Matius 26:10 - Tuntu i mPue ri Basa Taa

¹⁰ Wali i Yesu mangansani anu to nato’o mami etu, see naka Ia manganto’oka kami, “Ne’e mampoja’a tau we’a si’i! Palaong to inikanya resi Aku etu si’a palaong to maja’a, palaong etu magaya kojo.

Sura Magali Nuntu Ngkatuwu

¹⁰ Ndaincani i Yesu nawa-nawa ntau seʼe, pai ndapantoʼo, “Ara wenu painaka ndisalempori weʼa seʼi? Siʼa mampowia anu madago pai ndaunde galaku.

Matius 26:10 Referans Kwoze

Titus 3:8

Monso pu’u anu to roomo kupakanasaka korom etu. Wali aku rani korom mampotundeka kojo tau to mangaya nja’u ria see sira madota mangika palaong to matao. Apa anu to rapotundeka si’i matao kojo pasi bae batuanginya resi to lino.

Ibrani 13:21

see Ia damangawaika komi samparia to matao to parluu ngkomi damangika pamporaniNya. Pasi aku makai-kai see yako kuasa i Yesu Kerisitu, i Pue Allah damapalaong ri raya ngkita mangangika anu to mampakasanang Ia. Wali anu kita mangabarong Ia rataka ri singkasaenya. Amin.

Titus 3:14

Pasi patundeka tau to mangaya nja’u ria see sira madota kojo mangika palaong to matao, see sira maya mangansawang tau to taa kojo gana to danapake nsira. Pasi ane sira madota kojo mangika palaong to matao, bae batuanginya katuwu nsira.

Titus 3:1

Wali patiendoka tau to mangaya nja’u ria see sira taa mangewa songka mpomarenta pasi tau to mangawakil pomarenta. Pamporani i mPue Allah sira mangaluluka songka mpomarenta pasi mangika palaong to matao ri kabuya ndayanya.

Titus 2:14

Ia semo to nangkapateka kita see mangalapas kita yako ri kuasa nu dosa pasi mampakayongo rayanta. Ia mangika palaong to etu see kita maya mawali tau to Ia Puenya, to madota kojo mangika palaong to matao.

Titus 1:16

Wali tau to ewa wetu, sira mampongakung mangalulu i Pue Allah, pei lengkonya taa kojo singkonong pei gombonya etu. Lengkonya etu maja’a kojo ri pangkita i mPue Allah. Sira bo’onya mampalaika i Pue Allah pasi sira taa kojo nakoto mangika palaong to matao.

2 Timotius 2:21

Wali kita to mangaya ane mangandolika tangonta yako ri gombo to taa singkonong pei i Pue Allah to aku room mampakanasa etu, kita ewa yama to rapake mampalinggona tau to bose angganya. Batuanginya kita mawali to papolaong to i Pue Allah Puenya, to bae batuanginya resi i Pue pasi to Ia maya mangampake mangika samparia palaong to matao.

1 Timotius 5:10

Pasi tau to napiara ntau i mPue Allah etu, ia tau to ane ri pangkita ntau boros ia madota mangika palaong to matao. Etu semo ia madota mampiara ananya tempo seore, ia madota mampalinggona tau to rata, ia madota mangansawang tau to i Pue Allah Puenya, rapanya mamposo’i yau awu ntana yako ri witi nsira, pasi ia madota seja mangansawang tau to mangarata kasusa. Pasi samparia ngaya mpalaong to matao ia madota mangika. Wali tau balu to ewa wetu lengkonya, tau etu masipato napiara ntau i mPue Allah.

1 Timotius 3:1

Wali monso pu’u gombo to aku damanganto’o si’i. Etu semo, tau to langkai to rani mawali ketua ntau to mangaya, tau etu naporani palaong to matao.

2 Tesalonika 2:17

Wali kami mamporapika resi Ia see Ia mampakaroso raya ngkomi pasi mampakaroso pangaya ngkomi see gana karoso ngkomi damanganto’o pasi damangika samparia anu to matao.

Kolose 1:10

Naka pei kami makai-kai ewa wetu, see komi damangika lengko ngkatuwu to masipato naika ntau to mangalulu i Pue pasi to sangkani mampakasanang Ia. Apa ane ewa see, boros ngaya palaong to matao to danuika ngkomi. Palaong etu maya raporapaka ewa wua ngkaju. Pasi kanjo'u-njo'u tiduga-dugang anu to komi mangansani mangkonong i Pue Allah.

Epesus 2:10

Apa kita napapowali i mPue Allah damawali tau to bou. Apa kita samba’a pei i Kerisitu Yesu, see naka i Pue Allah mampapowali kita mawali tau to bou. Naka pei Ia mangika palaong to etu see kita maya mangika palaong to matao to napasigenaka yami i mPue Allah kita.

Galatia 6:17

Wali yako tempo si’i, ne’emo tau mampakasusa aku manganto’o aku tare kuasa mawali pomakau i mPue Yesu. Apa korongku si’i maroyomo naika ntau mangantidas saba aku mangika palaong i mPue Yesu.

Galatia 5:12

Wali ane tau to mampakasusa pangaya ngkomi, to tao-tao sira si’a ojo rasui, pei rakabiri yaumo!

Galatia 1:7

Pei kareba etu kamonsonya si’a kareba matao. Kareba etu kamonsonya ojo gombo ntau to rani mampakasusa pampobuuka ngkomi pasi rani mangawali yau kareba matao mangkonong i Kerisitu.

2 Korintus 9:8

Pasi i Pue Allah, Ia re’e kuasa mampaponsanika komi kanotoNya to yabi wo’u pei to naparluu ngkomi. Ewa wetu inikaNya see komi sangkani gana kojo samparia to danupake ngkomi. Naka pei Ia mangika ewa wetu see komi gana kojo to danupake ngkomi damangika samparia ngaya mpalaong to matao.

Markus 14:6

Pei tempo sira mampoja’a ia, i Yesu manganto’oka sira, “Biakamo ia mangika palaong to etu. Ne’e mampoja’a ia! Palaong to inikanya resi Aku etu si’a palaong to maja’a, palaong etu magaya kojo.

1 Petrus 2:12

Pei ri rayanya komi maroo-roo ri oyo ntau to taa mangaya i Pue, ika lengko ngkatuwu to matao see danakita nsira. Apa ane ewa wetu, nempo sira manto’o maja’a komi, sira tiroo damangansani kamonsonya lengko ngkomi matao. Wali nempo sira manto’o maja’a komi ri tempo si’i, ane ratamo temponya i Pue Allah ma’i damangabotus to lino, tempo etu sira damangabarong Ia apa sira roomo mangkita lengko ngkomi to matao.

Matius 26:9

Apa ane minya etu pei rapobalu, olinya bae kojo. Pasi ane rapobalu, doi nu olinya etu maya rawaika yau resi tau to masiasi.”

Matius 26:11

Monso pu’u matao seja ane mangansawang tau to masiasi, pei komi tiroo boros yoa damangansawang sira apa tau to masiasi sangkani re’e ri oyo ngkomi. Pei ane Aku, Aku taa dasingkasaenya maroo ri lino si’i sindara-ndara pei komi.

Lukas 8:49

Wali tongo-tongonya i Yesu mampogomboka tau we’a etu, ratamo tau yako banua i Yairus, tau tu’a nto Yahudi etu. Tau to rata etu manganto’oka i Yairus, “Anamu matem. Tamo re’e batuanginya komi mangantalas Pa’a Guru apa ana ngkomi matem si’i-si’i.”