Matius 24:13 - Tuntu i mPue ri Basa Taa

¹³ Pei tau to mangainsoka kasesa etu sampe rata tempo kapuranya, tau etu darapalaes pei damangarata katuwu to singkasaenya.

Sura Magali Nuntu Ngkatuwu

¹³ Paikanya tau anu todo rantani ri kapusanya da ndasorepaka.

Matius 24:13 Referans Kwoze

Matius 10:22

Pasi ane komi, samparia tau damaja’a nakita komi apa saba komi mangalulu Aku. Pei i sema-sema tau to mangainsoka kasesa to ewa wetu sampe rata tempo ngkapuranya, tau etu darapalaes.

Pangkita 2:10

Wali komi darasesai, pei ne’e meka mampobuuka kasesa to danurata ngkomi etu. Padongeka gombo si’i. I Kepala Measa damangantarungku singga’a komi see komi daraparesa. Pasi komi darasesai sampuyu mbengi kasaenya. Wali pakaroso raya ngkomi mangalulu Aku nempo rapopate yau apa saba komi mangalulu etu. Apa ane komi mangika ewa see, Aku damangawaika komi katuwu to raporapaka ewa so’o mbo’o to meyawa.

Markus 13:13

Pasi komi seja, boros kojo tau to maja’a danakita komi apa saba komi mangalulu Aku. Pei tau to mangainsoka kasesa etu sampe rata tempo kapuranya, tau etu darapalaes pei damangarata katuwu to singkasaenya.”

Ibrani 10:39

Pei kita si’a ewa tau to mangandolika tangonya etu panewa rapakaja’aka yau. Kita tau to mangaya i Pue semo wali kita rapalaes yako kapate.

Ibrani 3:14

Apa kita samparia mangarata seja samparia to narata i ngKerisitu ane kita mampakaroso pansarumakanta to re’e resi kita tempo owo mula mangaya see tare pombalinya rataka temponya kita mate.

Roma 2:7

Wali re’e tau to sangkani mangika lengko to matao apa sira rani nabarong pasi na’angga i mPue Allah pasi rani mangarata katuwu to tare kapuranya. Ane tau etu, i Pue Allah damangawaika sira katuwu to singkasaenya.

1 Korintus 1:8

Pasi Ia damampakaroso raya ngkomi rataka ri kapuranya temponya to si’i. I Nosa Mapasing damampakaroso raya ngkomi see komi tare to maya rapakasala ane ratamo temponya i Yesu Kerisitu, Pue ngkita, dama’i wo’u.

Lukas 8:15

Pei ane liano to rasawu kono ri tana to maboko, tana etu batuanginya tau to matao pasi manoto to mampodongeka kojo tuntu i mPue Allah pei mampalaika. Wali tau etu tare pandoonya mangalulu tuntu i mPue Allah etu see naka pangaya nsira raporapaka ewa pinumuya to mawali kojo wuanya.” Wali ewa wetu nato’o i Yesu mampakanasaka anaguruNya batuanginya rapa mangkonong liano etu.

Matius 24:6

Pasi tempo Aku tawa ma’i muni, tempo etu komi damangandonge seja kareba mangkonong tau masimusu re’e lipu to mosu pasi re’e lipu to longko seja. Pei tempo komi mangandonge kareba etu, ne’e masusa apa palaong to etu yako ri songka i mPue Allah wali taa maya taa mawali. Pei ane tempo etu si’awa temponya to dapura samparia.

Matius 24:12

Wali tempo etu kanjo’u-njo’u kapari-pari kaja’a nu lengko ntau. Wali see naka boros tau to tamo nakurang mamporayang sa’e.

Lukas 21:19

Wali ne’e mosa mangalulu Aku, apa ane komi maroso pangayamu resi Aku, ane ewa see komi damangarata katuwu to monso.”