Matius 25:6 - Tuntu i mPue ri Basa Taa

⁶ “Wali yako etu, ntongo wuri, re’e tau kaboo-boo manganto’o, ‘Daratamo to langkai! Inta pei tomu ia!’

Sura Magali Nuntu Ngkatuwu

⁶ Ntongo mbengi, ndadongemo oni nganga ntau meboo-boo, ‘Tumpu ngkoro tuama jelamo! Ndikamaʼimo tapantomu!’

Matius 25:6 Referans Kwoze

2 Petrus 3:10

Pei tempo i Pue maporenta ri lino, tempo etu kodi majoli darata ewa naika nto palima rata ri banua ntau ri raya mburi. Wali tempo etu semo daradonge loo to ewa loo nu apu bae kojo panewa kodi majoli yangi dapaya yau. Pasi samparia to ndate yangi damabilis yau naika nu apu to mapoi kojo. Pasi lino seja damosi yau sindara-ndara pei samparia bananginya. Wali a’i-a’i, kita mangansani matantu kojo palaong to etu damawali, ewa to roomo naparajanjika i mPue Allah.

Matius 25:1

Wali yako etu i Yesu manganto’o wo’u rapa mangampotundeka wo’u kami see kami damadota mangampeas temponya Ia dama’i muni, Ia manganto’o, “Palaong to mawali tempo i Pue Allah Makole nto lino maya raporapaka ewa si’i. Rapanya re’e sampuyu mba’a ngana we’a to tawa re’e nepenya to langkai. Wali ngana we’a etu re’e lima mba’a to madoyo pasi lima mba’a to pande. Ngana we’a etu yau mangansabi paporongo nu galung nsira. Wali ane ratamo temponya, sira yau damangantomu tau to langkai to darapaporongo see maya sindara-ndara pei ia masua ri roa mangalulu ada ngkita. Tempo sira yau etu sira mangangkeni pansona samba’a pei samba’a.

Matius 24:44

Wali ewa naika ntau pue banua etu mangajagai kojo see sigena ane rata to palima, ewa see seja komi. Wali jagai kojo ne’e lenga mangampeas kama’ingKu see komi sangkani sigena, apa ri tempo komi taa mampobuuka bara dama’i Aku, Wiyaa nto Lino, tempo etu semo Aku dama’i.”

Matius 24:31

Tempo etu loo ntarompet to maroso kojo daradonge, pasi tempo etu semo Aku damampokau pomakaungKu yako ndate saruga yau damampasiromunaka tau to Aku room mampilis. Sira damampasiromunaka tau etu yako ponto lipu ri sambawo lino. Bara imba-imbare lipu ntau to Kupilis etu, yako nja’u ria sira darapasiromunaka.”

Pangkita 16:15

Wali si’i gombo i mPue, Ia manganto’o, “Padongeka! Aku dama’i ewa to palima, wali komi taa damangansani tempo Aku dama’i etu. Wali masanang kojo tau to taa bayore pasi to mangajagang pakenya see ia taa dalambe pasi damea ri tango ntau boros.”

1 Tesalonika 4:16

Apa tempo danakama’i i mPue etu, tempo etu kodi majoli daradonge loo to maroso dakaboo, sindara-ndara pei loo ngkepala mpomakau i mPue Allah pasi loo ntarompet i mPue Allah. Pasi tempo etu seja i Pue semo dama’i yako ndate saruga. Panewa tau to mangaya i Kerisitu to namatemo, sira darawangu ruyu.

Lukas 12:46

Wali ane ewa see kesaa to damawali resi ia? Ewa si’i damawali. Ane ratamo eo pasi jam to taa napondayaka nto papolaong etu puenya bara darata muni, tempo etu semo tau puenya darata muni. Panewa puenya mapari kojo danaika mangahuku ia panewa damamposaka yau ia nja’u tampa to masipato darapamposaka tau to taa mangaya i Pue Allah.

Lukas 12:20

“Pei i Pue Allah manganto’oka ia, ‘Korom tau bea apa nene si’i semo korom dapura nosamu. Wali gete! Kasugi to nuporomung ngkorom etu tamore batuanginya resi korom. Tau to yusa semo to damangantima!’”

Matius 25:31

Wali yako etu i Yesu manganto’o wo’u, “Wali Aku, Wiyaa nto Lino, dama’i ri raya ngkayawangKu pasi samparia pomakaungKu yako ndate saruga, sira dama’i sindara-ndara pei Aku. Wali tempo Aku dama’i etu, Aku damangabotus to lino, see naka Aku damatunda ri gadera to tondong kuasangKu pasi kayawangKu.

Matius 25:5

Yako etu masae sira mangampeas pei tawa rata to langkai etu. Wali see naka sira sampuyu paka yoremo mata nsira wali sira yore yau.

Matius 25:7

Wali ngana we’a to sampuyu etu sira mambangu pei mampasilonga muni pansonanya.