Matius 24:14 - Tuntu i mPue ri Basa Taa

¹⁴ Pasi kareba matao si’i mangkonong ewa wimba i Pue Allah damawali Makole nto lino darapakarebaka njo’u sambawo lino see tau samparia bansa maya mangansani. Wali ojo karoonya tau samparia bansa mangandonge kareba matao etu panewa darata kapuranya temponya to si’i.”

Sura Magali Nuntu Ngkatuwu

¹⁴ Pai Nuntu ngKatuwu kono Poparenta i mPue Ala da ndapobambarika ri sambawo lino da naka pura-pura tau mangadonge. Roo setu nepa da kiama.”

Matius 24:14 Referans Kwoze

Pangkita 14:6

Wali yako etu, aku mangkita wo’u samba’a pomakau i mPue Allah mayoko malangan kojo ndate rao. Wali pomakau etu ia mangkeni kareba matao to singkasaenya. Ia mampakarebaka kareba matao etu resi tau ri sambawo lino, etu semo njo’u ponto-ponto paporenta, pasi ponto-ponto suku, pasi ponto-ponto basa pasi ponto-ponto bansa.

Roma 10:18

Pei aku mampotanaka, “Wimba, to Yahudi bara taa mangandonge kareba matao? Nadonge kojo! Apa re’e to ratulis ri raya ntuntu i mPue Allah to manganto’o, “Loo ntau to mampakarebaka kareba matao nadonge ntau ri sambawo lino. Pasi gombo nsira natikareba rataka ri suogi lino.” (Masmur 19:4) Etu semo to ratulis, wali manasa sira re’emo mangandonge kareba matao.

Lukas 24:47

Pasi re’e seja gombo to ratulis to manganto’o saba yako kuasa i ngKerisitu, see naka tau damampakarebaka resi sa’e manganto’oka sira, ‘Pojea see dosa ngkomi tamo danakitanaka i mPue Allah.’ Wali kareba etu darapakarebaka ri kota Yerusalem ruyu panewa yako etu kareba etu darapakarebaka resi samparia bansa nto lino.

Kolose 1:23

Ewa wetu damawali resi komi ane komi tare pandoonya mangaya i Pue see raya ngkomi mawali maroso pasi rodo. Pasi ne'e bata-bata raya ngkomi mansarumaka anu to nato'o ngkareba matao to nudonge ngkomi seore. Masipato komi mansarumaka kareba matao, apa kareba matao etu, etu semo kareba matao to roomo rapakarebaka resi samparia tau ri sambawo lino. Pasi naka pei aku mawali to papolaong see damampakarebaka kareba matao etu. Wali masipato kojo komi mansarumaka kareba etu.

Matius 10:7

Wali ri raya mpalinja ngkomi, pakarebaka kareba to si’i, manganto’o, ‘Daratamo temponya i Pue Allah damawali Makole ri lino.’ Etu semo kareba to danupakarebaka ngkomi.

Matius 9:35

Wali yako etu i Yesu yau malinja-linja njo’u samparia kota-kota pasi kampu-kampu nja’u ria. Ri raya mpalinjaNya etu Ia mampotundeka tau ri banua-banua to napampotunde nsira. Ia mampakarebaka sira kareba matao mangkonong ewa wimba i Pue Allah damawali Makole nto lino. Pasi Ia mampakatao muni samparia tau to masaki pasi to mayu’u wukunya, nempo panyaki to kesaa to re’e resi sira.

Kolose 1:6

Wali komi mangandonge kareba matao etu seore pasi mawali manasa mangkonong ewa wimba kamonsonya kanoto i mPue Allah. Panewa yako etu kanjo’u-njo’u kaboro-boros komi to mangaya pasi to rawali lengko ngkatuwumu. Pasi palaong to mawali resi komi etu, palaong etu mawali seja ri sambawo lino tempo tau mangandonge kareba matao. Wali kareba matao etu maya raporapaka ewa kaju to boros wuanya.

Matius 24:6

Pasi tempo Aku tawa ma’i muni, tempo etu komi damangandonge seja kareba mangkonong tau masimusu re’e lipu to mosu pasi re’e lipu to longko seja. Pei tempo komi mangandonge kareba etu, ne’e masusa apa palaong to etu yako ri songka i mPue Allah wali taa maya taa mawali. Pei ane tempo etu si’awa temponya to dapura samparia.

Matius 4:23

Wali yako etu i Yesu mangalinjak propinsi Galilea. Ia mampotunde nja’u banua-banua to napampotunde nto Yahudi, pasi Ia mampakarebaka resi samparia tau kareba matao mangkonong ewa wimba i Pue Allah damawali Makole nto lino. Pasi Ia mampakatao muni tau boros nempo panyaki kesaa to re’e resi sira.

Palaong mPomakau i mPue Yesu 17:6

Pei tempo sira yau ri banua i Yason etu, sira taa mangarata i Paulus dua i Silas, wali sira mangansoko i Yason pasi bara sawei mba’a pua’inya to samba’a pangaya. Sira mangaditi i Yason pasi yununya etu rata ri tango nto pobotus nu ngkota etu. Sira manganto’o, “I Paulus pasi yununya mampakasusa tau juku ri lino si’i, pasi si’i-si’i naratam seja ri lipu ngkita damampakasusa seja kita.

Pangkita 3:10

Wali Aku damangararamaka komi ane ratamo temponya pansoba to damangansoba samparia to lino, apa komi re’e mampolaika porentangKu to manganto’o pakabae sabaramu ri raya ngkasusa to nurata ngkomi.

Palaong mPomakau i mPue Yesu 20:25

Wali a’i-a’i, aku roomo mampakarebaka resi komi samparia mangkonong tempo i Pue Allah mawali Makole nto lino. Pei si’i-si’i aku kunsani yako tempo si’i komi tamo damangkita wo’u aku.

Matius 24:3

Wali yako etu i Yesu yau nto’u Tongku Saitun. Rata ndate ria Ia matunda-tunda ndate rapa ntongku etu. Tempo Ia matunda ndate ria, kami to anaguruNya yau mangampago Ia tempo tare tau to yusa. Kami manganto’o, “To’oka kami, bara mpia temponya danapowali anu to Komi room manganto’oka kami mangkonong banua i mPue Allah darapakaja’aka yau? Pasi kesaa damawali tondong resi kami mangkonong kama’i ngKomi pasi mangkonong kapuranya temponya to si’i?”

Pangkita 16:14

Nosa togo etu semo nosa measa to mangika palaong to taa rapobiasa to mawali tondong resi tau. Wali nosa etu yau damampasiromunaka makole-makole yako ri sambawo lino yau damamusu ane ratamo temponya eo bae, etu semo eo to rato’oka Eo i mPue Allah anu Makuasa.

Lukas 4:5

Wali yako etu i Kepala nto pantipu mangkeni i Yesu nto’u rapa ntongku to malangan. Ojo karata nsira ndate ria, ri rayanya sampida mata ia mangansuduka i Yesu samparia lipu ntau to nakuasang makole.

Palaong mPomakau i mPue Yesu 1:2

rataka ri temponya i Pue Allah mangangokotaka muni Ia nto’u Saruga. Tempo Ia tawa natiokotaka etu, Ia magombo yako ri kuasa i Nosa Mapasing, mampaposiaka anaguruNya to ipilisiNya.

Palaong mPomakau i mPue Yesu 11:28

Samba’a sira sanganya i Agabus. I Agabus etu makore panewa yako kuasa i Nosa Mapasing ia manganto’o yami mangkonong oro to mapari kojo to damawali ri sambawo lino. (Palaong etu nawali tempo i Klaudius mawali makole ri tana Roma.)

Matius 18:19

“Wali ewa si’i seja dakuika mampakanasaka resi komi iPue Allah dasingkonong resi komi ane komi samba’a pampobuuka ngkomi. Wali rapanya re’e nempo ojo dua mba’aja komi to makai-kai resi Pa’angKu ndate saruga, pasi komi samba’a pampobuukamu mangkonong anu to nuporapi ngkomi resi i Pue Allah etu, ane ewa see Ia damangabanang pokai-kai ngkomi etu.

Lukas 2:1

Wali ri tempo kare’e i Yohanes etu, tempo etu re’e porenta yako resi i Kaisar Agustus, makole nto Roma. Ia manganto’o samparia tau ri lino to re’e ri ara ngkuasanya daratulis sanganya see nansani patanya kaborosinya tau etu.

Markus 13:10

Pasi kareba matao mangkonong Aku taa maya taa darapakarebaka ruyu resi tau samparia bansa panewa darata kapuranya temponya to si’i.

Palaong mPomakau i mPue Yesu 17:31

Naka pei Ia manganto’o ewa wetu apa Ia room mampakatantu temponya darapangabotus to lino. Pasi re’e samba’a tau, i Yesu semo, to napilis i mPue Allah mangabotus to lino etu, wali Ia damangabotus to lino singkonong pei anu to masipato raika. Wali i Pue Allah room mampakanasaka resi samparia kita to lino monso pu’u Ia damangika palaong etu. Wali anu to inikaNya mampakanasaka kita, etu semo Ia mangawangu muni i Yesu etu yako ri kapateNya.”

Palaong mPomakau i mPue Yesu 19:27

Wali aku meka rayangku ane tau bara mangaluluka yau gombonya etu sira tamo danaporani mangoli tondong banua i Artemis to kita mangika etu. Sira damanto’o maja’a palaong ngkita si’i pasi damanganto’o seja tare batuanginya banua to nakayako ntau mampue resi pue to we’a Artemis to bae angganya etu. Pasi ane ewa see, sakowa pue Artemis to napue ntau juku ri propinsi Asia pasi juku ri lino, ia danapobuuka ntau tare batuanginya.”

Ibrani 1:6

Pasi re’e wo’u to nato’o i mPue Allah, etu semo tempo i Pue Allah mampokau AnaNya to tu’anginya ma’i ri lino, tempo etu Ia manganto’oka pomakauNya, “Samparia komi taa maya taa mampue mampakabae AnangKu etu.” (Ulang 32:43, LXX)

Ibrani 2:5

Wali ane mangkonong pomakau i mPue Allah, si’a pomakau i mPue Allah to Ia mangawaika mangkuasang lino to darata, to kami manganto’o si’i.