Matius 23:8 - Tuntu i mPue ri Basa Taa

⁸ “Pei ane komi, ne’e mangabiaka yunu ngkomi manganto’oka komi, ‘Pa’a Guru,’ apa komi moa’i, pasi Guru ngkomi samba’aja.

Sura Magali Nuntu Ngkatuwu

⁸ Paikanya komi neʼe ndipokono da napebooka ntau, ‘Guru’, maka Gurumi podo sambaʼaja, pai komi pura-pura tau sangkompo.

Matius 23:8 Referans Kwoze

Yakobus 3:1

Wali a’i-a’ingku, ane mangkonong gombo ngkita, kamonsonya kita samparia paka malagi sala to taika. See naka to tao-tao taa boros kita to rani mawali tau to mampotundeka sa’e tuntu i mPue Allah. Apa ane ratamo temponya kita darabotus, tempo etu kami to mampotundeka sa’e tuntu i mPue Allah, palaong mami semo to danaparesa kojo nto Pobotus. Pei ane mangkonong gombo ngkita, si’a ojo tau to mampotundeka sa’e to masipato mangajagai gombonya, samparia kita. Wali ane rapanya re’e samba’a kita to taa kojo re’e gombonya to sala, tau etu tau to masilonga. Pasi tau etu nakoto mangkuasang samparia saga ngkoronya.

1 Petrus 5:3

Pasi tau to rasarumakaka resi komi, ne’e mangika ewa mamporentang sira. Pei to tao-tao komi mawali tondong to masipato nalulu nsira.

Lukas 22:32

Pei Aku roomo mampokaika korom, Simon, see korom taa dapura kojo pangayamu. Korom damangandolika tangomu yako resi Aku pei tempo korom mangandolika muni tangomu resi Aku, tempo etu pakaroso pangaya nu yunumu si’i.”

Matius 23:10

Pasi ne’e seja mangabiaka yunu ngkomi manganto’oka komi, ‘Kepala,’ apa samba’aja Kepala ngkomi, etu semo i Kerisitu, Makole parajanji i mPue Allah.

Matius 17:5

Pei tempo i Petrus tongo mpagombonya etu, tempo etu re’e limu to makilo to tudu mangangkumuti yau sira ndate rapa ntongku etu. Pasi kodi majoli sira mangandonge loo yako ri raya limu etu, loo etu manganto’o, “Si’imo anangKu. Aku mamporayang kojo Ia pasi Aku masanang kojo resi Ia. Wali padongeka kojo gomboNya.”

Pangkita 1:9

Wali aku semo i Yohanes, a’i ngkomi to samba’a pangaya. Komi rasesai apa saba mangalulu i Yesu, pasi aku seja rasesai sewaju pei komi. Pei ri raya ngkasesa etu kita samparia re’e sabara to nawaika i Yesu kita, pasi kita mangampeas temponya Ia damawali Makole ri lino. Wali aku raposaka ri pulo Patmos apa maja’a raya ntau tempo aku mampakarebaka tuntu i mPue resi tau pasi manganto’oka sira kareba matao mangkonong i Yesu.

Pangkita 22:9

Pei ia manganto’oka aku, “Ne’e mampue resi aku. Pampue resi i Pue Allah! Apa aku seja to papolaong i mPue, sewaju pei korom pasi sewaju pei a’i-a’i ngkorom, etu semo to pantuntu tuntu i mPue Allah, pasi sewaju pei samparia to mangaluluka gombo to re’e ratulis ri raya buku si’i.” Etu semo to nato’oka mpomakau etu aku.

Pangkita 19:10

Wali yako etu aku madungku yau ri tana ri tango mbiti mpomakau etu damampue mampakabae ia. Pei ia manganto’oka aku, “Ne’e mampue mampakabae aku, pampue resi i Pue Allah. Apa aku seja to papolaong i mPue sewaju ewa korom pasi ewa a’i-a’imu to mangangkongko seja anu to napotundeka i Yesu. Apa anu to napotundeka i Yesu, etu semo anu to nato’oka i Nosa Mapasing to pantuntu tuntu i mPue Allah tempo owi.

Epesus 3:15

Pasi aku seja manganto’oka Ia Pa’a. Naka pei aku manganto’oka Ia Pa’a, apa kita samparia, nempo to ndate saruga pasi to re’ewa ri sambawo lino, kita samparia samba’a Pa’a.

2 Korintus 4:5

Wali etu semo sabanya naka pei sira taa mangaya kareba to ipakarebaka mami etu, si’a saba kareba etu taa matao. Apa anu to ipakarebaka mami resi tau, si’a mangkonong koro mami. Kami mampakarebaka resi tau mangkonong anu to monso, etu semo i Kerisitu Yesu, Ia semo Pue. Pei to kami manganto’o mangkonong kami tempo mampakareba kareba etu ojo si’i, kami rapokau resi komi damawali to papolaong ngkomi apa saba palaong to naika i Yesu. Wali ewa wetu gombo mami.

2 Korintus 1:24

Pei nempo manganseko komi, si’a batuanginya kami mampobuuka kami semo pue ngkomi pasi komi to papolaong mami. Kami taa rani mangkuasang pangaya ngkomi, apa pangaya ngkomi etu maroso yami. Pamporani mami mangansawang komi see daradugang wo’u kandende ndaya ngkomi.

Matius 10:25

Wali masipato anaguru masanang ane lengkonya sewaju ewa lengko nu gurunya. Pasi masipato to papolaong masanang ane lengkonya sewaju ewa lengko ntau puenya. Wali Aku, to raporapaka ewa pue banua, Aku roomo nato’oka ntau i Beelsebul, Kepala Measa semo. Wali ane ewa see, taa manto’o komi to raporapaka ewa tau to maroo ri raya banuangKu. Maja’a wo’u sanga to danato’oka ntau komi.”

Matius 23:7

Pasi sira masanang kojo natabea ntau tempo sira yau njo’u pasar, pasi masanang seja nato’oka ntau, ‘Pa’a Guru.’

Matius 26:25

Wali i Yudas to damamposora yau Ia etu, ia manganto’o seja, “Bara si’anya aku, Pa’a Guru?” Pei i Yesu mangansono, “Ewa wimba panto’omu.”

Markus 9:5

Wali tempo sira togo mangkita etu, i Petrus manganto’oka i Yesu, to’onya, “Guru, masanang kojo kita apa re’i rire. Ane maya kami damangika togo kandepe. Samba’a raikaka Komi, pasi samba’a raikaka i Musa, pasi samba’a wo’u raikaka i Elia.”

Markus 10:51

Wali ojo karatanya ri awe i Yesu, i Yesu mampotanaka resi tau buta etu, Ia manganto’o, “Kesaa to nuporani ngkorom daKuika resi korom?” Wali ngkai buta etu mangansono, “Pue, aku rani matao muni matangku.”

Markus 11:21

Wali i Petrus mangendo muni gombo i Yesu mampogomboka kaju etu, wali ia manganto’oka i Yesu, “Pa’a Guru, lo’a! Kaju ara to natanaa ngKomi etu mangau yaumo.”

Yohanes 1:38

Wali i Yesu mangalekoka tangoNya pei mangkita tau dua etu mangalulu Ia, wali Ia mampotanaka resi sira, Ia manganto’o, “Kesaa liwu ngkomi?” Sira mangansono, “Rabi, imbare tampa nukaroo ngKomi?” (Ane Rabi etu, batuanginya Guru.)

Yohanes 1:49

Wali i Natanael ipu kojo rayanya mangandonge gombo i Yesu etu apa tempo ia ri ara kaju ara etu, tempo etu i Yesu taa nja’u nja’u ria. Wali see naka ia manganto’o, “Pa’a Guru, monso pu’u Komi Ana i mPue Allah! Komi Makole mami to Israel!”

Yohanes 3:2

Wali re’e sangkani tempo ri raya mburi i Nikodemus etu ia yau mangampago i Yesu, panewa manganto’oka Ia, “Pa’a Guru, kami kunsani Komi semo guru to ma’i napokau i mPue Allah. Apa tare tau to maya mangika palaong to taa rapobiasa to nuika ngKomi ane tare i Pue Allah resi ia.”

Yohanes 3:26

Wali anaguru i Yohanes etu sira yau resi i Yohanes pei mampotanaka resi ia, sira manganto’o, “Pa’a Guru, tau to nurata ngkomi seore nja’u sambote koro Yordan, to nuto’oka ngkomi kami Ia semo Ana i mPue Allah, tau etu re’e seja mangabaptis tau si’i-si’i. Pasi samparia tau mampiyaika yau komi pei yau mangampago Ia.”

Yohanes 4:31

Tempo sira tawa rata, tempo etu kami to anaguru i Yesu mamporapika resi Ia, kami manganto’o, “Pa’a Guru, pangkonimo ruyu.”

Yohanes 6:25

Wali ojo pangarata ntau boros i Yesu nja’u sambote ndano etu, sira mampotanaka resi Ia, to’o nsira, “Pa’a Guru, mpia karata ngKomi rire?”

Yohanes 9:2

Wali kami to anaguru i Yesu mampotanaka resi Ia, kami manganto’o, “Pa’a Guru, i sema to nangika dosa naka pei tau si’i buta yami yako ri kare’enya? Bara ia semo nangika dosa, bara tau tu’anya?”

Yohanes 11:8

Pei kami manganto’o, “Pa’a Guru, tawa masae to Yahudi nja’u ria rani mangantasoka Komi watu. Wali maka pei Komi rani mawolili muni njo’u ria?”

Yohanes 20:16

Wali i Yesu manganto’o, “Maria!” Wali i Maria mangalekoka muni tangonya resi Ia panewa mansaka mangansanika i Yesu semo. Ia magombo ri raya basa Ibrani, to’onya, “O Rabuni!” Batuanginya Rabuni, etu semo “Pa’a Guru”. Wali i Maria yau mambokotu ri tango i Yesu pei mangkongko witiNya apa manga’angga Ia.

Pilemon 1:16

Pasi si’i-si’i ia si’a ojo watuamu. Ia bae wo’u batuanginya yako watua, apa si’i-si’i ia mawalimo seja a’i ngkorom anu raporayang. Aku mamporayang kojo ia. Pei korom semo to dabae-bae wo’u pamporayang resi ia, apa korom mamporayang ia apa saba ia to papolaong ngkorom pasi apa saba ia mangaya seja i Pue sewaju ewa korom.