Matius 25:1 - Tuntu i mPue ri Basa Taa

^1-2 Wali yako etu i Yesu manganto’o wo’u rapa mangampotundeka wo’u kami see kami damadota mangampeas temponya Ia dama’i muni, Ia manganto’o, “Palaong to mawali tempo i Pue Allah Makole nto lino maya raporapaka ewa si’i. Rapanya re’e sampuyu mba’a ngana we’a to tawa re’e nepenya to langkai. Wali ngana we’a etu re’e lima mba’a to madoyo pasi lima mba’a to pande. Ngana we’a etu yau mangansabi paporongo nu galung nsira. Wali ane ratamo temponya, sira yau damangantomu tau to langkai to darapaporongo see maya sindara-ndara pei ia masua ri roa mangalulu ada ngkita. Tempo sira yau etu sira mangangkeni pansona samba’a pei samba’a.

Sura Magali Nuntu Ngkatuwu

¹ “Ane ratamo i Ana Manusia mampatongawa Poparenta mPue Ala, katedikanakanya daʼewa nuntu mporapa seʼi: sampuyu anaweʼa njoʼu mantomu tumpu ngkoro anu da ndawawa, wungka-wungka tau seʼe mangkeni pelita.

Matius 25:1 Referans Kwoze

Pangkita 19:7

Wali anu kita mampakasanang pasi ndende rayanta pasi mangabarong keyawaNya, apa ratamo temponya pampaporongo Ana nu Domba, pasi kasimpandeNya roomo mampasilonga koronya.

Pangkita 21:9

Wali ojo karoonya Ia magombo, panewa ma’i wo’u pomakau i mPue Allah. Ia samba’a yako ri pomakau pitu to mangkongko yama pitu to la’u pitu soba to kapuranya. Wali pomakau etu magombo resi aku, ia manganto’o, “Mai, aku damampaporaoka korom Kasimpande nu Ana Domba, etu semo ia to damawali rongonya.”

Pangkita 21:2

Pasi aku re’e seja mangkita kota to mapasing, to tudumaka yako resi i Pue Allah ndate saruga. Kota etu semo Yerusalem to bou. Pasi kota etu rapasilonga ewa raika mampasilonga tau we’a to mampake baju to magaya kojo yau mangantomu to langkai to danaporongo.

Yohanes 3:29

“Palaong to mawali etu raporapaka ewa tau to marongo. Apa to langkai ia semo to rapasiwaka pei to we’a, wali to we’a etu ia puenya. Pei galung nto langkai etu, ia masanang ojo mangalo’aka pasi mampodongeka palaong to mawali ri tempo mpaparongo etu. Pasi ia ndende kojo rayanya tempo ia mangandonge gombo ngkai to rapaporongo etu. Wali i Yesu Ia ewa to langkai to rapaporongo etu pasi tau to mangalulu Ia, sira ewa to we’a to naoko nto langkai etu, wali sira Ia puenya. Pasi aku ewa galungiNya, see naka aku ndende kojo rayangku mangandonge Ia mampogomboka tau boros ri tempo si’i.

Matius 13:24

Wali yako etu i Yesu manganto’oka wo’u tau boros rapa, to’oNya, “Palaong i mPue Allah tempo Ia mawali Makole nto lino maya raporapaka ewa si’i. Rapanya re’e samba’a to panawu to mangansawu pae to matao nja’u nawunya.

Pangkita 14:4

Tau etu tau to tare mangika palaong to mampakarikasika raya nsira apa sira tare magoyal bara masala resi to we’a apa sira nakurang manta’amaka rayanya. Sira ojo mangaluluka kojo Ana nu Domba. Imba nakanjo’u nu Ana Domba etu, sira njo’u seja. Pasi sira semo to naoli i mPue yako ri oyo nto lino. Sira mawali i Pue Allah Puenya pasi Ana nu Domba Puenya, ewa pae to uyunya rapota to rapampueka resi i Pue Allah.

Titus 2:13

Wali anu kita mangika palaong to etu ri tempo si’i, tempo kita masanang mangampeas eonya to kita mampobuu-buuka etu. Etu semo kama’i i Yesu Kerisitu. Ia Allah anu makuasa pasi to Pansompo ngkita. Tempo Ia dama’i etu miyala kojo kayawaNya.

Matius 22:2

“I Pue Allah mawali Makole nto lino maya raporapaka ewa si’i. Rapanya re’e samba’a makole to mangika roa tempo paporongo nu ananya to langkai.

2 Timotius 4:8

Wali si’i-si’i re’e dalengku to mangampeas aku ndate saruga. Dale etu raporapaka ewa so’o mbo’o to meyawa to darawaika tau to singkonong pei i Pue Allah. Wali dale to etu danawaika i mPue aku ri temponya darapangabotus. I Pue Ia to pobotus to sangkani mangika ewa to Ia room manganto’o, pasi Ia semo to damangawaika aku dale etu. Pei si’a ojo aku to damangarata dale etu, samparia tau to mawongko rayanya mangampeas kama’i i mPue paka damangarata seja dale etu.

Matius 3:2

Ia manganto’oka sira, “Pojeamo, apa mosumo temponya i Pue Allah damawali Makole ri lino.

1 Korintus 11:2

Wali a’i-a’i, aku mangabarong komi apa ri rayanya samparia to mawali komi sangkani mangendo aku. Pasi komi sangkani mangaluluka kojo anu to roomo kuporata resi komi seore.

Matius 20:1

Wali yako etu i Yesu manganto’o wo’u rapa, Ia manganto’o, “Palaong to mawali resi to lino to Makolenya i Pue Allah, palaong etu maya raporapaka ewa si’i. Rapanya re’e tau pue nawu anggur to wuro-wuro mako maliwu tau to danabayar damapalaong nja’u nawu anggur to si ia.

Matius 13:47

“Wali mangkonong i Pue Allah mawali Makole nto lino, palaong etu raporapaka seja ewa jala to napake nto panjala. Wali jalanya etu nasoumaka nsira lo’u raya ndano pei mangoko malagi bau to mpangaya-ngaya. Panewa ane bukemo, jala etu narebu muni nsira njo’u towo ndano. Roo see to panjala matunda pei mangampilis bau to matao pei mamposaka ri raya ntampanya. Pei bau to taa matao rakoni ojo nataji yau nsira.

Matius 13:38

Wali nawu, etu semo lino si’i, pasi pae to matao, batuanginya tau to mawali Makolenya i Pue Allah. Pasi bali nto panawu to mangansawu wua nu lee, ia semo i Kepala nto pantipu. Panewa lee etu batuanginya tau to naporentang i ngKepala nto pantipu etu. Wali temponya mamota, batuanginya tempo danakarata i mPue damampasiromunaka samparia tau darabotus, pasi tau to mamota batuanginya pomakau i mPue Allah yako ri saruga.

Pangkita 4:5

Wali yako nja’u gadera Makole to ri tongonya etu, masuwu bilak kreto. Pasi ri tango nggadera etu re’e pitu suyu to mawea. Suyu etu semo tondong pitu nosa i mPue Allah.

2 Korintus 11:2

Apa aku mamporayang komi, wali see naka aku timopo mampobuuka komi bara damangaluluka songka ntau to taa singkonong pei kareba matao. Wali aku kunsani katimopongku etu singkonong pei i Pue Allah. Apa komi raporapaka ewa tau we’a to tawa re’e nepenya to langkai. Pasi aku raporapaka ewa pa’a ngkomi to roomo mamporanika komi see komi mangkasimpandeka samba’a tau to damawali rongomu. Etu semo i Kerisitu. Wali pamporaningku komi ojo i Kerisitu semo to nululu ngkomi see komi tiroo ewa tau we’a to tawa nepenya to langkai ane ratamo temponya aku mampasiwaka komi pei Ia.

Matius 9:15

Wali i Yesu mangansono gombo etu, Ia rani sira mangansani taa masipato anaguruNya mangorop tempo Ia tiroowa re’e resi sira, wali Ia manganto’o rapa mangkonong to langkai to darapaporongo pasi mangkonong galung ngkai etu Wali Ia mangamporapaka anaguruNya ewa galung nto langkai to darapaporongo etu. Ia manganto’o, “Wimba, ane re’e roa mpaporongo, ane galung nto langkai to darapaporongo sira tiroowa mampakasanang sindara-ndara pei ia ri roa etu, wimba galunginya etu bara mangorop, bara taa? Taa kojo saba masanang! Pei ane tongo-tongonya sira mampakasanang etu, panewa kodi majoli rata bali ngkai to darapaporongo etu pei mangkeni yau ia, tempo etu semo panewa galunginya damangorop saba masusa raya nsira. Wali ewa see seja anagurungKu. Apa darata temponya Aku danakeni yau nu balingKu yako ri oyo nu anagurungKu etu, wali tempo etu semo sira damangorop.”

Matius 5:16

Wali ewa naika mpansona etu mampakareme banua, ewa see seja lengko ngkatuwu ngkomi nakita ntau boros. Wali ika palaong to matao see sira damangkita pasi damangabarong Pa’a ngkomi to ndate saruga.” Wali etu semo rapa to nato’oka i Yesu sira.

Matius 13:31

Wali yako etu i Yesu manganto’oka wo’u tau boros rapa, Ia manganto’o, “Palaong to naika i mPue Allah ri lino see Ia maya mawali Makole nto lino maya raporapaka ewa si’i. Rapanya re’e wua mpinamuya to rato’oka sesawi to nasawu nto panawu nja’u nawunya. Wali wua sesawi etu ia to mayunu kojo pei wua mpinumuya to yusa, pei ane rasawu pei tuwumo, tempo etu ia semo to bose-bose pei pinumuya to yusa. Wali sesawi etu mawali kaju to bae see naka tonsi maya mangika sea nja’u oyo nda’anya.” Wali ewa wetu nato’o i Yesu mangkonong i Pue Allah mawali Makole ri lino. Tempo si’i tawa boros tau to Ia Makolenya, pei kanjo’u-njo’u kaboro-boros tau to mawali Ia Makolenya.

Matius 25:7

Wali ngana we’a to sampuyu etu sira mambangu pei mampasilonga muni pansonanya.

Yohanes 18:3

Wali i Yudas yau seja njo’u nawu etu apa ia mampondayaka i Yesu bara nja’u nja’u ria. Tempo ia yau, ia mangangkeni santalenga tentara nto Roma pasi sawei mba’a tau to palaonginya mangajagai banua i mPue Allah. Tau etu napokau ngkepala-kepala nto pampue pasi to Yahudi to aliran Parisi. Wali tempo sira yau etu, sira mangkeni pansona, suyu, wada pasi pampomobak.

Pangkita 8:10

Panewa yako etu pomakau to katogo ia mantawuis seja tarompet to si ia. Tempo ia mantawuis etu, samba’a batu’e to bae kojo maranta yako ndate yangi. Tempo batu’e etu maranta, ia mawea ewa suyu. Wali ia tudu ri wawonya santila togo yako ri koro nue pasi ri mata nue.