau dua mba’a etu, panewa Ia matingoa pei makai-kai manganto’oka i Pue Allah tarima matao. Ojo karoonya Ia makai-kai Ia mangampesu-mpesutimo roti etu panewa mangawaika kami to anaguruNya. Wali kami mangoko pangkoni etu panewa mangampookoka resi tau boros. Pasi ewa wetu seja inikaNya resi bau.

Matius 26:27

Yako etu Ia mangoko wo’u sangkir to la’u tule anggur pei manganto’oka seja i Pue Allah, “Tarima matao.” Panewa Ia mangawaika resi anaguruNya, Ia manganto’o, “Oko pei inu samparia komi.

Lukas 22:17

Wali yako etu i Yesu mangoko sangkir to la’u tule anggur pei manganto’oka i Pue Allah, “Tarima matao.” Roo see Ia manganto’oka anaguruNya, “Oko si’i pei inu ratilaka samba’a pei samba’a.