Matius 23:26 - Tuntu i mPue ri Basa Taa

²⁶ Gete komi to aliran Parisi, komi ewa tau buta! Pakayongongika ruyu anu to raposaka ri raya nsangkir pasi pingga, panewa wotonya pasi bengonya maya rapakayongongika seja.

Sura Magali Nuntu Ngkatuwu

²⁶ Ee to Parisi anu buta! Ndiwusoʼimo pakayali raya waʼa ntabo pai waʼa mangkomi da naka wawonya da magali woʼu.

Matius 23:26 Referans Kwoze

Yakobus 4:8

Pasi pakamosu resi i Pue Allah, apa ane komi mampakamosu resi i Pue Allah, Ia damampakamosu resi komi. Pasi komi to mangika palaong to madosa, pakayongo lengko ngkomi, ewa tau to makarika palenya matao ane mamue. Pasi komi to dua-dua rayamu mangkonong pangaya ngkomi, pakayongo raya ngkomi etu.

2 Korintus 7:1

Wali a’i-a’i to kuporayang kojo, magaya kojo parajanji-parajanji i mPue Allah resi kita etu! Wali apa saba parajanjiNya etu see naka anu kita mampakayongongika raya ngkita pasi koro ngkita. Batuanginya, posaka yau samparia palaong to maja’a to mampakarikasika koronta pasi rayanta etu. Pasi anu kita kanjo’u-njo’u tiduga-dugang mampasilonga lengko ngkita to masipato naika ntau to i Pue Allah Puenya. Ewa wetu lengko ngkita mampalaika i Pue Allah saba manga’angga Ia.

Ibrani 10:22

See naka anu kita mangampago i Pue Allah ri kabuya ndayanta. Apa kita mangansarumaka kojo i Pue Allah damangantima kita. Pasi raya ngkita raporapaka ewa roomo napedasaka i ngKerisitu raaNya to mampakayongo see rayanta tamo mangepe sala ri tango i mPue Allah. Pasi koro ngkita raporapaka ewa rariuka ue to mayongo.

Matius 12:33

Wali yako etu i Yesu manganto’oka wo’u to Yahudi to aliran Parisi rapa, Ia manganto’o, “Wali mangkonong kaju to mawua, kita mangansani ane kaju matao, matao seja wuanya. Pasi ane kaju maja’a, maja’a seja wuanya. Wali yako ri wua ngkaju semo naka pei kita mangansani kaju etu bara matao bara taa.

Lukas 6:45

Wali ewa see seja ane tau. Apa ane tau to matao, ia mampobuuka anu to matao, see naka matao seja gombo ntau etu. Pei ane tau to maja’a, ia mampobuuka anu to maja’a, wali see naka maja’a seja gombo ntau etu. Wali ewa wimba raya ntau, etu semo mawali pu’u nu gombo to masuwu yako ri nganganya.”

Matius 14:8

Wali tau we’a etu manganto’oka i Herodes gombo to nato’oka nu indonya ia, ia manganto’o, “Wo’o i Yohanes to Pombaptis kuporani. Kenika aku pasaka nja’u raya ndula meja.”

Markus 7:4

Pasi sira seja ane yau lo’u pasar, rata ma’i tawa maya mangkoni ane taa mandiu ruyu singkonong ewa ada nto tu’angi nsira. Pasi ane ewa ada nsira etu boros kojo wo’u to nalulu kojo nsira. Apa ada to si sira pasiwa mamposo’i sangkir, kura pasi pawanga yako ri tambaga, si’a ojo mangika ngkewanya. Wali mabeu kojo palaong to naika nsira mangalulu ada nto tu’angi nsira.

Lukas 11:39

Wali i Yesu manganto’oka ia, “Gete komi to aliran Parisi! Komi raporapaka ewa tau to mampakayongongika sangkir pasi pingga ojo ri wotonya. Apa komi mampakayongongika koro ngkomi, pei raya ngkomi bamporomung pasi maja’a kojo.