Matius 23:23 - Tuntu i mPue ri Basa Taa

²³ “Pasi kasesa danurata ngkomi to mampoguru porenta i Musa pasi komi to aliran Parisi. Komi ojo gombomu to manoto! Komi damangarata kasesa apa komi taa mangika anu to bae kojo batuanginya resi i Pue Allah. Komi madota kojo mangalulu porenta-porenta to taa bae kojo batuanginya, ewamo mangawai santila sampuyu yako samparia to komi mangarata. Apa gete, pasiwa pinumuya rampa to rato’oka selasi, adas manis pasi wunga rampa, komi madota mangawaika resi i Pue Allah santila sampuyu. Pei komi taa mangaluluka porenta i Musa to bae wo’u batuanginya. To bae wo’u batuanginya etu semo mangika palaong to masipato raika, pasi mamporayang sa’e, pasi mangika lengko ngkatuwu to masipato nasarumaka nsa’e. Wali komi taa kojo mangaluluka porenta to etu. Wali matao ane tiroowa mangawai santila sampuyu, pei pakadota mangalulu seja porenta to bae wo’u batuanginya etu.

Sura Magali Nuntu Ngkatuwu

²³ Marugimo komi waʼa guru agama pai waʼa nto Parisi! Komimo waʼa ntau topokira-kira, maka sampotila sampuyu ungka ri waʼa rampa ewa solasi, jinta pai kuya ndipanyombaka ri Pue. Ntanoka anu bangke mpodago ri waʼa ncongka agama, ewa: kayoa ndaya, puru ndaya pai pepoʼinaya inceʼe bareʼe ndiwianaka. Incetumo kamonconya anu sangaya-ngaya da ndiwianaka pura-puranya, ri kabareʼenya reʼe anu ntani-ntaninya woʼu ndalewa.

Matius 23:23 Referans Kwoze

Lukas 11:42

“Kasesa danurata ngkomi to aliran Parisi. Apa komi taa mangika anu to bae kojo batuanginya resi i Pue Allah. Komi madota kojo mangalulu porenta-porenta to taa bae kojo batuanginya, ewamo mangawai santila sampuyu. Apa gete, sakowa pinumuya rampa to rato’oka selasi, inggu, pasi rampa-rampa to yusa, komi madota mangawaika resi i Pue Allah santila sampuyu. Pei komi taa mangalulu porenta to bae wo’u batuanginya, etu semo mangika ewa wimba to masipato raika resi sa’e, pasi mamporayang i Pue Allah. Wali matao ane tiroowa mangawai santila sampuyu, pei pakadota mangalulu porenta to bae wo’u batuanginya etu.

Matius 9:13

Wali tau madosa to nuto’o ngkomi etu, sira ewa tau to masaki to mamporani dokter. Pei ane komi, komi mampobuuka komi nempo taa rasawang taa mawei, apa komi madota kojo mangika pampue singkonong ewa porenta i mPue Allah. Pei gombo ngkomi ngena mampakanasaka Aku komi taa kojo mamporayang sa’e. Wali to tao-tao komi mampobuuka kojo pasi mampobatuangika gombo to ratulis ri raya ntuntu i mPue Allah to manganto’o, ‘Si’a pampue to mampakasanang rayangKu. Pamporayang semo.’ (Hosea 6:6; Mat 12:7) Wali pobuuka kojo batuanginya ayat to etu apa ewa wetu seja Aku. Apa Aku ma’i si’a ma’i mangansale tau to mampobuuka taa sala. Aku ma’i mangansale tau madosa see sira damajea. See naka Aku mangkoni sindara-ndara pei tau madosa etu.”

Lukas 18:12

Kasimbalinya yako etu, aku mangorop dua ngkani rayanya samba’a minggu, pasi aku mangawaika yau resi Komi santila sampuyu yako samparia to ratangku.’ Etu semo pokai-kai nto Parisi etu.

Matius 12:7

Pei komi tawa manasa batuanginya gombo i mPue Allah to ratulis ri raya ntuntuNya see naka komi manto’o maja’a anagurungKu. Gombo to ratulis etu manganto’o, ‘Si’a pampue to mampakasanang rayangKu. Pamporayang semo.’ (Hosea 6:6; Mat 9:13) Komi taa manasa batuanginya gombo etu, apa ane manasa ngkomi komi taa damampakasala tau to tare salanya. Kasimbalinya yako etu, komi damamporayang tau etu.

Matius 23:13

Wali yako etu i Yesu manganto’o wo’u, to’oNya, “Ojo kasesa danurata ngkomi to mampoguru porenta i Musa pasi komi to aliran Parisi. Komi ojo gombomu to manoto! Apa komi mangaba’a jaya see tau taa maya mawali tau to Makolenya i Pue Allah. Komi taa rani mawali tau to Ia Makolenya, pasi komi mangamparas sa’e to rani mawali tauNya.