Matius 23:14 - Tuntu i mPue ri Basa Taa

¹⁴ “Kasesa danurata ngkomi to mampoguru porenta i Musa pasi komi to aliran Parisi. Komi ojo gombomu to manoto! Komi damangarata kasesa apa komi mangantipu tau balu panewa mangoko yau kasuginya. Pasi tempo komi makai-kai ri tango ntau, komi makai-kai masae kojo see matao nadonge nsa’e, pei tempo etu ojo gombo ngkomi to manoto. Wali see naka i Pue Allah damampakapari wo’u huku to danurata ngkomi.

Sura Magali Nuntu Ngkatuwu

¹⁴ Marugimo komi waʼa guru agama pai waʼa nto Parisi! Komimo waʼa ntau topokira-kira. Komi anu mantengosi waʼa mbeʼa bemba ndirampa banuanya; da mangancambunika engkomi anu majaʼa setu ndipakarate pekakaimi; inceʼe puʼunya painaka da maʼai ngkanee hukumi!]

Matius 23:14 Referans Kwoze

Matius 23:13

Wali yako etu i Yesu manganto’o wo’u, to’oNya, “Ojo kasesa danurata ngkomi to mampoguru porenta i Musa pasi komi to aliran Parisi. Komi ojo gombomu to manoto! Apa komi mangaba’a jaya see tau taa maya mawali tau to Makolenya i Pue Allah. Komi taa rani mawali tau to Ia Makolenya, pasi komi mangamparas sa’e to rani mawali tauNya.

Markus 12:40

Pasi tau etu ojo mangantipu tau balu panewa mangoko yau kasuginya. Pei tempo sira makai-kai ri tango ntau, sira makai-kai masae kojo see matao nadonge nsa’e, pei tau etu ojo gombonya manoto. Wali see naka i Pue Allah damampakapari wo’u huku to danarata ntau etu.”

Lukas 20:47

Pasi tau etu ojo mangantipu tau balu panewa mangoko yau kasuginya. Pei tempo sira makai-kai ri tango ntau, sira makai-kai masae kojo see matao nadonge nsa’e, pei tau etu ojo gombonya manoto. Wali see naka i Pue Allah damampakapari wo’u huku to danarata ntau etu.”

Matius 11:24

Pei komi taa majea wali ane ratamo temponya i Pue Allah damangabotus to lino, tempo etu komi semo to pari-pari huku to danurata pei tau Sodom etu.”

Matius 23:33

“Wali Aku manganto’oka komi, komi ewa ule to mampeyaa mampiyaika apu nja’u pada pei ia taa nakurang. Apa ewa see seja komi. Komi taa kojo damangampiyaika huku ngkomi la’u apu naraka!

Lukas 12:48

Pei to papolaong to taa manasanya pamporani ntau puenya see naka ia mangika palaong to masipato rahuku, tau etu daratidas seja pei taa mapari kojo. “Wali ane boros to rawaika resi tau, ane ewa see boros seja to naporani i mPue Allah tau etu damangawai. Pasi ane boros to rasarumakaka resi tau, ane ewa see i Pue Allah mamporani tau etu damadota kojo mangampake anu to rasarumakaka resi ia etu.”

2 Timotius 3:6

Apa ri oyo ntau etu, re’e tau to mampotundeka anu to taa monso, tau etu biasa mangantipu tau panewa masua ri raya banua ntau etu. Roo see sira mangakal tau we’a to taa bae karoso ndayanya see tau we’a etu mangaluluka yau anu to napotundeka nsira etu. Tau we’a etu sira masusa mampobuuka dosa nsira to malagi kojo, pasi sira ojo mangaluluka yau pamporani ndaya nsira to mpangaya-ngaya.

Titus 1:10

Wali bae batuanginya korom mangika palaong etu apa boros tau to mangewa anu to rapotundeka, pei tau to mangewa etu kaborosinya tau to mangkongko ada nto Yahudi. Sira mampotunde tau pei kamonsonya gombonya tare kojo batuanginya, sira ojo mangantipu tau.

Yakobus 3:1

Wali a’i-a’ingku, ane mangkonong gombo ngkita, kamonsonya kita samparia paka malagi sala to taika. See naka to tao-tao taa boros kita to rani mawali tau to mampotundeka sa’e tuntu i mPue Allah. Apa ane ratamo temponya kita darabotus, tempo etu kami to mampotundeka sa’e tuntu i mPue Allah, palaong mami semo to danaparesa kojo nto Pobotus. Pei ane mangkonong gombo ngkita, si’a ojo tau to mampotundeka sa’e to masipato mangajagai gombonya, samparia kita. Wali ane rapanya re’e samba’a kita to taa kojo re’e gombonya to sala, tau etu tau to masilonga. Pasi tau etu nakoto mangkuasang samparia saga ngkoronya.

2 Petrus 2:3

Wali tau to mampotunde anu to taa monso etu, sira rani kojo sugi. See naka sira damanganto’o gombo to mawuti damangamomis komi see komi damangawaika sira doi. Pei tamo masae sira darahuku. Apa masaemo i Pue Allah, to Pobotus nsira, Ia mangansani sala nsira etu pasi Ia mangansani seja ewa wimba Ia mangangika damangahuku sira. Wali huku to etu tamo masae dakonomo sira.

2 Petrus 2:14

Sira sangkani rani masala ane mangalo’aka tau we’a. Pasi sira tare pandoonya mangika dosa. Sira mangakal tau to taa maroso pangayanya. Pasi raya nsira sangkani mamporani anu nsa’e. Wali sira natanaa yau i mPue Allah.