Matius 23:15 - Tuntu i mPue ri Basa Taa

¹⁵ “Ojo kasesa danurata ngkomi to mampoguru porenta i Musa pasi komi to aliran Parisi. Komi to ojo gombomu to manoto! Komi damangarata kasesa apa saba yako lengko ngkomi see naka tau to yusa mawali maja’a kojo. Apa komi mampobuuka nempo parluu mangawote tasi pasi mangalinjak sambawo lino, komi buya seja rayamu ane maya mangarata nempo samba’aja tau to rani damawali anagurumu. Pei tempo tau etu mawalimo anaguru ngkomi, roo see ia mawali madota kojo mampolengkoka seja lengko to si komi, see naka kaja’a to si ia mawali yau dua ngkani kaparinya pei kaja’a ngkomi. Wali komi masipato rahuku la’u apa naraka, pei taa manto’o ia to dua ngkani kaja’anya etu!

Sura Magali Nuntu Ngkatuwu

¹⁵ Marugimo komi waʼa guru agama pai waʼa nto Parisi! Komimo waʼa ntau topokira-kira! Komi mosumomba ri kalawanya ri sambote ntasi, ndigolili sape lino da ndipaleʼo mampapesua tau ri agamami. Ane mesuamo ri agamami, tau setu ndipapewali tau bangani naraka, painaka kajaʼa ntau setu radua ngkani kaʼai ngkajaʼanya pai komi!

Matius 23:15 Referans Kwoze

Epesus 2:3

Wali tempo kita tawa mangaya, tempo etu kita samparia sewaju pei tau to taa mampolaika i Pue Allah etu. Apa tempo etu kita seja ojo mangaluluka yau pampobuuka ngkita to masae. Pasi kesaa to mampakasanang koro ngkita pasi pampobuuka ngkita, etu semo to kita mangika. Wali tempo etu kita masipato nahuku i mPue Allah sewaju pei tau to yusa, apa saba lengko ngkita to maja’a etu.

Palaong mPomakau i mPue Yesu 13:43

Wali yako etu sira samparia masuwu yako ri banua etu. Tempo sira masuwu, boros to Yahudi pasi tau to yusa to mangalulu kojo agama nto Yahudi, sira mangalulu i Paulus sira dua i Barnabas. Wali i Paulus sira dua magombo wo’u mampakaroso raya ntau boros etu naka ne’e sira mandoo mansarumaka kanoto i mPue Allah.

Palaong mPomakau i mPue Yesu 13:10

Ia manganto’o, “O korom to pantipu pasi to pangakal, korom ana i ngKepala nto pantipu, pasi korom mangewa samparia to matao. Maka pei korom tare pandoonya rani mangawali yau anu to monso to nato’o i mPue see damawali yau wuti?

Palaong mPomakau i mPue Yesu 14:2

Pei to Yahudi to bo’onya mangaya, sira mangarotai raya ntau to si’a to Yahudi see sira maja’a rayanya resi tau to mangaya i Yesu etu.

Yohanes 8:44

Naka pei komi ewa wetu apa i Kepala nto pantipu semo pa’a ngkomi. Pasi komi rani mangalulu pamporani to si ia. Yako ri pamulanya ia mampopate tau. Pasi ia taa mampasimbalika anu to monso apa tare anu to monso resi ia. Pasi ia biasa kojo mawuti apa ewa wetu semo lengkonya. Ia to pawutis pasi samparia wuti ia semo pu’unya.

Galatia 6:12

Wali tau to rani mampakasaaka komi see komi darasui mangalulu ada nto Yahudi, tau etu ojo rani nabarong nsa’e saba kadota nsira mangalulu ada nu agama. Pei naka pei sira mangika ewa wetu see taa danasesai nsa’e. Apa sira mangansani ane sira manganto’o, “To kami mansarumaka, ojo kapate i ngKerisitu ri kaju pasape,” ane ewa see nato’o nsira, sa’e damangansesai pu’u sira.

Galatia 4:17

Ane tau to mampotundeka komi anu to taa monso si’i-si’i, tau etu madota kojo mangamomis komi apa rani masingkatao pei komi. Pei songka nsira taa matao. Sira ojo rani mangaga’a kita see komi damakoro wo’u mangalulu sira.

Matius 5:22

Pei Aku manganto’oka komi, tau nempo ojo maja’a rayanya resi yununya, tau etu masipato danahuku nto pobotus. Pasi i sema-sema manganto’oka yununya, ‘Bea korom!’ tau etu masipato seja danahuku nto pobotus. Pei i sema-sema to manganto’oka yununya, ‘Korom taa kojo re’e batuanginya!’ tau etu masipato darapanasok yau lo’u apu naraka.

Palaong mPomakau i mPue Yesu 17:13

Pei yako etu to Yahudi to nja’u Tesalonika to kaloo seore mangkita tau boros mangalulu i Paulus pasi yununya, sira mangandonge kareba to manganto’o i Paulus re’e seja mampakarebaka tuntu i mPue resi tau nja’u kota Berea. Wali sira mangampago kota Berea. Ojo karata nsira, sira mangarotai pasi mampakasusa raya ntau boros nja’u ria.

Palaong mPomakau i mPue Yesu 14:19

Wali yako etu ratamo to Yahudi to yako ri kota Antiokhia pasi kota Ikonium, sira rata nja’u kota Listra etu. Tau rata etu mampogomboka tau Listra manganto’o maja’a i Paulus sira dua i Barnabas panewa tau Listra etu mampasimbalika yau tau to rata etu. Wali sira mangantasoka i Paulus watu panewa mangaditi yau ia ri sambali ngkota. Sira mampondayaka ia matem.

Palaong mPomakau i mPue Yesu 2:10

pasi re’e seja to yako Prigia, Pampilia, Mesir, pasi to yako ri lipu-lipu ri tana Libia to mosu ri kota Kirene. Pasi re’e seja to yako ri kota Roma.

Palaong mPomakau i mPue Yesu 6:5

Wali tempo tau boros mangandonge gombo mpomakau etu sira masanang kojo. Wali sira mangampilis pitu mba’a tau. Tau to ipilis etu samba’a sanganya i Stepanus. Ia tau to mangaya kojo i Pue Yesu pasi to bae kojo karoso ndaya to nawaika i Nosa Mapasing ia. Pasi kasimbalinya yako i Stepanus etu re’e ono wo’u tau to sanganya i Pilipus, i Prokorus, i Nikanor, i Timon, i Parmenas pasi i Nikolaus to yako ri kota Antiokhia. I Nikolaus etu ia si’a to Yahudi pei ia room masua agama nto Yahudi.

Matius 5:29

Wali yako etu i Yesu manganto’o, “Ane mata ngkomi to sambali mangalo’aka anu to taa matao ralo’aka, see naka komi mawali dosa ri rayamu, ane ewa see pakadota kojo mampandooka mangika dosa etu. Kadota ngkomi etu maya raporapaka ewa tau to mangansu’i yau sambali matanya etu pei taji yau see tamo maya mangalo’aka anu to taa matao ralo’aka etu. Apa to tao-tao nempo jamo sambalija matamu sakowa korom kabaenya rataji yau lo’u apu naraka.

Matius 3:7

Wali tempo etu re’e seja boros to Yahudi to yau seja mampago danabaptis i Yohanes. Ri oyo ntau etu malagi to aliran Parisi pasi malagi seja to aliran Saduki. Pei tempo i Yohanes mangkita sira ma’i, ia manganseko sira, to’onya, “Gete, komi ewa ule to mampeyaa mampiyaika apu nja’u pada! Wimba, komi bara mampobuuka ane ma’i darabaptis, ane ewa see komi maya mampiyaika huku to danaporata i mPue Allah? Gete, taa mawali ewa wetu, apa ane ojo gombo ngkomi to manoto, nempo roomo rabaptis pei komi tiroo damangarata huku nu dosa ngkomi.

Matius 23:13

Wali yako etu i Yesu manganto’o wo’u, to’oNya, “Ojo kasesa danurata ngkomi to mampoguru porenta i Musa pasi komi to aliran Parisi. Komi ojo gombomu to manoto! Apa komi mangaba’a jaya see tau taa maya mawali tau to Makolenya i Pue Allah. Komi taa rani mawali tau to Ia Makolenya, pasi komi mangamparas sa’e to rani mawali tauNya.