Matius 23:12 - Tuntu i mPue ri Basa Taa

¹² Apa i sema tau to mampakabae angga ngkoronya, tau etu darapakakodi angganya. Pasi i sema tau to mampakakodi angga ngkoronya, tau etu darapakabae angganya.”

Sura Magali Nuntu Ngkatuwu

¹² Tau anu mobangke-bangke da ndakodisi, pai tau anu mampakalauka koronya siʼa da ndatanderaka.”

Matius 23:12 Referans Kwoze

1 Petrus 5:5

Wali re’e seja to aku damanganto’oka resi komi to damangurawa. Etu semo, luluka songka ntau to tu’amo. Pasi ne’e mabae-bae raya ngkomi, pei mawali ewa to papolaong nu yunu ngkomi samba’a pei samba’a. Apa ewa si’i ratulis ri raya ntuntu i mPue Allah, to’onya, “I Pue Allah mangewa tau to mangei, pei Ia mangawaika kanotoNya resi tau to taa mabae-bae rayanya.” (Amsal 3:34) Ewa wetu ratulis ri raya ntuntu i mPue Allah.

Yakobus 4:6

Pei pansawang to nawaika i mPue Allah kita yako ri kanotoNya, pansawang etu semo to roso-roso pei pamporani ngkita to maja’a etu. See naka tuntu i mPue Allah manganto’o, “I Pue Allah mangewa tau to mangei, pei Ia mangansawang tau to taa mangei.” (Amsal 3:34) Ewa wetu nato’o ntuntu i mPue Allah. Wali ne’e kita mangei see kita maya nasawang i mPue Allah naka ne’e mangalulu yau pamporani ndayanta to maja’a.

Lukas 14:11

Apa i sema tau to mampakabae angga ngkoronya, tau etu darapakakodi angganya. Pasi i sema tau to mampakakodi angga ngkoronya, tau etu darapakabae angganya.”

Lukas 18:14

“Wali Aku manganto’oka komi tempo sira dua mawolili muni njo’u banuanya, to pantagi asele semo to nato’o i mPue Allah tare dosanya. Si’a to Parisi. Apa tau to mampakabae angganya, tau etu darapakakodi, pei tau to mampakakodi angganya, tau etu darapakabae.”

Matius 18:4

Wali ewa si’i panto’ongKu mangkonong angga ntau. Ane tau damawali tau to bae kojo angganya ane ri oyo ntau to Makolenya i Pue Allah, ane ewa see tau etu taa maya taa mampakakodi angganya pei mawali ewa ana kodi si’i.

Matius 5:3

“Masanang tau to mampongakung sira tare karoso ndaya ane taa nawaika i mPue Allah. Sira masanang apa sira mawali tau to Makolenya i Pue Allah.

1 Petrus 5:6

Wali ne’e mabae-bae raya ngkomi to tuwu ri ara ngkuasa i mPue Allah to maroso kojo. Ne’e mabae-bae raya see Ia damampakabae angga ngkomi ri tempo to masipato napangawaika.