Matius 22:13 - Tuntu i mPue ri Basa Taa

¹³ “Wali makole manganto’oka to papolaonginya, ‘Pungu palenya pasi witinya panewa panasok yau ia longko njo’u tampa to mawuri. Nja’u ria tau datumangi-mangi pasi sakangke’i baganginya.’ Ewa wetu nato’o makole.

Sura Magali Nuntu Ngkatuwu

¹³ Nasongka i mokole anamayununya natoʼo, ‘Ndipungu tau seʼi, nditendeka ri sambalikunya ri kawengi-wenginya. Njairia da kareʼe mpotumangi pai kapari.’ ”

Matius 22:13 Referans Kwoze

Matius 8:12

Pei boros komi to Yahudi to danarubak yau i mPue Allah. Kamonsonya ane ewa songka i mPue Allah komi to Yahudi semo to damawali tau to Makolenya i Pue Allah. Pei nempo ewa wetu pamporaniNya, pei re’e komi to tare pangayamu resi Aku. Wali see naka tau etu darapanasoka yau njo’u tampa to mawuri to longko yako i Pue Allah. Wali tau to nja’u tampa to mawuri etu, sira tumangi-mangi pasi sakangke’i baganginya.”

Matius 25:30

Panewa soko to papolaong to tare batuanginya si’i pei panasok yau njo’u longko, njo’u tampa to mawuri. Nja’u ria tau tumangi-mangi pasi sakangke’i baganginya.’” Wali etu semo rapa to nato’oka i Yesu kami to anaguruNya see kami mangansani mampakadota mangika palaong mami ri rayanya mangampeas tempo ngkama’iNya.

2 Petrus 2:17

Wali tau to mampotunde anu to taa monso etu, sira ewa mata nue to otim. Pasi sira ewa limu to roomo natawuis yau nu ngoyu. Apa gombo nsira tabaro kojo pei kamonsonya tare batuanginya. Wali gombo nsira etu mangakal tau to owo roo maga’a yako resi yununya to mangika lengko ngkatuwu to sala. Apa sira manganto’oka tau to owo room mampoga’aka yununya etu, manganto’o, “Taa mawei nempo mangaluluka yau pamporani ngkoro to maja’a pasi mangika palaong to masipato rapokea.” Pasi sira manganto’o, “Ane komi mangalulu jaya mami, nempo tamo mampalaika i Pue Allah, taa mawei.” Wali ewa wetu nato’o nsira. Pei kamonsonya tau to manganto’o gombo to etu sira semo to ewa watua. Apa sira nakuasang nu lengko to mampakaja’aka sira. Wali nempo bara kesaa to mangkuasang tau, etu semo to mampowatua ia. Wali lipu to mawuri kiji roomo napasigenaka i mPue Allah sira, pasi sira damaroo ri lipu to mawuri kiji etu rataka ri singkasaenya.

2 Petrus 2:4

Wali kita manasa resi kita, sira matantu darahuku apa sakowa pomakau-pomakau i mPue Allah ndate saruga, sira to nangika dosa tempo owi, sira taa raporayang. Sira napanasoka yau i mPue Allah lo’u lipu ntau mate. Wali sira rapunguka rante pasi maroo-roo ri tampa to mawuri la’u ria mangampeas temponya darapangabotus.

2 Tesalonika 1:9

Wali huku to danarata ntau etu, etu semo sira darapakaja’aka yau rataka ri singkasaenya, batuanginya sira darapanasok yau yako ri tango i mPue, wali sira tamo mangkita wo’u kuasa i mPue to bae kojo kayawaNya.

Lukas 13:28

“Wali ane ewa see, tempo to darata komi damangkita i Abraham, i Ishak pasi i Yakub pasi samparia to pantuntu tuntu i mPue Allah, sira paka re’e ri oyo ntau to i Pue Allah Makolenya. Pasi komi datumangi-mangi pasi sakangke’i bagangimu apa komi dararubak yau yako ri oyo ntau to etu.

Matius 24:51

Panewa puenya mapari kojo danaika mangahuku ia panewa damamposaka yau ia nja’u tampa to masipato darapamposaka tau to ojo gombonya manoto. Wali nja’u ria tau tumangi-mangi pasi sakangke’i baganginya.”

Matius 13:50

Panewa sira damampanasoka yau tau to maja’a etu lo’u apu to bae kojo. Wali la’u ria tau tumangi-mangi pasi sakangke’i baganginya.”

Matius 13:42

Wali pomakaungKu damangika palaong to etu panewa tau to napasiromunaka nsira etu sira damampanasoka yau lo’u tampa nu apu to bae kojo. Wali la’u tampa nu apu etu tau tumangi-mangi pasi sakangke’i baganginya.

Pangkita 21:27

Pei ri kota etu tare anu to makarika to maya masua ri rayanya. Pasi tau to mangika palaong to maja’a bara tau to mawuti, tau etu taa seja maya masua ri raya ngkota etu. Ojo tau to re’e sanganya ratulis ri raya buku ngkatuwu to Ana nu Domba puenya, ojo patanya tau etu sira maya masua njo’u raya ngkota etu.

I Yudas 1:13

Pasi sira raporapaka ewa bombang to bae ri wawo ntasi. Apa yako ri bombang etu re’e mawali to ewa wuranya ri wii ntasi, wuranya etu makarika pasi tare batuanginya. Wali palaong to masipato rapokea to naika ntau etu raporapaka ewa wura to nakita ntau ri wii ntasi etu. Pasi tau etu raporapaka seja ewa batu’e to ojo pangkewakanya palinjanya. Wali i Pue Allah room mampasigenaka sira tampa to mawuri kojo to la’u raya nu lino. Tampa etu danakaroos nsira rataka ri singkasaenya.

I Yudas 1:6

Pasi aku rani seja mampatiendoka komi anu to mawali resi pomakau i mPue Allah seore. Sira taa mangkongko pangka to nawaika i mPue Allah sira, sira ojo mampiyaika yau tampa to nakaroos nsira. Wali pomakau to etu room rapunguka yau rante to singkasaenya pasi room seja rata’amaka ri raya ntampa to mawuri to la’u raya nu lino. Sira nata’amaka i mPue Allah la’u ria sampe rata temponya sira darabotus ri eonya darapangabotus.

Palaong mPomakau i mPue Yesu 7:54

Wali ojo pangandonge ngkepala-kepala etu gombo i nStepanus, sira maja’a kojo rayanya sakangke’i baganginya.

Matius 13:30

Biakamo ruyu lee etu tuwu siwaka pei pae sampe rata temponya darapangampota. Wali tempo etu semo dakuto’oka tau to mamota mangarabus ruyu lee etu pei manganso’o, panewa rapanasoka yau ri apu. Roo see sira maya mangampota pae pei mangkalisoka nja’u raya ngkondangku.’ Ewa see nato’o nto panawu resi to papolaonginya.”

Matius 12:29

Wali roo see i Yesu rani mampakanasaka sira Ia semo to roso-roso pei i Kepala Measa, see naka Ia manganto’o wo’u rapa, to’oNya, “Rapanya re’e tau to maroso kojo, tau taa maya masua ri raya banuanya pei mangoko yau ngaya-ngayanya apa ia maroso mangamparambang. Pei ane rata tau to roso-roso wo’u pei ia, tau etu maya mangampungu yau ia panewa mangoko yau ngaya-ngayanya. Wali Aku roomo manganangi i Kepala Measa see naka Aku maya mangarubak joanya pei mangoko yau tau to ia puenya.

Palaong mPomakau i mPue Yesu 21:11

Wali ojo karata i Agabus etu resi kami, ia mangoko so’o ntongo i mPaulus panewa ia mangampunguka pale pasi witi to si ia. Ia manganto’o, “I Nosa Mapasing manganto’o, ‘Ewa si’i danaika ntau resi ngkai pue nso’o ntongo si’i. Ia danapungu nto Yahudi nda’a Yerusalem panewa sira damangawaika yau ia resi tau to si’a to Yahudi.’”

Yohanes 21:18

Aku manganto’oka korom, monso pu’u, tempo korom damangurawa, tempo etu korom semo to mamposunsuka pakemu pasi manganso’o salipimu damampakaroso yau bara imbare rani nukayako. Pei tempo korom tu’am, tempo etu korom damangantotoka palemu panewa tau to yusa damangampungu korom pei damangkeni korom njo’u tampa to taa nuporani ngkorom yau.”