Matius 21:26 - Tuntu i mPue ri Basa Taa

²⁶ Pei ane kita manganto’o to lino semo to nangawaika ia kuasanya, gete, masipato kita mampokeka tau boros, apa sira damasusa kojo resi kita. Apa ane ewa pampobuuka nsira i Yohanes monso pu’u nawaika i mPue Allah kuasa mawali to pantuntu tuntuNya.”

Sura Magali Nuntu Ngkatuwu

²⁶ Paikanya ane tatoʼo, ‘Pai kuasa ntolino,’ maekata tau sondo, maka tau seʼe pura-pura mantoʼo i Yohane sambaʼa nabi.”

Matius 21:26 Referans Kwoze

Markus 6:20

apa i Makole Herodes mangajagai kojo naka ne’e i Herodias damampopate yau ia. I Herodes kansongka rayanya resi i Yohanes see naka mangajagai. Ia masanang rayanya mampodongeka gombo i Yohanes nempo ipu rayanya mandonge gombo etu pasi ia nansani seja i Yohanes ia tau matao pasi ia i Pue Allah puenya. Wali see naka ia mangajagai i Yohanes.

Yohanes 5:35

Apa i Yohanes etu mampaponsanika tau kareba yako resi i Pue Allah, see naka ia raporapaka ewa pansona to mawea to mampakareme tau to ri raya ngkawuri. Wali tempo ia owo mamula mampakarebaka komi kareba to raporapaka ewa reme etu, tempo etu komi masanang mampodongeka gombonya to raporapaka ewa reme etu pei si’i-si’i komi tamo rani mangaya gombonya etu.

Matius 21:46

See naka sira rani kojo mangansoko Ia. Pei taa mawali apa sira mampokeka tau boros apa tau boros etu mampobuuka i Yesu Ia to pantuntu tuntu i mPue Allah.

Matius 11:9

Wali i sema kamonsonya nulo’a ngkomi? To pantuntu tuntu i mPue Allah semo to nulo’a ngkomi! Pei Aku manganto’oka komi, palaong to si ia bae wo’u batuanginya pei palaong nto pantuntu tuntu i mPue Allah to biasa, apa ia semo to napokau i mPue Allah damampatiruyu pei Aku, Makole parajanjiNya.

Palaong mPomakau i mPue Yesu 5:26

Wali kepala nto panjaga etu pasi to papolaong nsira yau njo’u raya banua i mPue Allah pei mangoko pomakau i mPue Yesu etu. Pei tempo sira mangoko etu sira taa mampoja’a bara mantidas pomakau etu, apa sira meka rayanya tau boros bara damangantasoka sira watu.

Yohanes 9:22

Naka pei tau tu’a ngkai etu manganto’o ewa wetu apa sira meka resi kepala-kepala nto Yahudi etu. Apa sira mangansani kepala-kepala etu roomo manganto’o i sema tau to mampatimonso i Yesu Ia Kerisitu, Makole parajanji i mPue Allah, tau etu tamo darabiaka damasua ri banua napampotunde nsira.

Lukas 22:2

Wali tempo etu kepala-kepala nto pampue pasi tau to mampoguru porenta i Musa, sira mangaliwu jaya see sira maya mampopate yau i Yesu. Sira mampobuuka kojo ewa wimba daraika see tau boros taa mangansani apa tau boros etu malagi sira to mampobuuka i Yesu Ia to pantuntu tuntu i mPue Allah. Wali kepala-kepala nto pampue pasi yununya sira mampokeka bara danapoja’a ntau boros ane mampopate yau i Yesu.

Lukas 20:19

Wali ojo pangandonge ngkepala-kepala nto pampue pasi tau to mampoguru porenta i Musa ligi to nato’o i Yesu etu, sira manasa batuanginya mangkonong sira semo. See naka sira rani kojo mangansoko Ia. Pei taa mawali apa sira mampokeka tau boros.

Lukas 20:6

Pei ane kita manganto’o to lino semo to nangawaika ia kuasanya, gete, tau boros damangantasoka kita watu apa sira damasusa kojo resi kita. Apa ane ewa pampobuuka nsira i Yohanes monso pu’u nawaika i mPue Allah kuasa mawali to pantuntu tuntuNya.”

Markus 12:12

Wali ojo pangandonge ngkepala-kepala nto pampue pasi tau to mampoguru porenta i Musa pasi tau tu’a nto Yahudi ligi to nato’o i Yesu etu, sira manasa batuanginya mangkonong sira semo. See naka sira rani kojo mangansoko Ia. Pei taa mawali apa sira mampokeka tau boros. Wali sira mawolili muni mampiyaika i Yesu.

Markus 11:32

Pei gete, kesaa damawali ane kita manganto’o to lino semo to nangawaika ia kuasanya?” Wali naka pei sira taa rani manganto’o kuasa i Yohanes yako resi to lino apa sira mampobuuka masipato sira mampokeka kaja’a ndaya ntau boros, apa ane ewa pampobuuka ntau boros i Yohanes monso pu’u nawaika i mPue Allah kuasa mawali to pantuntu tuntuNya.

Matius 21:11

Wali tau boros to mangalulu i Yesu etu mangansono, “Si’i semo i Yesu, Ia to pantuntu tuntu i mPue Allah yako kota Nasaret ri propinsi Galilea.”

Matius 21:25

Si’i semo pampotanaka. Bara sema nangawaika i Yohanes kuasa mangabaptis tau, bara i Pue Allah, bara to lino?” Wali ojo pangandonge nsira pampotanaka i Yesu etu, sira masipotanaka samba’a pei samba’a, sira manganto’o, “Wimba dataika mangansono, apa ane kita damanganto’o yako resi i Pue Allah nangawaika i Yohanes kuasa, I Yesu damanganto’o wo’u, ‘Maka pei komi manasa ngkomi i Pue Allah nangawaika ia kuasa pei komi taa mangaya anu to ia mampotundeka?”

Matius 21:27

Wali kepala-kepala nto pampue pasi yununya, sira manganto’oka i Yesu, “Kami taa kunsani yako sema pangarata i Yohanes kuasanya.” Panewa roo see i Yesu manganto’oka sira, “Ane komi taa manganto’oka Aku, Aku taa seja damanganto’oka komi yako sema Aku mangarata kuasa mangika palaong to inikangKu etu.”