Matius 24:24 - Tuntu i mPue ri Basa Taa

²⁴ Apa ri tempo etu boros tau to damangawutis tau, sira manganto’o, ‘Aku semo i Kerisitu, Makole parajanji i mPue Allah.’ Pasi re’e seja to manganto’o, ‘Aku semo to pantuntu tuntu i mPue Allah.’ Tau etu sira damangika palaong to taa rapobiasa to mawali tondong resi tau, pasi palaong to mampakaipu raya ntau. Sira mangika palaong to etu apa sira mampobuuka bara maya mangantipu yau tau, nempo tau to natipu etu tau to roomo napilis i mPue Allah.

Sura Magali Nuntu Ngkatuwu

²⁴ Maka da rata waʼa ntoponcorepaka anu kambamba-mbamba pai waʼa nabi anu kambamba-mbamba. Tau seʼe da mawianaka waʼa mpowia anu ndapojingki, pai waʼa tanda ngkuasa da napetengosika, sako waʼa ntau i mPue Ala seʼe da natengosi.

Matius 24:24 Referans Kwoze

Markus 13:22

Apa ri tempo etu boros tau to damangawutis tau, sira manganto’o, ‘Aku semo i Kerisitu, Makole parajanji i mPue Allah.’ Pasi re’e seja to manganto’o, ‘Aku semo to pantuntu tuntu i mPue Allah.’ Tau etu sira damangika palaong to taa rapobiasa to mawali tondong resi tau, pasi palaong to mampakaipu raya ntau. Sira mangika palaong to etu apa sira mampobuuka bara maya mangantipu yau tau, nempo tau to natipu etu tau to roomo napilis i mPue Allah.

Matius 24:11

Pasi boros to pantuntu tuntu to taa monso to damasuwu tempo etu. Sira damangantipu boros tau.

Matius 7:15

.“Wali jagai kojo, apa re’e to pantuntu tuntu to taa monso. Sira mampoanika tau to matao to raporapaka ewa domba. Pei kamonsonya sira ewa asu maila to maja’a kiranya.

Matius 24:5

Apa dama’i boros tau to damampoanika Aku, sira damanganto’o samba’a pei samba’a, to’onya, ‘Aku semo i Makole parajanji i mPue Allah.’ Wali malagi tau to danatipu nsira.

2 Petrus 3:17

Wali a’i-a’i to kuporayang, komi manasa yami mangkonong palaong to naika ntau etu. Wali see naka jagai kojo naka ne’e komi mangaluluka yau anu to sala to nato’o ntau to maja’a etu. Apa ane komi na’akal nsira, pangaya ngkomi tamo damaroso.

Pangkita 19:20

Pei taa mawali apa binatang to maja’a etu rasoko sindara-ndara pei to pantuntu tuntu to taa monso. To pantuntu tuntu etu mangampake kuasa yako binatang etu tempo seore mangika palaong to taa rapobiasa. Ia mangantipu tau to re’e tondong binatang to maja’a pasi to mampue tau-tau binatang etu. Wali see naka binatang to maja’a pasi to pantuntu tuntu to taa monso etu sira dua rasoko panewa rataji yau lo’u raya ndano nu apu to la’u sedawa to mawea la’u ria.

1 Yohanes 5:18

Wali kita tansani i sema-sema tau to nawaika i mPue Allah katuwu to bou pasi to maroo masingkatao pei Ia, tau etu taa mangika dosa. Pasi tau etu, katuwunya nararamaka kojo i Yesu, Ana i mPue Allah, see naka tare to maya danaika i ngKepala nto pantipu resi ia.

2 Timotius 2:19

Pei nempo ewa see, i Yesu Kerisitu tare pombaliNya. Ia raporapaka ewa pondasi to naika i mPue Allah maroso kojo. Wali pondasi etu mawali tondong to manganto’o, “I Pue mangansani tau to Ia Puenya.” Pasi tondong etu manganto’o seja, “I sema-sema tau to mampongakung mampue mampakabae i Pue, tau etu taa masipato ane mangika palaong to maja’a.”

Yohanes 6:39

Wali pamporani mPa’angKu to nampokau Aku, etu semo Ia rani Aku mangararamaka kojo samparia tau to isarumakakaNya resi Aku, see samparia sira darapalaes. Kasimbalinya yako etu, Ia rani Aku mangawangu muni samparia tau etu yako ri kapatenya ane rata ri kapuranya temponya to si’i. Apa ane ewa pamporani to si Ia, etu semo samparia tau to mangansani i sema kamonsonya Aku to AnaNya, pasi to mangaya Aku, tau etu damangarata katuwu to singkasaenya.”

Yohanes 6:37

Pei re’e tau to yusa to dama’i mangalulu Aku. Tau etu semo tau to nasarumakaka mPa’angKu Aku. Pasi samparia tau to ma’i mangalulu Aku etu, Aku taa kojo damangarubak yau.

1 Petrus 1:5

Wali apa saba pangaya ngkita, see naka kuasa i mPue Allah mangararamaka kita sampe rata temponya Ia damampalaes kita yako ri lino madosa si’i. Wali songka i mPue Allah damampalaes kita etu, songka etu darapapokitaka ane temponya mosumo danakarata i mPue. Wali masipato kita mangabarong i Pue Allah.

Galatia 4:15

Ndende kojo raya ngkomi tempo etu. Pasi aku kunsani bae kojo pamporayang ngkomi resi aku seore, apa pasiwa mangayali yau mata ngkomi damangabolos matangku to maja’a, ane rapanya mawali raika ewa wetu, buya seja raya ngkomi. Wali maka pei pura yau kandende ndaya ngkomi etu?

Roma 12:18

Ane re’e kasusa to mawali ri oyo ngkita ne’e kita semo to bo’onta masingkatao muni pei yunu ngkita. Anu kita rani tuwu masingkatao pei yunu ngkita samparia.

Palaong mPomakau i mPue Yesu 20:16

Ewa pampobuuka i mPaulus ia taa rani liu mandoo nja’u kota Epesus apa ia mampobuuka ane mandoo nja’u ria ojo pura yau temponya ri propinsi Asia. Naka pei ia taa rani ewa see apa ia mangansongka dayau ndeku Yerusalem see ane bara maya ia nda’a nda’a ria ri katawanya temponya Roa Pentakosta.

Matius 22:14

Wali naka pei Aku manganto’oka komi rapa etu, apa boros tau to rasale damawali tau to Makolenya i Pue Allah pei taa boros to rapilis apa taa boros to mampolaika Ia.”

Matius 24:22

Pei nempo mapari kojo kasesa etu, pei i Pue Allah damamporayang tau, see naka Ia damanganto’o, ‘Aku taa damangabiaka tau etu masae kojo mangarata kasesa. Wali Aku damampakapodo tempo ngkasesa etu.’ Wali etu semo to danaika i mPue Allah. Apa ane Ia taa mangika ewa wetu, tare to lino to darapalaes yako ri kasesa etu. Wali i Pue Allah mampakapodo tempo ngkasesa etu apa Ia mamporayang tau to Ia roomo mangampilis.

Matius 24:25

Wali padongeka kojo, apa Aku roomo mampakanasaka yami komi palaong to damawali ri tempo etu see komi taa daratipu mangkonong temponya Aku dama’i wo’u.

Matius 24:31

Tempo etu loo ntarompet to maroso kojo daradonge, pasi tempo etu semo Aku damampokau pomakaungKu yako ndate saruga yau damampasiromunaka tau to Aku room mampilis. Sira damampasiromunaka tau etu yako ponto lipu ri sambawo lino. Bara imba-imbare lipu ntau to Kupilis etu, yako nja’u ria sira darapasiromunaka.”

Lukas 18:7

Wali ane to pobotus to maja’a etu pei mangansawang tau, taa manto’o i Pue Allah. Ia mansaka damangansawang tau to Ia roomo mangampilis to wuri eo makai-kai marapi sawang resi Ia. Ia taa damangampeas mampasimbalika sira.

Yohanes 4:48

Wali i Yesu manganto’oka ngkai etu, “Maka pei tare komi to mangaya Aku ane taa mangkita ruyu palaong to taa rapobiasa to mampakaipu raya ngkomi pasi to mawali tondong resi komi?”

1 Yohanes 2:18

Wali ngana-ngana, tempo si'i semo temponya mosumo danakarata i mPue. Pasi komi roomo rapotundeka mangkonong bali i ngKerisitu to dama'i ane ratamo tempo etu. Wali tempo si'i ratamo bali i ngKerisitu malagi kojo. Wali yako palaong to etu see naka manasa resi kita ratamo temponya mosumo danakarata i mPue.

1 Yohanes 2:22

Wali ane mangkonong wuti, sema kamonsonya to mawuti? Etu semo tau to manganto'o, "I Yesu, Ia si'a i Kerisitu, Makole Parajanji i mPue Allah." Wali tau to ewa wetu gombonya, tau etu semo bali i ngKerisitu apa ia mampobo'o i Pue Allah, Pa'a ngkita, pasi AnaNya.