Matius 23:39 - Tuntu i mPue ri Basa Taa

³⁹ Wali Aku manganto’oka komi, tempo Aku yau, roo see komi tawa damangkita wo’u Aku sampe rata temponya komi damangantabe Aku, manganto’o, ‘Barong Ia to ma’i napokau i mPue!’”

Sura Magali Nuntu Ngkatuwu

³⁹ Da nupaincani: Montepuʼu wawaseʼi bareʼemo da nukita Yaku rantani nutoʼo, ‘Ndadoncomo Sira anu rata ri toʼo i mPue.’ ”

Matius 23:39 Referans Kwoze

Matius 21:9

Wali tau boros to njo’u ruyu rataka tau to ri purinya sira sakaboo, sira manganto’o, “Barong tau si’i, Wiyaa i Daud! Ia semo Makole parajanji i mPue Allah! Ia ma’i napokau i mPue! Wali barong Ia! Barong i Pue Allah anu to bae kojo kuasaNya!”

Roma 11:25

Wali a’i-a’i to samba’a pangaya, aku rani komi mangansani anu to tawa nansani ntau to owo room napaponsanika i mPue Allah aku. Naka pei aku rani komi mangansani see komi taa damangei mampobuuka komi semo to pande-pande pei tau to yusa. Wali anu to tawa nansani ntau etu, etu semo mangkonong to Israel. Wali etu semo, re’e sangga’a to Israel mako’o wo’onya tempo si’i, pei taa singkasaenya. Ojo kagananya tau to si’a to Yahudi to mangandolika tangonya resi i Pue, panewa to Israel tamo muni mako’o wo’onya.

Yohanes 8:56

Wali i Abraham, bue ngkomi, ia ndende kojo rayanya tempo owi mampobuuka temponya Aku dama’i ri lino si’i. Pasi ia roomo mangkita kama’ingKu etu, wali masanang kojo rayanya.”

Yohanes 8:24

Aku roomo manganto’oka komi ngena komi damate re’e katawanya dosa ngkomi ralapas. Naka pei Aku manganto’o ewa wetu apa etu semo to damawali ane komi taa mangaya anu to Aku roomo manganto’o mangkonong i sema kamonsonya Aku.”

Yohanes 8:21

Wali i Yesu manganto’oka wo’u sira, to’oNya, “Aku damampiyaika komi, pasi komi damangaliwu Aku, pei komi taa kojo damangarata Aku. Komi taa maya yau ri tampa to daKukayako apa komi damate re’e katawanya dosa ngkomi ralapas.” Ewa see nato’o i Yesu.

Lukas 17:22

Wali roo see i Yesu mampotundeka anaguruNya mangkonong temponya Ia dama’i muni damawali Makole ri lino, Ia manganto’o, “Aku, Wiyaa nto Lino, damampiyaika ruyu lino si’i, panewa payunya Aku yau darata tempo komi damawongko kojo rani mangangkita Aku maporenta ri lino. Pei komi tawa damangkita sakowa seo Aku maporenta ri lino, apa tawa rata temponya Aku ma’i maporenta etu.

Yohanes 14:19

Pei ane to lino to taa mangaya, tamo masae panewa sira tamo damangkita Aku. Pei komi to mangaya damangkita Aku. Pasi apa saba Aku datuwu muni, see naka darata temponya komi seja datuwu muni yako ri kapatemu.

Yohanes 14:9

Pei i Yesu manganto’oka ia, “O Pilipus, Aku masaemo siwaka pei komi. Wimba, korom bara tawa mangansani i sema kamonsonya Aku? Maka pei korom manganto’o, ‘Papokitaka kami Pa’aMu?’ Apa tau to roomo mangkita Aku, tau etu ewa room seja mangkita Pa’angKu.